Almatada Merkezi Aziýada energetiki geçişi amala aşyrmakda zenanlaryň orny maslahatlaşyldy
13:40 23.06.2023 9148
Türkmenistanyň zenan wekilleri 12-15-nji iýunda Almata (Gazagystan) şäherinde geçirilen «Merkezi Aziýada energetika geçişini amala aşyrmakda zenanlaryň orny» atly okuwa gatnaşdylar.
Çärä gatnaşmak üçin Merkezi Aziýanyň, şol sanda Gazagystanyň, Gyrgyzystanyň, Özbegistanyň, Täjigistanyň we Türkmenistanyň energetika kompaniýalarynyň, uniwersitetleriň, kärhanalaryň we hünär assosiasiýalarynyň 40 sany wekili çagyryldy.
Türkmenistana bu çärede Türkmenistanyň Energetika ministrliginiň, «Türkmengaz» we «Türkmennebit» döwlet konsernleriniň zenan ýolbaşçylary we hünärmenleri wekilçilik etdi.
Bu seminar energetika toplumynda zähmet çekýän zenanlary birleşdirmek we gender deňligi ýörelgelerini ilerletmek maksady bilen ABŞ-nyň Halkara ösüş boýunça agentligi (USAID) tarapyndan «Merkezi Aziýada energetika) maksatnamasynyň çäklerinde Almatanyň energetika we aragatnaşyk uniwersitetiniň meýdançasynda guraldy.
Bu çäre şeýle hem energetika ulgamynda zenan ýolbaşçylaryň sanyny artdyrmak maksady bilen halkara hyzmatdaşlygyna, bilim we halypalyk ýörelgelerine ýardam etmeklige gönükdirildi.
Seminara gatnaşyjylar sebitiň döwletleriniň energetika pudaklary üçin gender syýasaty temasyny maslahatlaşdylar, şeýle hem sebit hyzmatdaşlygynyň we dialogynyň ösmegine ýardam etdiler.
Bu hili çäreler Merkezi Aziýada zenanlaryň energetika bilen bagly kärlerine düşünjelerini hem-de energiýanyň dikeldilýän çeşmeleri ulgamynda bilimlerini artdyrmaga, öňdebaryjy tehnologiýalary geçirmäge ýardam edýär.
Türkmenistanyň daşary işler ministriniň orunbasary Mähri Bäşimowanyň çykyşlarynyň birinde belleýşi ýaly, «gender deňligi Türkmenistanyň ösüşiniň ileri tutulýan ugurlarynyň biri bolup durýar we ýurdumyz bu durmuş, syýasy we ykdysady gurşawda gender deňligini gazanmakda möhüm ösüşe eýe boldy».
Türkmenistanda gender deňligini üpjün etmek boýunça Hereketleriň milli meýilnamasyna laýyklykda, ýurtda zenanlaryň ähli derejelerde, şol sanda syýasy we durmuş gurşawynda gatnaşygy giňeldildi. Bu günki gün Türkmenistanda ähli ugurlarda zenanlaryň işjeň gatnaşygy hasaba alynýar. Zenanlar önümçiliklerde bolşy ýaly, ýolbaşçy wezipelerde hem zähmet çekýärler.
USAID-iň «Merkezi Aziýanyň energetikasy» taslamasy 2020-nji ýylda oktýabrda badalga aldy. Ol milli energetika taslamalaryny durmuşa geçirmekde, energiýa serişdeleriniň serhetara söwdasyndan ykdysady bähbitleri almakda, sebitleýin özara gatnaşyklaryň hasabyna energetika howpsuzlygyny ýokarlandyrmakda bäş sany Merkezi Aziýa ýurtlaryna — Gazagystana, Gyrgyzystana, Özbegistana, Täjigistana we Türkmenistana ýardam etmäge gönükdirilendir.
Taslama hünär taýýarlygy, bilim we mümkinçilikleri artdyrmak boýunça höweslendirmeleri artdyrmaga, hususy pudaga maýa goýumlaryny ýokarlandyrmaga, ýerli guramalaryň tejribesini ulanmaga we gender deňligini üpjün etmäge gönükdirilendir. Taslama şeýle hem energetika ulgamynda ýerli hünärmenleri goldamak bilen hem meşgullanýar.
Türkmenistanyň Prezidenti Astanada “Merkezi Aziýa — Italiýa” formatyndaky birinji sammite gatnaşar
Prezident Serdar Berdimuhamedow 30-njy maýda Astanada geçiriljek “Merkezi Aziýa — Italiýa” formatyndaky döwlet Baştutanlarynyň birinji sammitine gatnaşar. Şunuň bilen baglylykda, Türkmenistanyň Prezidentiniň Gazagystan Respublikasynyň Astana şäherine iş saparyna görülýän taýýarlyk barada wise-premýer, daşary işler ministri R.Meredow Hökümet mejlisinde hasabat berdi. Bu barada TDH habar berýär.
Russiýanyň we Türkmenistanyň DIM-niň ýolbaşçylary Türkmenistanda geçiriljek VI Hazar sammitiniň gün tertibini maslahatlaşdylar
22-nji fewralda Türkmenistanyň Ministrler Kabinetiniň Başlygynyň Orunbasary, Daşary işler ministri R.Meredow Russiýa Federasiýasyna resmi saparynyň çäklerinde rus kärdeşli Sergeý Lawrow bilen 2022-nji ýylda Türkmenistanda geçiriljek VI Hazar sammitiniö gün tertibini maslahatlaşdylar.
Merkezi saýlaw topary Türkmenistanda Prezidenti wezipesine dalaşgärleri bellige almak çäresini tamamlady
Türkmenistanda iň ýokary döwlet wezipesine dalaşgärleri bellige almak çäresi tamamlandy. Dalaşgärleri hödürlemek hem-de bellige almak çäresi tamamlanandan soň, iň ýokary döwlet wezipesine hödürlenen dalaşgärler bilen saýlawçylaryň duşuşyklary geçirilýär. Bu barada Türkmenistanda Saýlawlary we sala salşyklary geçirmek boýunça merkezi toparyň saýtynda habar berilýär.
Nebit we nebit önümleri daşary ýurtlara ýüklenip iberilende ýük amallaryny geçirmek boýunça düzgünleri kämilleşdirmek işleri maslahatlaşyldy
29-njy maýda Prezident Serdar Berdimuhamedow sanly ulgam arkaly Ministrler Kabinetiniň nobatdaky mejlisini geçirdi. Onda ýurdumyzyň döwlet durmuşyna degişli birnäçe meselelere seredildi diýip, TDH habar berýär.
Lebap welaýatynyň saýlawçylary Türkmenistanyň Prezidentligine Demokratik partiýadan dalaşgär bilen duşuşdylar
Çarşenbe güni Lebap welaýat häkimliginiň maslahatlar zalynda Demokratik partiýa tarapyndan Türkmenistanyň Prezidenti wezipesine dalaşgär hödürlenen Ministrler Kabinetiniň Başlygynyň orunbasary Serdar Berdimuhamedow bilen saýlawçylaryň duşuşygy boldy. Bu barada Türkmenistanyň Döwlet habarlar agentligi habar berýär.