Birža söwdalarynda dizel ýangyjy we awtobenzin uly islegden peýdalanýar
14:43 24.02.2023 4805
20-22-nji fewralda, duşenbeden çarşenbä çenli aralykda Türkmenistanyň Döwlet haryt-çig mal biržasynyň söwdalarynda umumy bahasy 38,1 mln dollar bolan 10 sany geleşik baglaşyldy diýip, ORIENT habar berýär.
Duşenbe güni Türkiýeden we BAE-den gelen işewürler umumylykda 193 müň kg dürli görnüşli nah ýüplügini satyn aldylar. Umumy bahasy 210,7 müň dollar we 4,1 mln manat.
Sişenbe güni BAE-niň we Owganystanyň işewür toparlarynyň wekilleri her tonnasyna 838,75 dollar berip, 30 müň tonna gidro arassalanan dizel ýangyjyny satyn aldylar. Geleşigiň umumy bahasy 25,1 mln dollardan geçdi.
Çarşenbe güni Owganystandan gelen işewürler her tonnasyna 809 dollar berip, 10 müň tonnadan gowrak A-95 kysymly awtobenzin satyn aldylar. Geleşikleriň umumy bahasy 8 mln dollardan geçdi. Şeýle hem şol gün Azerbaýjana 132 müň kg reňkli önümler eksport edildi.
Satuwa çykarylýan harytlar barada maglumatlary Türkmenistanyň Döwlet haryt-çig mal biržasynyň saýtyndan alyp bilersiňiz (tmex.gov.tm).
Birža söwdalarynda Türkiýeden we Owganystandan gelen işewürler suwuklandyrylan gaz, awiakerosin satyn aldylar
Geçen hepdede Türkmenistanyň Döwlet haryt-çig mal biržasynyň söwdalarynda geleşikleriň 11-si hasaba alyndy.
Türkmenistan BAE-niň öňdebaryjy nebitgaz kompaniýalary bilen hyzmatdaşlyk etmäge taýýar
Türkmenistan BAE-niň öňdebaryjy nebitgaz kompaniýalary bilen hyzmatdaşlyk etmäge taýýar. Bu barada 15-16-njy awgustda Awazada geçirilen ulag forumynyň çäginde Türkmenistan Ministrler Kabinetiniň Başlygynyň Orunbasary, Daşary işler ministri Raşid Meredow bilen Birleşen Arap Emirlikleriniň Energetika we infrastruktura ministri Suheil Al-Mazruiniň arasynda geçirilen duşuşykda bellenildi.
Gazagystanyň Prezidenti Aşgabatda halkara forumyna gatnaşjakdygyny tassyklady
Gazagystan Respublikasynyň Prezidenti Kasym-Žomart Tokaýew 12-nji dekabrda Aşgabatda geçirilmegi meýilleşdirilýän halkara parahatçylyk we ynanyşmak forumyna gatnşajakdygyny tassyklady. Bu barada Gazagystanyň Prezidentiniň Türkmenistanyň Halk Maslahatynyň Başlygy Gurbanguly Berdimuhamedowa iberen hatynda bellenilýär.
Türkmenistan birinji ýarym ýyllykda Azerbaýjana benzin ibermekde ikinji orny eýeledi
Azerbaýjan 2022-nji ýylyň birinji ýarymynda Türkmenistandan 36 müň 571 tonna AI-92 belgili awtomobil benzinini import etdi diýip, angy.ru nebitgaz habarlar agentligi habar berýär.
Serdar Berdimuhamedow ulag ulgamynda BMG-niň howandarlygynda täze halkara başlangyçlary öňe sürdi
Türkmenistanyň Prezidenti Serdar Berdimuhamedow deňze çykalgasy bolmadyk döwletler üçin ulag ulgamynda BMG-niň howandarlygynda täze halkara başlangyçlaryny öňe sürdi. Bu barada döwlet Baştutany 15-nji awgustda Hazar deňziniň türkmen kenarynda «Awaza» milli syýahatçylyk zolagynda açylan Deňze çykalgasy bolmadyk ösüp barýan döwletleriň ulag ministrleriniň derejesindäki Halkara maslahatyna iberen wideoýüzlenmesinde belledi.