Aşgabatda Türkmenistanyň hemişelik Bitaraplygynyň 25 ýyllygy mynasybetli Energetika forumy açyldy
14:17 01.12.2020 7218
Şu gün «Türkmengaz» DK-nyň Tebigy gazyň ylmy-barlag institutynyň binasynda «Energetika ulgamyndaky durnukly hyzmatdaşlyk ählumumy ösüşiň möhüm şertidir» atly halkara onlaýn maslahaty öz işine başlady. Türkmenistanyň energetika diplomatiýasyna bagyşlanan forum ýurdumyzyň hemişelik Bitaraplygynyň 25 ýyllyk baýramyna bagyşlandy.
Maslahaty «Türkmengaz» we «Türkmennebit» döwlet konsernleri «Turkmen Forum» bilen hyzmatdaşlykda guraýarlar.
Ählumumy pandemiýa zerarly halkara gatnawlaryna girizlen wagtlaýyn çäklendirmeleri nazara alyp, forum şol bir wagtyň özünde onlaýn görnüşde hem geçirilýär. Forum dünýäniň 33 döwletinden 59 sany kompaniýanyň wekillerini jemledi. Şolaryň ýarysy onlaýn usulda foruma gatnaşýar.
Maslahata gatnaşyjylaryň arasynda — PETRONAS, CNPC, LUKOIL, SOCAR, Dragon Oil ýaly iri energetika kompaniýalarynyň, şeýle hem onlarça abraýly halkara guramalarynyň we maliýe institutlarynyň, şol sanda Halkara gaz bileleşiginiň, Ýewropa Energetika Hartiýasynyň, Ählumumy gaz merkeziniň, Energetika barlaglar boýunça Oksford institutynyň, Aziýanyň ösüş bankynyň wekilleri bar.
Forumyň açylyş dabarasynda Türkmenistanyň Ministrler Kabinetiniň Başlygynyň orunbasary Myratgeldi Meredow Prezident Gurbanguly Berdimuhamedowyň Halkara maslahatyna gatnaşyjylara iberen Gutlagyny okady.
Forumyň gün tertibine energetika ulgamynda halkara hyzmatdaşlygyny ösdürmegiň meseleleri girizildi. Plenar mejlisiň çäklerinde energetika howpsuzlygynyň we durnukly ösüşiň möhüm şerti hökmünde transmilli turba geçirijileriniň ähmiýeti; COVID-19-dan soň, dünýä energetikasynda tebigy gazyň orny; energetika ulgamynda durnukly ösüşiň aýrylmaz şerti hökmünde Energetika Hartiýasynyň döwrebaplaşdyrylan şertnamasy; känleri işläp taýýarlamakda serhetara hyzmatdaşlyk ara alnyp maslahatlaşylar.
Sessiýalarda Türkmenistanyň energetika diplomatiýasy — durnukly hyzmatdaşlygyň girewi; Ýewropa Bileleşiginiň Türkmenistan bilen energetika ulgamynda hyzmatdaşlygy; gazyň ählumumy bazarlary we ony ibermek; Türkmenistanyň maýa goýum mümkinçilikleri; sebitiň energetika bazarynda TOPH taslamasynyň orny; Aziýa-Ýuwaş ummany sebitinde durnukly ösüşi goldamakda tebigy gazyň orny we beýlekiler maslahatlaşylar.
Maslahatyň çäklerinde Türkmenistanyň nebitgaz toplumynyň ýolbaşçylary bilen deslapdan ylalaşylan duşuşyklar geçiriler.
Dünýäde energetika howpsuzlygyny üpjün etmekde nebitiň we gazyň möhüm ornuny göz öňünde tutup, bu halkara maslahaty pudaklaýyn hünärmenler bilen pikir alyşmaga, şeýle hem Türkmenistanyň nebitgaz toplumynyň ýolbaşçylary bilen göni gepleşikleri ýola goýmaga ýardam eder.
Guýularyň gaýtadan dikeldilmegi meýilnamadan 81 müň tonna artyk nebit almaga mümkinçilik berdi
«Türkmennebit» döwlet konserniniň «Nebitgazdüýpliabatlaýyş» trestiniň bölümleri 2025-nji ýylyň başyndan bäri Goturdepe, Barsagelmez we Gamyşlyja ýataklarynda guýularyň düýpli bejergisi arkaly goşmaça 81 müň 830 tonna nebit öndürmegi üpjün etdiler diýip, Orient agentligi habar berýär.
Türkmenistanyň wekiliýetiniň Pakistana we Hindistana iş saparlarynyň jemleri jemlenildi
22-nji dekabrda Türkmenistanyň Prezidenti Gurbanguly Berdimuhamedow bilen bolan iş duşuşygynyň çäklerinde Türkmenistanyň Ministrler Kabinetiniň Başlygynyň Orunbasary, Daşary işler ministri R.Meredow hökümet wekiliýetiniň şu ýylyň 18-20-nji dekabry aralygynda Pakistan Yslam Respublikasyna we Hindistan Respublikasyna guralan saparlarynyň jemleri boýunça hasabat berdi.
2021-nji ýylda açylan nebitgaz ýataklarynyň möçberi 75 ýylda iň az sanlysy boldy — Rystad
2021-nji ýylyň ýanwar-oktýabr aýlarynda nebit-gaz ýataklarynyň açylyşlarynyň geçen 75 ýylyň dowamynda iň pes derejä ýetmegine garaşylýar. Bu barada energiýa pudagy boýunça seljerme geçirýän “Rystad Energy” kompaniýasy tarapyndan toplanan maglumatlara salgylanyp, Interfaks habar berdi.
Ýaşlara nusgalyk ýörelge
Türkmenistanyň nebitgaz toplumynyň merkezi binasynda «Gahryman Arkadagymyzyň döwletlilik taglymaty we Arkadagly Serdarymyzyň ýoly bilen ynamly öňe, öňe, diňe öňe, jan Watanym Türkmenistan» atly hoşallyk maslahaty geçirildi. Ol türkmen halkynyň Milli Lideri, Türkmenistanyň Halk Maslahatynyň Başlygy Gahryman Arkadagymyzyň Arkadag şäheriniň Ruhyýet köşgünde Bilimler we talyp ýaşlar güni hem-de täze okuw ýylynyň başlanmagy mynasybetli geçiren umumy sapagynyň taryhy-syýasy ähmiýetine bagyşlandy.
2021-nji ýylda «Gazprom» türkmen gazynyň satyn alnyşyny iki esse artdyrar — RF-niň Türkmenistandaky ilçisi
2021-nji ýylda «Gazprom» tarapyndan Türkmenistandan satyn alynýan gazyň möçberi iki esse artyp, takmynan, 10 mlrd kub metre barar. Bu barada anna güni RF-niň Türkmenistandaky ilçisi Aleksandr Blohin türkmen-rus hyzmatdaşlygynyň ýyllyk jemlerine bagyşlanyp, ilçihanada geçirilen metbugat-maslahatynda beýan etdi.