Yragyň wekiliýeti «Türkmengaz» DK bilen türkmen tebigy gazyny satyn almagyň mümkinçiliklerini maslahatlaşdy
17:11 24.08.2023 10099
Türkmenistanyň Nebitgaz toplumynyň Merkezi binasynda «Türkmengaz» döwlet konserniniň ýolbaşçylygy bilen Türkmenistana sapar bilen gelen Yrak Respublikasynyň arasynda gepleşikler geçirildi. Yragyň wekiliýetine Energetika ministriniň orunbasary Adil Karim Kak Ahmed we nebit ministriniň orunbasary Ezat Sabir Esmail ýolbaşçylyk etdi.
Duşuşygyň maksady Eýran Yslam Respublikasynyň üsti bilen Yraga SWAP (çalşyk amaly) türkmen tebigy gazyny satyn almak meselelerini ara alyp maslahatlaşmak boldy.
Energetika ministriniň orunbasary Adil Karim Kak Ahmed duşuşygy gurnanlygy we myhmansöýerligi üçin türkmen tarapyna minnetdarlyk bildirdi, şeýle hem Türkmenistan bilen Yragyň arasyndaky hyzmatdaşlygyň özara bähbitli hyzmatdaşlyk esasynda guraljakdygyny bellediler.
Yrak wekiliýetiniň ýolbaşçysynyň belleýşi ýaly, ýurduň infrastrukturasynyň depginli ösmegi bilen baglylykda, Yragyň türkmen tebigy gazyna zerurlygy artýar. Duşuşygyň barşynda myhmanlar «Türkmengaz» döwlet konserni bilen 5 ýyldan az bolmadyk möhletde tebigy gazy satyn almak hakynda uzakmöhletleýin şertnamanyň esasynda hyzmatdaşlyk etmäge gyzyklanma bildirýändiklerini bellediler.
Myhmanlary diňläp hem-de yrak ykdysadyýetiniň energiýa serişdelerine zerurlyklaryna baha berip, «Türkmengaz» DK-nyň wekilleri türkmen tarapynyň özara bähbitli hyzmatdaşlyga taýýardygyny nygtadylar.
Hyzmatdaşlyk gatnaşyklarynyň ýola goýulmagynyň birinji ädimi hökmünde iki tarapyň — «Türkmengaz» döwlet konserni bilen Yrak Respublikasynyň Energetika ministrliginiň arasynda özara düşünişmegiň esasynda tebigy gaz satyn almak hakynda Ähtnama baglaşmagyň zerurlygy bellenildi.
Duşuşygyň barşynda «Türkmengaz» döwlet konserniniň Eýrana gaz geçirijisiniň üsti bilen Türkmenistandan tebigy gaz ibermelerini ýola goýmak bilen bagly meseleleriň tehniki, maliýe we söwda meseleleri maslahatlaşyldy.
Ähtnamanyň taýýarlanan taslamasy iki tarapyň wekilleri tarapyndan garaldy. Geňeşmeleriň netijesi boýunça resminama degişli bellikler bilen ýetirildi, Ähtnamanyň gutarnykly formasy bolsa özara ylalaşyldy we kabul edildi. Ýakyn wagtda yrak tarapy Gaz satyn almak hakynda Ähtnama gol çeker.
ÝB-niň energetika ministrleri gazyň iň ýokary çäk bahasy babatda umumy pikire gelip bilmediler
Ýewropa Bileleşigi ýurtlarynyň energetika ministrleri anna güni düşünişmezligi aradan aýryp, sowuk möwsümiň ýakynlaşyp gelmegi bilen energiýa geçirijileriniň bahalarynyň artmagy netijesinde rus gazy meselesi boýunça umumy pikire gelip bilmediler. Birnäçe ýurtlar bu babatda garaýyşlaryny üýtgetmekden ýüz öwürdiler diýip, Interfaks habar berýär.
Ykdysady hyzmatdaşlyk boýunça Hökümetara türkmen-ermeni toparynyň dokuzynjy mejlisi geçirildi
13-nji sentýabrda Türkmenistanyň Söwda-senagat edarasynyň binasynda Ykdysady hyzmatdaşlyk boýunça Hökümetara türkmen-ermeni toparynyň dokuzynjy mejlisi geçirildi. Mejlis Türkmenistanyň Ministrler Kabinetiniň Başlygynyň orunbasary — Toparyň türkmen böleginiň başlygy Şahym Abdrahmanowyň hem-de Ermenistan Respublikasynyň Çäk müdirligi we infrastrukturalar ministri Gnel Sanosýanyň — Toparyň ermeni böleginiň başlygynyň ýolbaşçylygynda geçirildi.
Serdar Berdimuhamedow: Türkmenistan üçin “EKSPO – 2025” Bütindünýä sergisi aýratyn ähmiýete eýe
“EKSPO — 2025” Bütindünýä sergisiniň Türkmenistan üçin aýratyn ähmiýeti bardyr. Bu barada Türkmenistanyň Prezidenti Serdar Berdimuhamedowyň «EKSPO — 2025» Bütindünýä sergisinde Türkmenistanyň Milli gününiň açylyş dabarasyndaky çykyşynda belledi.
Türkmenistanyň Prezidenti we Ýaponiýanyň Imperatory söwda-ykdysady hyzmatdaşlygy ösdürmek üçin ägirt uly mümkinçilikleri bellediler
15-nji aprelde Ýaponiýada saparda bolýan hormatly Prezidentimiz Serdar Berdimuhamedow Ýaponiýanyň Imperatory Naruhito bilen duşuşdy diýip, TDH habar berýär.
Aşgabatda “Merkezi Aziýa – Hytaý” formatyndaky döwlet Baştutanlarynyň ikinji sammitine taýýarlyk maslahatlaşyldy
14-nji aprelde Aşgabatda Türkmenistanyň daşary işler ministriniň orunbasary Ahmet Gurbanow bilen “Merkezi Aziýa – Hytaý” formatynyň Sekretariatynyň wezipä bellenilen Baş sekretary Sun Weýdunyň arasynda duşuşyk geçirildi. Duşuşykda “Merkezi Aziýa – Hytaý” formatynyň döwlet Baştutanlarynyň ikinji sammitine taýýarlyk meselesi maslahatlaşyldy diýip, Türkmenistanyň DIM-niň saýtynda habar berilýär.