Halkara nebit we gaz uniwersitetinde Ylymlar gününiň öň ýanynda maslahat geçirildi
06:45 08.06.2023 5050
Ýurdumyzda 12-nji iýunda giňden bellenilýän Ylymlar gününiň öňüsyrasynda Ýagşygeldi Kakaýew adyndaky Halkara nebit we gaz uniwersitetinde «Halkara nebitgaz pudagynda türkmen ylmynyň orny» atly tema boýunça maslahat geçirildi.
Çärä ýurdumyzyň ýokary okuw mekdepleriniň mugallymlar we talyplar düzümi gatnaşdy. Uniwersitetiň Balkan welaýatynda ýerleşen şahamçasynyň mugallymlary we diňleýjileri maslahata wideoaragatnaşyk ulgamy arkaly goşuldylar.
Maslahatyň barşynda mugallymlar we talyplar ylmy-barlag işleriniň netijeleri, şeýle hem ylmy dürli ugurlary boýunça daşary ýurtly hyzmatdaşlar bilen hyzmatdaşlygyň geljegi barada çykyş etdiler.
Çykyş edenleriň belleýşi ýaly, Türkmenistanda ylmy barlaglaryň binýadyny berkitmek hem-de öňdebaryjy tehnologiýalaryň we düýpli nazary bilimleriň esasynda sanly ykdysadyýeti döretmek boýunça toplumlaýyn işler durmuşa geçirilýär. Mundan başga-da, ýokary hünär taýýarlykly, oýlap tapyjylygy bilen tapawutlanýan hünärmenleri ýetişdirmäge we zehinli talyplaryň ylma höwesini artdyrmakda uly işler alnyp barylýar.
Ýagşygeldi Kakaýew adyndaky Halkara nebit we gaz uniwersiteti üstünlikli ylmy işjeňligiň aýdyň mysaly bolup durýar. Bu ýerde 2023-nji ýylyň fewral aýynda ilkinji gezek «Tebigy gazdan wodorod energiýasyny almagyň ylmy-tehniki mümkinçilikleri» aly halkara maslahat geçirildi.
Ýokary okuw mekdebiniň mugallymlary we talyplary ylmy hem-de taslama işleri barada yzygiderli makalalary çap edýärler. Şu ýylyň başyndan bäri geçen bäş aýda Ýagşygeldi Kakaýew adyndaky Halkara nebit we gaz uniwersitetiniň mugallymlarynyň we talyplarynyň awtorlygynda daşary ýurtlaryň we Diýarymyzyň žurnallarynda 240-dan gowrak materiallar çap edildi.
Parižde Türkmenistanyň wekiliýetiniň Fransiýanyň işewür toparlary bilen duşuşyklary geçirildi
4-5-nji sentýabrda Türkmenistanyň wekiliýetiniň Fransiýa saparynyň çäklerinde wekiliýet agzalar bilen fransuz kompaniýalarynyň arasynda onlarça işewürlik duşuşyklary geçirildi diýip, Türkmenistanyň DIM-i habar berýär.
Türkmenistan we Halkara sergiler býurosy hyzmatdaşlygy giňeltmäge taýýar
Halkara sergiler býurosynyň (HSB) Baş sekretary Dmitriý Kerkentzes Türkmenistan bilen gatnaşyklara ýokary baha berýär we halkara sergi işinde özara bähbitli hyzmatdaşlygy giňeltmäge taýýarlygyny mälim etdi. Bu barada Türkmenistanyň DIM-i habar berdi.
Türkmenistanyň we Owganystanyň wekilleri Kabulda TOPH taslamasyny durmuşa geçirmegiň barşyny maslahatlaşdylar
TAPI Pipeline Company Ltd-iň baş direktory Muhammetmyrat Amanow Owganystanyň şahtalar we nebit ministri wezipesini wagtlaýyn ýerine ýetiriji Şahabuddin Delawar bilen duşuşdy. Duşuşygyň barşynda Türkmenistan-Owganystan-Pakistan-Hindistan gaz geçirijisiniň taslamasynyň durmuşa geçirilişi maslahatlaşyldy diýip, TOLO news habar berýär.
«Söwda öýi» kärhanasy Katardaky «EKSPO-2023» üçin Türkmenistanyň milli pawilýonyny gurar
Türkmenistanyň Prezidenti Türkmenistanyň Söwda-senagat edarasyna Katar Döwletiniň Doha şäherinde 2023-nji ýylyň 2-nji oktýabry — 2024-nji ýylyň 28-nji marty aralygynda geçiriljek «EKSPO — 2023» halkara sergisine gatnaşmak üçin Türkmenistanyň milli pawilýonynyň taslamasyny düzmek we ony ulanmaga doly taýýar edip gurmak hem-de beýleki degişli işleri ýerine ýetirmek barada “Söwda öýi” kärhanasy bilen şertnama baglaşmaga ygtyýar berýän Karara gol çekdi.
Türkmenistanyň wekiliýeti fransuz kompaniýalary bilen hyzmatdaşlygyň ileri tutulýan ugurlaryny maslahatlaşdy
Türkmenistanyň Ministrler Kabinetiniň Başlygynyň orunbasary, Türkmenistanyň Daşary işler ministri Raşid Meredowyň ýolbaşçylygyndaky resmi wekiliýet 4-5-nji sentýabrda Fransiýa Respublikasynda saparda bolup, türkmen-fransuz hyzmatdaşlygyny işjeňleşdirmegiň meseleleri maslahatlaşylýar. Bu barada Türkmenistanyň DIM-i habar berýär.