Türkmenistanyň Prezidenti Arkadag şäheriniň ikinji tapgyrynyň gurluşygyna badalga berdi
10:27 16.06.2023 8599
Anna güni Prezident Serdar Berdimuhamedow Arkadag şäheriniň ikinji tapgyrynyň düýbüni tutmak dabarasyna gatnaşdy diýip, TDH agentligi habar berýär.
Dabaranyň barşynda täze şäherde ulanyljak ekologiýa talaplaryna doly laýyk gelýän döwrebap ulaglary – elektrobuslary, elektromobilleri, jemagat we ýöriteleşdirilen gulluk ulaglary sowgat berildi.
Düýbüni tutmak dabarasy başlanmazdan öň, Prezident Serdar Berdimuhamedow Türkmenistanyň Ministrler Kabinetiniň giňişleýin göçme mejlisini geçirdi. Göçme mejlisiň dowamynda döwlet Baştutany Türkmenistanda döwlet ähmiýetli Arkadag şäherini durmuş-ykdysady taýdan ösdürmegiň meseleleri bilen bagly resminamalara gol çekdi.
Arkadag şäherinde 70 müňe golaý ilat ýaşar. Şäher türkmen paýtagtyndan 30 km günorta-günbatarda 950 gektar meýdançada gurulýar.
Ägirt uly taslamany durmuşa geçirmeklik 2019-njy ýylda başlandy. Şäheriň birinji tapgyrynyň çäklerinde «akylly» ýaşaýyş jaýlary, häkimlik binasy, lukmançylyk edaralary, bilim we medeni desgalar, drama teatry, kitaphana, muzeý, Halkara ahalteke atçylyk mekdebi we beýleki binalar guruldy.
Arkadag şäheri ýurdumyzda ekologiýa taýdan arassa elektrik ulaglaryň hereket etjek ilkinji şäheri bolar.
Prezident Serdar Berdimuhamedowyň öň gol çeken kararyna laýyklykda, Arkadag şäheriniň ikinji tapgyryny 2026-njy ýyla çenli gurmak meýilleşdirilýär.
Iş maslahaty geçirildi
«Türkmengaz» döwlet konserniniň merkezi edarasy tarapyndan garamagyndaky edara-kärhanalaryň işgärler bölümleriniň amala aşyrýan işleriniň hilini ýokarlandyrmak, olaryň iş tejribesini artdyrmak hem-de degişliligi boýunça wezipeleriniň talabalaýyk ýerine ýetirilmegini gazanmak maksady bilen, Ylmy-barlag tebigy gaz institutynyň binasynda «Halypaçylygyň ösüşine höwes döretmegiň usullary» atly iş maslahaty geçirildi.
Gurbanguly Berdimuhamedow “Galkynyş” toparynyň agzalaryny Monte-Karloda halkara sirk sungaty festiwalynda gazanan baýragy bilen gutlady
Türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedow “Galkynyş” milli at üstündäki oýunlar toparynyň agzalaryny Monte-Karlo şäherinde geçirilen halkara sirk sungaty festiwalynda gazanan altyn baýragy bilen gutlady.
Türkmenistan Hindistanyň gurnan «Merkezi Aziýa ýurtlarynda işewürligiň mümkinçilikleri» forumyna gatnaşdy
Türkmenistan Hindistanyň DIM-niň goldaw bermeginde bu ýurduň Söwda-senagat edarasy tarapyndan gurnalan «Merkezi Aziýa ýurtlarynda işewürligiň mümkinçilikleri» forumyna gatnaşdy.
Wodorody öndürmegiň usullary we ulanmagyň mümkinçilikleri
Häzirki döwürde dünýä möçberinde wodorody almagyň 85 göterim möçberi metanyň suw bugy bilen konwersiýa tehnologiýasy, 10 göterimi nebit, kömür we bary-ýogy 5 göterimi elektroliz usul bilen suwdan alynýar.
Ýewropada gazyň bahasy 1 müň kub metri üçin 1550 dollara bardy
Energiýanyň dikeldilýän çeşmeleriniň gowşak goşandy, bäsdeşlik edýän bazarlarda bahalaryň ýokarlanmagy we sebitde öň çaklanylyşyndan has sowuk howa garaşylmagy netijesinde Ýewropada gazyň spotlaýyn bahasy çarşenbe güni, 15-nji dekabrda söwdalaryň açylmagy bilen ýokarlanmagyny dowam etdi diýip, Interfaks belleýär.