«Türkmenistanyň nebiti, gazy we mineral serişdeleri» žurnalynyň nobatdaky sany çapdan çykdy
05:21 15.05.2023 9083
«Türkmennebit» döwlet konserniniň «Türkmenistanyň nebiti, gazy we mineral serişdeleri» atly syýasy-jemgyýetçilik we ylmy-publisistik žurnalynyň 2023-nji ýyldaky birinji sany çapdan çykdy.
Žurnalyň bu gezekki sanynda alymlaryň, tejribeli bilermenleriň garaýyşlary, häzirki ýagdaýlara berýän seljermeleri, çaklamalary, statistiki maglumatlary we deliller bilen tanyşmak bolýar. Önümçilige döwrebap çemeleşmeler, şeýle hem türkmen alymlarynyň alyp barýan barlag işleri baradaky makalalar okyjylary özüne çeker .
Neşiriň täze sanyndaky makalalar energetika diplomatiýasyna, onuň çeşmeleri we taryhy, Hazar deňziniň türkmen böleginiň geologik gurluşy hem-de nebitgazlylyga bolan geljegi, Bagaja seňňeriniň, oňa ýanaşyk meýdanlaryň demirgazyk böleginde uglewodorodlaryň toplanmasy üçin oňyn şertleri bolan abýekitleri ýüze çykarmak, Gögerendag-Ekerem zolagynyň miosen çökündileriniň anomal ýokary gatlak basyşlaryny çaklamagyň esasynda önümli gatlaklary oňaýly şertlerde açmak, 3D seýsmiki barlag we guýy geofiziki maglumatlaryny toplumlaýyn teswirlemek arkaly Gündogar Gamyşlyja meýdançasynyň aşaky gyzylreňk çökündilerinde gazkondensat ýataklaryny öwrenmek bilen bagly ylmy barlaglara, seljermelere daýanýar. Ondan başga-da senagat nusgalarynyň hukuk goragynyň esaslary, uglewodorod bazarlarynda Türkmenistanyň nebit önümleri, Garaşsyz döwletimiziň daşary ýurtlar bilen halkara gatnaşyklarynyň esasy ugurlary hakynda syýasy-jemgyýetçilik makalalara giň orun berlipdir.
Milli mykdysadyýetimiziň binýatlyk pudagy bolan nebitgaz toplumynyň žurnalynyň täze sanyndaky makalalar ylmy işgärler, nebitgazçy hünärmenler bilen birlikde okyjylaryň giň köpçüliginde hem gyzyklanma döredip biler.
Gysgaça aýdylanda, nebitgaz toplumynyň ösüşiniň esasy ugurlaryny açyp görkezýän ýörite neşirde nebitgaz toplumynyň pudaklaryny, önümçiligini pugtalandyrmakda öňde duran wezipeler, alnyp barylýan işler, alymlaryň we hünärmenleriň pikirleri, ylma esaslanýan barlaglary beýan edilýär.
Parižde Türkmenistanyň wekiliýetiniň Fransiýanyň işewür toparlary bilen duşuşyklary geçirildi
4-5-nji sentýabrda Türkmenistanyň wekiliýetiniň Fransiýa saparynyň çäklerinde wekiliýet agzalar bilen fransuz kompaniýalarynyň arasynda onlarça işewürlik duşuşyklary geçirildi diýip, Türkmenistanyň DIM-i habar berýär.
Türkmenistan we Halkara sergiler býurosy hyzmatdaşlygy giňeltmäge taýýar
Halkara sergiler býurosynyň (HSB) Baş sekretary Dmitriý Kerkentzes Türkmenistan bilen gatnaşyklara ýokary baha berýär we halkara sergi işinde özara bähbitli hyzmatdaşlygy giňeltmäge taýýarlygyny mälim etdi. Bu barada Türkmenistanyň DIM-i habar berdi.
Türkmenistanyň we Owganystanyň wekilleri Kabulda TOPH taslamasyny durmuşa geçirmegiň barşyny maslahatlaşdylar
TAPI Pipeline Company Ltd-iň baş direktory Muhammetmyrat Amanow Owganystanyň şahtalar we nebit ministri wezipesini wagtlaýyn ýerine ýetiriji Şahabuddin Delawar bilen duşuşdy. Duşuşygyň barşynda Türkmenistan-Owganystan-Pakistan-Hindistan gaz geçirijisiniň taslamasynyň durmuşa geçirilişi maslahatlaşyldy diýip, TOLO news habar berýär.
«Söwda öýi» kärhanasy Katardaky «EKSPO-2023» üçin Türkmenistanyň milli pawilýonyny gurar
Türkmenistanyň Prezidenti Türkmenistanyň Söwda-senagat edarasyna Katar Döwletiniň Doha şäherinde 2023-nji ýylyň 2-nji oktýabry — 2024-nji ýylyň 28-nji marty aralygynda geçiriljek «EKSPO — 2023» halkara sergisine gatnaşmak üçin Türkmenistanyň milli pawilýonynyň taslamasyny düzmek we ony ulanmaga doly taýýar edip gurmak hem-de beýleki degişli işleri ýerine ýetirmek barada “Söwda öýi” kärhanasy bilen şertnama baglaşmaga ygtyýar berýän Karara gol çekdi.
Türkmenistanyň wekiliýeti fransuz kompaniýalary bilen hyzmatdaşlygyň ileri tutulýan ugurlaryny maslahatlaşdy
Türkmenistanyň Ministrler Kabinetiniň Başlygynyň orunbasary, Türkmenistanyň Daşary işler ministri Raşid Meredowyň ýolbaşçylygyndaky resmi wekiliýet 4-5-nji sentýabrda Fransiýa Respublikasynda saparda bolup, türkmen-fransuz hyzmatdaşlygyny işjeňleşdirmegiň meseleleri maslahatlaşylýar. Bu barada Türkmenistanyň DIM-i habar berýär.