«Türkmennebit» DK-nyň «Tatneft» kompaniýasy bilen hyzmatdaşlygynyň möhleti 8 ýyl uzaldyldy
23:19 30.11.2020 7653
Guýularyň nebit berijiligini ýokarlandyrmak boýunça «Türkmennebit» döwlet konserniniň «Tatneft» rus kompaniýasy bilen hyzmatdaşlygynyň möhleti 8 ýyl uzaldylar.
Penşenbe güni Hökümet mejlisiniň barşynda Ministrler Kabinetiniň Başlygynyň orunbasary M.Meredow döwlet Baştutanynyň garamagyna “Goturdepe nebitgaz ýatagynda guýularyň nebit berijiligini ýokarlandyrmak boýunça hyzmatlary ýerine ýetirmek baradaky şertnama goşmaça ylalaşyk baglaşmak hakynda” Kararyň taslamasyny hödürledi.
Türkmenistanyň Prezidentiniň gol çeken Kararyna laýyklykda, “Türkmennebit” döwlet konsernine “Türkmennebit” döwlet konserniniň ýörite hyzmatlary ýerine ýetirmegi hakynda” Türkmenistanyň Prezidentiniň 2010-njy ýylyň 30-njy iýulynda çykaran 11189-njy Kararyna laýyklykda, Goturdepede nebitgaz ýatagynda guýularyň nebit berijiligini ýokarlandyrmak boýunça hyzmatlary ýerine ýetirmek barada Tatarystan Respublikasynyň (Russiýa Federasiýasy) “Tatneft” açyk paýdarlar jemgyýeti bilen baglaşan şertnamasyna degişli işleri we hyzmatlary ýerine ýetirmek hem-de şertnamanyň möhletini sekiz ýyl uzaltmak barada goşmaça ylalaşygy bellenen tertipde baglaşmaga ygtyýar berildi.
«Türkmennebit» DK Goturdepede nebitgaz ýatagynda guýularyň nebit berijiligini ýokarlandyrmak boýunça hyzmatlary ýerine ýetirmek barada Tatarystan Respublikasynyň (Russiýa Federasiýasy) “Tatneft” açyk paýdarlar jemgyýeti bilen baglaşan şertnamasynyň çäginde 2010-njy ýyldan bäri netijeli hyzmatdaşlyk edýär.
Netijeli geologo-tehniki çäreler arkaly esasan hereketsiz ýatan gaznadan we fiziki likwidasiýa edilmeli gaznadan 128 sany guýuda nebit berijilik dikeldildi. Bu taslama kompaniýa ABŞ-nyň 32 million dollaryndan gowrak maýa goýdy.
2018-nji ýylyň dekabrynda hyzmatdaşlar 88 guýynyň düýpli abatlaýyş işlerini geçirmekligi göz öňünde tutýan täze ylalaşyga gol çekdiler. Onuň çäklerinde «Tatneft» Balkanabatda türkmen hünärmenleriniň goşmaça toplanylmagyny gurap, 12 sany brigadany emele getirdi. Häzirki wagtda eýýäm 48 sany ýerasty guýusy ulanyşa girizildi. Taslamanyň maýa goýumlary 30 million dollara deň boldy.
Türkmenistanyň nebitgaz toplumynyň wekilleri birnäçe gezek «Tatneftiň» Almetýewskidäki we Nižnekamskidäki önümçilik desgalarynda saparda bolup, önümçilik işiniň guralyşy, öňdebaryjy tehnologiýalaryň tejribede ornaşdyrylyşy we nebitgaz ulgamynda häzirki zaman ylmy-tehniki işläp taýýarlamalar bilen tanyş boldular.
Guýularyň gaýtadan dikeldilmegi meýilnamadan 81 müň tonna artyk nebit almaga mümkinçilik berdi
«Türkmennebit» döwlet konserniniň «Nebitgazdüýpliabatlaýyş» trestiniň bölümleri 2025-nji ýylyň başyndan bäri Goturdepe, Barsagelmez we Gamyşlyja ýataklarynda guýularyň düýpli bejergisi arkaly goşmaça 81 müň 830 tonna nebit öndürmegi üpjün etdiler diýip, Orient agentligi habar berýär.
Türkmenistanyň wekiliýetiniň Pakistana we Hindistana iş saparlarynyň jemleri jemlenildi
22-nji dekabrda Türkmenistanyň Prezidenti Gurbanguly Berdimuhamedow bilen bolan iş duşuşygynyň çäklerinde Türkmenistanyň Ministrler Kabinetiniň Başlygynyň Orunbasary, Daşary işler ministri R.Meredow hökümet wekiliýetiniň şu ýylyň 18-20-nji dekabry aralygynda Pakistan Yslam Respublikasyna we Hindistan Respublikasyna guralan saparlarynyň jemleri boýunça hasabat berdi.
2021-nji ýylda açylan nebitgaz ýataklarynyň möçberi 75 ýylda iň az sanlysy boldy — Rystad
2021-nji ýylyň ýanwar-oktýabr aýlarynda nebit-gaz ýataklarynyň açylyşlarynyň geçen 75 ýylyň dowamynda iň pes derejä ýetmegine garaşylýar. Bu barada energiýa pudagy boýunça seljerme geçirýän “Rystad Energy” kompaniýasy tarapyndan toplanan maglumatlara salgylanyp, Interfaks habar berdi.
Ýaşlara nusgalyk ýörelge
Türkmenistanyň nebitgaz toplumynyň merkezi binasynda «Gahryman Arkadagymyzyň döwletlilik taglymaty we Arkadagly Serdarymyzyň ýoly bilen ynamly öňe, öňe, diňe öňe, jan Watanym Türkmenistan» atly hoşallyk maslahaty geçirildi. Ol türkmen halkynyň Milli Lideri, Türkmenistanyň Halk Maslahatynyň Başlygy Gahryman Arkadagymyzyň Arkadag şäheriniň Ruhyýet köşgünde Bilimler we talyp ýaşlar güni hem-de täze okuw ýylynyň başlanmagy mynasybetli geçiren umumy sapagynyň taryhy-syýasy ähmiýetine bagyşlandy.
2021-nji ýylda «Gazprom» türkmen gazynyň satyn alnyşyny iki esse artdyrar — RF-niň Türkmenistandaky ilçisi
2021-nji ýylda «Gazprom» tarapyndan Türkmenistandan satyn alynýan gazyň möçberi iki esse artyp, takmynan, 10 mlrd kub metre barar. Bu barada anna güni RF-niň Türkmenistandaky ilçisi Aleksandr Blohin türkmen-rus hyzmatdaşlygynyň ýyllyk jemlerine bagyşlanyp, ilçihanada geçirilen metbugat-maslahatynda beýan etdi.