«PETRONAS Çarigali (Türkmenistan) Sdn Bhd» kompaniýasynyň potratçylar üçin 2022-nji ýylda № 2 Açyk gapylar güni
13:53 16.09.2022 5763
Hormatly adamlar,
«PETRONAS Çarigali (Türkmenistan) Sdn Bhd» kompaniýasynyň potratçylar üçin 2022-nji ýylda № 2 Açyk gapylar güni
Senesi: 2022-nji ýylyň 22-23-nji sentýabry
Wagty: 08:00 sag. – 13:00 sag.
Geçiriljek ýeri: Gyýanly şäherçesi, Ýerüsti gaz terminalynyň sport zaly (ÝGT)
«PÇ (T) SB» kompaniýasy sizi potratçylar üçin Açyk gapylar gününe gatnaşmaga çagyrýar; biz gyzykly sergileri we şu aşakdaky ugurlar boýunça pikir alyşmak üçin sessiýalary geçireris:
Nebit çykarmak
Tehnologiki we önümçilik kynçylyklary
- Monoetilenglikolyň regenerasiýasy (MER)
- Gaýtadan ulanmak, çäklendirmek, galyndylary gaýtadan işlemek
- Sanly tehnologiýalar
Tehniki döwrebaplyk
- Döwrebaplaşdyrmak boýunça taslamalar üçin inžinering hyzmatlary
- Gözegçilik we talap maksatnamasy
- Iki walentli duzy aýyrmak boýunça Desga üçin çözgüt (DSRU)
Tehniki hyzmat
- Gaplary/rezerwuarlary arassalamak boýunça işler
- Gurluşyk tokaýlaryna we izolýasiýa talaplar
- Ätiýaçlyk şaýlary we olaryň dogry saklanylmagy
ZG, TH we DGG (Zähmeti goramak, tehniki howpsuzlyk we daşky gurşawy goramak)
- Halas ediş serişdeleri, Ýangyna garşy enjamlar boýunça talaplar
- ZG, TH we DGG dolandyryş ulgamy we şertnamalary baglaşmakda onuň ulanylyşy
- «PÇ (T) SB» kompaniýasynda işleri ýerine ýetirmekde howpsuzlyk ulgamy boýunça maglumatlary alyş-çalyş etmek
Logistika
- Ibermeler üçin netijeli logistika
- Logistika boýunça iş ugry
Çäräniň geçiriljek ýerine kompaniýaňyz barada doly maglumatlary getirmegiňizi haýyş edýäris.
Eger-de siz gyzyklanma bildirýän bolsaňyz, onda kompaniýaňyz barada maglumatlary şu elektron salga pctsb_registration@petronas.com «PETRONAS Çarigali (Türkmenistan) Sdn Bhd» kompaniýasynyň potratçylar üçin 2022-nji ýylda № 2 Açyk gapylar güni» sözbaşy bilen 2022-nji ýylyň 20-nji sentýabryna 12:00-a çenli ugratmagyňyzy soraýarys.
Giriş tölegsiz.
Birža söwdalarynda Türkiýeden we Owganystandan gelen işewürler suwuklandyrylan gaz, awiakerosin satyn aldylar
Geçen hepdede Türkmenistanyň Döwlet haryt-çig mal biržasynyň söwdalarynda geleşikleriň 11-si hasaba alyndy.
Türkmenistan BAE-niň öňdebaryjy nebitgaz kompaniýalary bilen hyzmatdaşlyk etmäge taýýar
Türkmenistan BAE-niň öňdebaryjy nebitgaz kompaniýalary bilen hyzmatdaşlyk etmäge taýýar. Bu barada 15-16-njy awgustda Awazada geçirilen ulag forumynyň çäginde Türkmenistan Ministrler Kabinetiniň Başlygynyň Orunbasary, Daşary işler ministri Raşid Meredow bilen Birleşen Arap Emirlikleriniň Energetika we infrastruktura ministri Suheil Al-Mazruiniň arasynda geçirilen duşuşykda bellenildi.
Gazagystanyň Prezidenti Aşgabatda halkara forumyna gatnaşjakdygyny tassyklady
Gazagystan Respublikasynyň Prezidenti Kasym-Žomart Tokaýew 12-nji dekabrda Aşgabatda geçirilmegi meýilleşdirilýän halkara parahatçylyk we ynanyşmak forumyna gatnşajakdygyny tassyklady. Bu barada Gazagystanyň Prezidentiniň Türkmenistanyň Halk Maslahatynyň Başlygy Gurbanguly Berdimuhamedowa iberen hatynda bellenilýär.
Türkmenistan birinji ýarym ýyllykda Azerbaýjana benzin ibermekde ikinji orny eýeledi
Azerbaýjan 2022-nji ýylyň birinji ýarymynda Türkmenistandan 36 müň 571 tonna AI-92 belgili awtomobil benzinini import etdi diýip, angy.ru nebitgaz habarlar agentligi habar berýär.
Serdar Berdimuhamedow ulag ulgamynda BMG-niň howandarlygynda täze halkara başlangyçlary öňe sürdi
Türkmenistanyň Prezidenti Serdar Berdimuhamedow deňze çykalgasy bolmadyk döwletler üçin ulag ulgamynda BMG-niň howandarlygynda täze halkara başlangyçlaryny öňe sürdi. Bu barada döwlet Baştutany 15-nji awgustda Hazar deňziniň türkmen kenarynda «Awaza» milli syýahatçylyk zolagynda açylan Deňze çykalgasy bolmadyk ösüp barýan döwletleriň ulag ministrleriniň derejesindäki Halkara maslahatyna iberen wideoýüzlenmesinde belledi.