CNPC Türkmenistanyň Dubaýda Halkara forumynyň platina hyzmatdaşy bolup çykyş eder
09:57 14.04.2023 5063
Hytaýyň milli nebit kompaniýasy (CNPC) Türkmenistanyň energetika pudagyna daşary ýurt maýa goýumlaryny çekmek boýunça 2-27-nji aprelde Dubaýda geçjek Halkara forumynyň platina hyzmatdaşy hökmünde çykyş eder.
CNPC nebit pudagyna maýa goýum goýmak bilen, öz işini dünýäniň 38 ýurdunda amala aşyrýar, kompaniýa tarapyndan öndürilen nebit materiallary we enjamlary dünýäniň 82 ýurdunyň bazarlarynda ýerlenilýär. Kompaniýanyň bu foruma gatnaşmagy möhüm waka bolup durýar, sebäbi ol Türkmenistanyň nebit-gaz taslamalaryna iri maýa goýumçylaryň biri bolup çykyş edýär.
Hytaýyň Türkmenistanyň nebit-gaz pudagynyň ösmeginde strategiki bähbidi bardyr, sebäbi ýurt dünýäde tebigy gazy köp mukdarda eksport edýän ýurtlaryň biridir. HHR öz gezeginde, Türkmenistandan gazy köp mukdarda satyn alyjylaryň biridir we bu pudakda maýa goýumlarynyň artmagy iki ýurduň arasyndaky dostlukly gatnaşyklaryň pugtalanmagyna ýardam edýär.
Umuman, CNPC-niň foruma gatnaşmagy Türkmenistanyň halkara bazaryna energiýa göterijilerini üpjün ediji hökmünde möhüm ornuny aňladýar, şeýle hem Hytaý tarapyndan bu babatda resmi taýdan Aşgabat bilen hyzmatdaşlygy dowam etdirmäge gyzyklanmasyny bildirýär.
CNPC-niň işjeňligi nebitiň we gazyň ýataklaryny gözläp tapmaklyga we özleşdirmeklige, nebiti gaýtadan işlemeklige we himiýa senagatyna, nebit önümlerini satmaklyga, nebiti we gazy saklamaga we daşamaga gönükdirilendir.
2007-nji ýylyň 17-nji iýulynda «Türkmengaz» DK we CNPC «Bagtyýarlyk» şertnamalaýyn çäkde önümi paýlaşmak baradaky Ylalaşyga we tebigy gazy satmak-satyn almak baradaky şertnama gol çekdiler. Bu resminamalara laýyklykda Hytaýyň korporasiýasy 35 ýylyň dowamynda «Bagtyýarlyk» şertnamalaýyn çäkde tebigy gazyň ýataklarynyň gözlegi, özleşdirilmegi we çykarylmagy boýunça doly gerimli işleri geçirer.
13 ýylyň dowamynda Hytaýyň milli nebit korporasiýasy «Bagtyýarlyk» şertnamalaýyn çäkde gazyň çykýan ýatagyny işlemek üçin 8 mlrd ABŞ-nyň dollaryndan gowrak maýa goýum goýdy.
Häzirki wagtda Türkmenistan-Hytaý gaz geçirijisiniň üç şahasy hereket edýär — A, B we C geçirijileri. Geljekde D geçirijisini çekmek meýilleşdirilýär. Gaz geçirijisi işe girizilen wagtyndan bäri tebigy gazyň eksportynyň umumy artýan möçberi 330 mlrd kub metre golaý boldy.
CNPC durmuş düzüm bölegine hem uly üns berýär, hususan-da, Türkmenistanyň uly gerimli sport taslamalaryna, şol sanda dünýäniň we Aziýanyň çempionatlaryna hemaýatkär hökmünde çykyş edýär. Hytaý korporasiýasy şeýle hem türkmen ýaşlarynyň HHR-nyň ýokary okuw mekdeplerinde ýokary hünär bilimini almagyna hem ýardam edýär.
Gazy eksport ediji ýurtlaryň forumy 2050-nji ýyla çenli Türkmenistanda gaz çykarylyşynyň iki esse artmagyny çaklaýar
Gazy eksport ediji ýurtlaryň forumynyň (GECF) Baş sekretary Muhammet Hamel Türkmenistanyň ykdysadyýetine daşary ýurt maýa goýumlaryny çekmek boýunça Malaýziýada geçirilen halkara forumda (TEIF 2025) eden çykyşynda dünýäde ikinji uly gaz ýatagynyň işjeň ösdürilmegi we turba geçirijileriň giňeldilmegi bilen, Türkmenistanyň gaz çykarylyşyny 2050-nji ýyla çenli iki esse ýokarlandyryp, ýylda 150 milliard kub metre çenli ýetirip biljekdigini belledi.
Türkmen geofizikleriniň netijeli işi geljegi uly nebitgaz ýataklaryny ýüze çykarmaga ýardam edýär
Mälim bolşy ýaly, şu ýylyň 13-nji ýanwarynda Balkan welaýatyna iş saparynyň çäklerinde Prezident Gurbanguly Berdimuhamedow «Uzynаda» känine baryp gördi we nebitgaz toplumyny mundan beýläk-de ösdürmek hem-de ýurdumyzyň baý çig mal binýadyny özleşdirmek boýunça maslahat geçirdi.
Türkmenistanyň Milli Geňeşiniň Halk Maslahatynyň mejlisinde ýurdumyzy ösdürmegiň 2052-nji ýyla çenli ileri tutulýan ugurlary maslahatlaşylýar
Şu gün ýurdumyzda Türkmenistanyň Milli Geňeşiniň Halk Maslahatynyň nobatdan daşary mejlisi geçirilýär. Onuň işine Türkmenistanyň Prezidenti, Türkmenistanyň Milli Geňeşiniň Halk Maslahatynyň Başlygy – hormatly Prezidentimiz Gurbanguly Berdimuhamedow başlyklyk edýär.
Kuala-Lumpurda TEIF 2025 forumy Türkmenistana bolan gyzyklanmanyň artýandygyny görkezdi
2025-nji ýylyň 23-24-nji aprelinde Malaýziýanyň paýtagty Kuala-Lumpurda geçirilen Türkmenistanyň ykdysadyýetine daşary ýurt maýa goýumlaryny çekmek boýunça halkara forumy TEIF 2025 öz işini tamamlady.
Türkmenistanyň Prezidenti we BAE-niň ykdysadyýet ministri iki ýurduň özara gatnaşyklarynyň geljegini maslahatlaşdylar
25-nji iýunda Prezident Serdar Berdimuhamedow “Türkmenistan — BAE” işewürlik maslahatyna gatnaşmak üçin öz ýurdunyň wekiliýetine ýolbaşçylyk edip, türkmen paýtagtyna gelen Birleşen Arap Emirlikleriniň ykdysadyýet ministri Abdulla bin Tuk Al-Marrini kabul etdi diýip, TDH habar berýär.