Azerbaýjan 2022-nji ýylda 857 mln kub metrden gowrak türkmen tebigy gazyny import etdi
16:43 01.03.2023 10006
2022-nji ýylda Azerbaýjan 857 million kub metrden gowrak türkmen tebigy gazyny import etdi. Bu barada «Interfaks – Azerbaýjan» agentligi Azerbaýjanyň Hökümetine salgylanyp habar berdi.
Geçen ýyl Azerbaýjan umumylykda 1,016 mlrd kub metr tebigy gaz import etdi. Bu öňki ýyldaky bilen deňeşdirilende 2 essä golaý artykdyr. Tebigy gazyň importynyň umumy möçberiniň 84,3%-i türkmen gazynyň paýyna düşdi.
Häzirki wagtda Azerbaýjan Türkmenistan hem-de Eýran bilen gaz alyş-çalyş etmek hakynda üçtaraplaýyn ylalaşyga laýyklykda, türkmen tebigy gazyny import edýär. Ylalaşyk Eýranyň üsti bilen ýylda 1,5-2 milliard kub metr türkmen gazyny Azerbaýjana ibermekligi göz öňünde tutýar.
2022-nji ýylyň iýunynda Azerbaýjanyň ykdysadyýet ministri Mikail Jabbarow we Eýranyň nebit ministri Jawad Ouji Eýranyň üsti bilen Azerbaýjana türkmen gazynyň iberilişini iki esse artdyrmak boýunça özara düşünişmek hakynda Ähtnama gol çekdiler.
Parižde Türkmenistanyň wekiliýetiniň Fransiýanyň işewür toparlary bilen duşuşyklary geçirildi
4-5-nji sentýabrda Türkmenistanyň wekiliýetiniň Fransiýa saparynyň çäklerinde wekiliýet agzalar bilen fransuz kompaniýalarynyň arasynda onlarça işewürlik duşuşyklary geçirildi diýip, Türkmenistanyň DIM-i habar berýär.
Türkmenistan we Halkara sergiler býurosy hyzmatdaşlygy giňeltmäge taýýar
Halkara sergiler býurosynyň (HSB) Baş sekretary Dmitriý Kerkentzes Türkmenistan bilen gatnaşyklara ýokary baha berýär we halkara sergi işinde özara bähbitli hyzmatdaşlygy giňeltmäge taýýarlygyny mälim etdi. Bu barada Türkmenistanyň DIM-i habar berdi.
Türkmenistanyň we Owganystanyň wekilleri Kabulda TOPH taslamasyny durmuşa geçirmegiň barşyny maslahatlaşdylar
TAPI Pipeline Company Ltd-iň baş direktory Muhammetmyrat Amanow Owganystanyň şahtalar we nebit ministri wezipesini wagtlaýyn ýerine ýetiriji Şahabuddin Delawar bilen duşuşdy. Duşuşygyň barşynda Türkmenistan-Owganystan-Pakistan-Hindistan gaz geçirijisiniň taslamasynyň durmuşa geçirilişi maslahatlaşyldy diýip, TOLO news habar berýär.
«Söwda öýi» kärhanasy Katardaky «EKSPO-2023» üçin Türkmenistanyň milli pawilýonyny gurar
Türkmenistanyň Prezidenti Türkmenistanyň Söwda-senagat edarasyna Katar Döwletiniň Doha şäherinde 2023-nji ýylyň 2-nji oktýabry — 2024-nji ýylyň 28-nji marty aralygynda geçiriljek «EKSPO — 2023» halkara sergisine gatnaşmak üçin Türkmenistanyň milli pawilýonynyň taslamasyny düzmek we ony ulanmaga doly taýýar edip gurmak hem-de beýleki degişli işleri ýerine ýetirmek barada “Söwda öýi” kärhanasy bilen şertnama baglaşmaga ygtyýar berýän Karara gol çekdi.
Türkmenistanyň wekiliýeti fransuz kompaniýalary bilen hyzmatdaşlygyň ileri tutulýan ugurlaryny maslahatlaşdy
Türkmenistanyň Ministrler Kabinetiniň Başlygynyň orunbasary, Türkmenistanyň Daşary işler ministri Raşid Meredowyň ýolbaşçylygyndaky resmi wekiliýet 4-5-nji sentýabrda Fransiýa Respublikasynda saparda bolup, türkmen-fransuz hyzmatdaşlygyny işjeňleşdirmegiň meseleleri maslahatlaşylýar. Bu barada Türkmenistanyň DIM-i habar berýär.