Energiýany tygşytlamak we netijeli peýdalanmak hakynda Kanun kabul edildi
15:17 11.04.2024 6829
Türkmenistanda “Energiýany tygşytlamak we energiýadan netijeli peýdalanmak hakynda” Kanun güýje girdi. Prezident Serdar Berdimuhamedow tarapyndan gol çekilen resminama ýurdumyzyň merkezi neşirlerinden çap edildi.
Kanun energiýanyň tygşytlanylmagyny höweslendirmegiň hem-de energiýadan peýdalanylmagynyň netijeliligini ýokarlandyrmagyň hukuk, ykdysady we guramaçylyk esaslaryny belleýär.
Resminama energetiki barlag, energetiki pasport, energiýadan netijeli peýdalanmagyň görkezijisi we beýleki düşünjeleriň esasy düşünjelerini kesgitleýär. Resminamada ýangyç-energiýa serişdelerini sarpedijileriň hukuklary we borçlary bellenilýär.
Kanun binalaryň we desgalaryň hökmany energetika barlagyny girizýär, olaryň energoauditini geçirmegiň tertibini kesgitleýär. Energiýany tygşytlamagy höweslendirmegiň çäreleri, şol sanda ýeňillikli karzlar, salgyt we nyrh syýasaty göz öňünde tutulýar.
Täze kanun energiýany tygşytlamagyň hukuk ýörelgelerini berkidýär, şolaryň hatarynda energiýa tygşytlaýjy çäreleriň ylmy-tehniki we ykdysady esaslandyrmasy, energiýa tygşytlaýjy enjamy ornaşdyrmagyň ileri tutulýan ugurlary bellenilýär.
Kanuna laýyklykda, Energiýany tygşytlamagyň we energiýadan netijeli peýdalanmagyň gysga möhletleýin maksatnamalary bir ýyl möhlet üçin, uzak möhletleýin maksatnamalary bäş ýyl möhlet üçin işlenip taýýarlanylýar.
Kanun energiýany tygşytlamak we energiýadan netijeli peýdalanmak babatynda döwlet düzgünleşdirmesini we gözegçiligini amala aşyrýan edaralary belli edýär.
Energiýa netijeliligini ýokarlandyrmak ulgamynda halkara hyzmatdaşlygyna we maglumat üpjünçiligine aýratyn üns berilýär.
Wekilbazar nebit önümleri kärhanasynda metal çelekleriň üçüsi ulanylmaga berildi
«Türkmennebitönümleri» baş müdirliginiň Hojalyk hasaplaşygyndaky abatlaýyş-gurluşyk müdirliginiň Mary welaýat şahamçasynyň gurluşykçylary üç müň kub metrden köpräk nebit önümlerini saklamaklyga niýetlenilen uly göwrümli täze metal çelekleriniň üçüsini Wekilbazar nebit önümleri kärhanasynda ýokary hilli gurup, ulanmaga berdiler. Munuň özi kärhana gelip gowuşýan nebit önümlerini ygtybarly saklamaklyga hem-de goýbermeklige mümkinçilik berer. Bu bolsa kärhana gelip gowuşýan ýangyç hem çalgy ýaglaryny bökdençsiz kabul etmek ugrunda edilýän aladanyň bir mysalydyr.
Kuala-Lumpurda TEIF 2025 forumy Türkmenistana bolan gyzyklanmanyň artýandygyny görkezdi
2025-nji ýylyň 23-24-nji aprelinde Malaýziýanyň paýtagty Kuala-Lumpurda geçirilen Türkmenistanyň ykdysadyýetine daşary ýurt maýa goýumlaryny çekmek boýunça halkara forumy TEIF 2025 öz işini tamamlady.
Gazy eksport ediji ýurtlaryň forumy 2050-nji ýyla çenli Türkmenistanda gaz çykarylyşynyň iki esse artmagyny çaklaýar
Gazy eksport ediji ýurtlaryň forumynyň (GECF) Baş sekretary Muhammet Hamel Türkmenistanyň ykdysadyýetine daşary ýurt maýa goýumlaryny çekmek boýunça Malaýziýada geçirilen halkara forumda (TEIF 2025) eden çykyşynda dünýäde ikinji uly gaz ýatagynyň işjeň ösdürilmegi we turba geçirijileriň giňeldilmegi bilen, Türkmenistanyň gaz çykarylyşyny 2050-nji ýyla çenli iki esse ýokarlandyryp, ýylda 150 milliard kub metre çenli ýetirip biljekdigini belledi.
Seýdiniň NGIZ-de bäş aýda 146 müň tonnadan gowrak nebit öndürildi
Seýdiniň nebiti gaýtadan işleýän zawodynda 2023-nji ýylyň ýanwar-maý aýlarynda 194 müň 457 tonna nebit gaýtadan işlenildi, şolardan 146 müň 295 tonna önüm öndürildi.
Türkmenistanyň Milli Geňeşiniň Halk Maslahatynyň mejlisinde ýurdumyzy ösdürmegiň 2052-nji ýyla çenli ileri tutulýan ugurlary maslahatlaşylýar
Şu gün ýurdumyzda Türkmenistanyň Milli Geňeşiniň Halk Maslahatynyň nobatdan daşary mejlisi geçirilýär. Onuň işine Türkmenistanyň Prezidenti, Türkmenistanyň Milli Geňeşiniň Halk Maslahatynyň Başlygy – hormatly Prezidentimiz Gurbanguly Berdimuhamedow başlyklyk edýär.