Pakistan TOPH taslamasyny durmuşa geçirmäge taýýar — HBS
17:08 10.02.2023 10757
Pakistan, Hindistan bilen, ýa-da onsuz hem bolsa, Türkmenistan-Owganystan-Pakistan-Hindistan (TOPH) gaz geçirijisiniň taslamasyny durmuşa geçirmäge başlamaga taýýarlygyny mälim etdi, çünki Owganystan bu taslama üçin ýörite güýçleri toplamaga taýýar. Bu barada ýurduň nebit we tebigy serişdeler ministri Musadik Malik ýakynda Saud Arabystanyna sapary wagtynda aýtdy diýip, Pakistanyň gündelik maliýe gazeti bolan Business Recorder ýazýar.
Neşiriň çeşmeleriniň habar bermegine görä, ministr saud tarapyna TOPH gaz geçirijisiniň häzirki ýagdaýy barada habar berdi. Malikiň bellemegine görä, Pakistan taslamany mümkin boldugyndan tiz durmuşa geçirmek isleýär. Habar berlişi ýaly, eger-de Hindistan taslamadan çyksa, onda Pakistan onuň gaz paýyny hem satyn almaga taýýar.
Owganystan meselesi baradaky sowala nebit we tebigy serişdeler ministri bu ýurtda howpsuzlyk hem-de syýasy ýagdaýyň durnuksyz ýagdaýda galýandygyny belledi. Muňa garamazdan, amatly ýagdaýlar dörediler, howpsuzlyk meselesini çözüp bolar. Onuň aýtmagyna görä, turba geçirijiden üstaşyr girdejiler Owganystanyň ýyllyk býujetiniň 80-85%-ni düzüp biler. Bu bolsa Owganystany onuň howpsuzlygyny üpjün etmegine borçlandyrýar.
Çeşmeleriň habar bermegine görä, saud tarapy TOPH babatda wakalaryň ýaýbaňlanyşyna dykgat bilen yzarlajakdygyny aýtdy. Olar şeýle hem eger-de howpsuzlyk hem-de ykdysady meseleleriň ählisi çözülen ýagdaýynda PIF (Public Investment Fund - Saud Arabystanynyň döwlet maýa goýum gaznasy) SDF we Exim Bank ýaly maýa goýum guramalarynyň çekilip bilinjekdigini çaklady.
Saud Arabystanynyň maliýe, energetika, peýdaly gazylyp alynýan baýlyklar we senagat ministrleri bilen duşuşygyň barşynda Pakistanyň ministri şeýle hem Türkmenistandan tebigy gazyň Çamandaky gaz geçiriji boýunça Gwadara ýetirilip we ondan aňry suwuklandyrylan tebigy gaz hökmünde eksporta iberilip bilinjek täze taslamasyny hem hödürledi.
Onuň pikirine görä, eger-de Saud Arabystany bu taslama goşulsa, bu täze mümkinçilikleri açar, Pakistan, Türkmenistan we Saud Arabystany bolsa suwuklandyrylan tebigy gazy bilelikde eksport edijilere öwrülip biler.
Parižde Türkmenistanyň wekiliýetiniň Fransiýanyň işewür toparlary bilen duşuşyklary geçirildi
4-5-nji sentýabrda Türkmenistanyň wekiliýetiniň Fransiýa saparynyň çäklerinde wekiliýet agzalar bilen fransuz kompaniýalarynyň arasynda onlarça işewürlik duşuşyklary geçirildi diýip, Türkmenistanyň DIM-i habar berýär.
Türkmenistan we Halkara sergiler býurosy hyzmatdaşlygy giňeltmäge taýýar
Halkara sergiler býurosynyň (HSB) Baş sekretary Dmitriý Kerkentzes Türkmenistan bilen gatnaşyklara ýokary baha berýär we halkara sergi işinde özara bähbitli hyzmatdaşlygy giňeltmäge taýýarlygyny mälim etdi. Bu barada Türkmenistanyň DIM-i habar berdi.
Türkmenistanyň we Owganystanyň wekilleri Kabulda TOPH taslamasyny durmuşa geçirmegiň barşyny maslahatlaşdylar
TAPI Pipeline Company Ltd-iň baş direktory Muhammetmyrat Amanow Owganystanyň şahtalar we nebit ministri wezipesini wagtlaýyn ýerine ýetiriji Şahabuddin Delawar bilen duşuşdy. Duşuşygyň barşynda Türkmenistan-Owganystan-Pakistan-Hindistan gaz geçirijisiniň taslamasynyň durmuşa geçirilişi maslahatlaşyldy diýip, TOLO news habar berýär.
«Söwda öýi» kärhanasy Katardaky «EKSPO-2023» üçin Türkmenistanyň milli pawilýonyny gurar
Türkmenistanyň Prezidenti Türkmenistanyň Söwda-senagat edarasyna Katar Döwletiniň Doha şäherinde 2023-nji ýylyň 2-nji oktýabry — 2024-nji ýylyň 28-nji marty aralygynda geçiriljek «EKSPO — 2023» halkara sergisine gatnaşmak üçin Türkmenistanyň milli pawilýonynyň taslamasyny düzmek we ony ulanmaga doly taýýar edip gurmak hem-de beýleki degişli işleri ýerine ýetirmek barada “Söwda öýi” kärhanasy bilen şertnama baglaşmaga ygtyýar berýän Karara gol çekdi.
Türkmenistanyň wekiliýeti fransuz kompaniýalary bilen hyzmatdaşlygyň ileri tutulýan ugurlaryny maslahatlaşdy
Türkmenistanyň Ministrler Kabinetiniň Başlygynyň orunbasary, Türkmenistanyň Daşary işler ministri Raşid Meredowyň ýolbaşçylygyndaky resmi wekiliýet 4-5-nji sentýabrda Fransiýa Respublikasynda saparda bolup, türkmen-fransuz hyzmatdaşlygyny işjeňleşdirmegiň meseleleri maslahatlaşylýar. Bu barada Türkmenistanyň DIM-i habar berýär.