«Türkmengaz» DK-nyň ileri tutýan ugurlary: turba geçiriji gazyny eksport etmekden başlap, ony çuňlaşdyryp gaýtadan işlemeklige çenli
19:21 01.12.2020 7132
Türkmenistanyň daşary syýasat strategiýasynyň binýadynda durnukly ösüş arkaly parahatçylygy berkitmeklik ýatyr. Munuň özi bilelikdäki ykdysady, maýa goýum taslamalaryny iş ýüzünde durmuşa geçirmegi, halkara gatnaşyklary üçin amatly şertleri döretmegi maksat edinýän ýurdumyzyň diplomatiýasynyň esasy düzümleriniň biri. Bu barada Döwlet ministri, «Türkmengaz» DK-nyň başlygy Batyr Amanowyň «Energetika ulgamyndaky durnukly hyzmatdaşlyk ählumumy ösüşiň möhüm şertidir» atly halkara onlaýn maslahatynda eden çykyşynda bellenilip geçilýär. Maslahat şu gün Aşgabatda şäherinde açyldy.
B.Amanowyň belleýşi ýaly, Türkmenistan milli ykdysadyýeti ösdürmekde we iri halkara taslamalaryna işjeň gatnaşmakda ýokary depginlere eýe boldy. Munuň aýdyň subutnamalarynyň biri hem Türkmenistan – Owganystan – Pakistan – Hindistan transmilli gaz geçirijisiniň gurluşygynyň taslamasynyň durmuşa geçirilmegidir. Taslama gatnaşyjylaryň we hyzmatdaşlarynyň pikirine görä, ol sebitiň ykdysady ösüşine kuwwatly itergi berer.
Häzirki wagtda TOPH gaz geçirijisiniň 214 kilometrlik türkmen böleginde gönüleýin bölekleri oturtmak işleri tamamlaýjy tapgyrda alnyp barylýar. Gaz geçirijiniň umumy uzynlygy 1840 kilometr, taslama kuwwaty blsa ýylda 33 mlrd kub metre deň, diýip ministr belledi.
Amanowyň bellemegine görä, häzirki wagtda türkmen gazynyň import ediji iri import ediji döwlet Hytaýdyr. Türkmenistan – Özbegistan- Gazagystan – Hytaý transmilli gaz geçirijisiniň üç şahasy (A. B we Ç) boýunça ýylda 40 mlrd kub metr töweregi «mawy ýangyç» eksport edilýär. Gaz geçiriji 2009-njy ýylyň dekabrynda ulanyşa girizildi. Geljekde bu möçberleri 65 milliard kub metre çykarmak meýilleşdirilýär.
«Türkmengazyň» ýolbaşçysynyň bellemegine görä, Türkmenistan şeýle hem gaz geçiriji arkaly Russiýa Federasiýasyna gaz iberýär, şeýle hem günorta ugurda «mawy ýangyjy» ibermek üçin zerur bolan ähli tehniki mümkinçiliklere we serişdeler binýadyna eýedir.
Turba geçiriji arkaly tebigy gazy eksport etmek bilen bir hatarda, Türkmenistan häzirki wagtda ony çuňlaşdyryp gaýtadan işlemeklige hem aýratyn üns berýär. Munuň özi geljekde ýurduň ykdysadyýetinde esasy ugur bolup biler, diýip B.Amanow belledi.
Soňky ýyllarda ýurtda birnäçe gazhimiýa toplumlary ulanyşa girizildi, ýakynda wagtda bolsa, ýene-de birnäçe täze zawodlary gurmak meýilleşdirilýär. Bu zawodlar dünýä bazarlarynda uly islegden peýdalanýan ýokary hilli önümleri öndürer, diýip «Türkmengaz» DK-nyň başlygy belledi.
«Dostluk» ýatagyny bilelikde özleşdirmek hakynda Ylalaşygy taýýarlamakda öňegidişlik gazanyldy — Türkmenistanyň DIM-i
27-nji ýanwarda «Hazar deňizdäki «Dostluk» ýatagynyň uglewodorod serişdelerini bilelikde gözlemek, işläp geçmek we özleşdirmek hakynda Türkmenistanyň Hökümeti bilen Azerbaýjan Respublikasynyň Hökümetiniň arasyndaky Ylalaşygyň» taslamasyny işläp taýýarlamak we ylalaşmak boýunça Bilelikdäki Iş toparynyň dördünji mejlisi geçirildi diýip, Türkmenistanyň DIM-niň saýty habar berýär.
Türkmenistanyň Prezidenti “Türkmengaz”, “Türkmennebit” DK-laryň gurluş düzümini kämilleşdirmek işlerini dowam etdirmegi tabşyrdy
20-nji martda Prezident Serdar Berdimuhamedow sanly ulgam arkaly Ministrler Kabinetiniň nobatdaky mejlisini geçirdi. Onda ýurdumyzyň döwlet durmuşyna degişli birnäçe meselelere seredildi.
Türkmenistanyň Prezidenti watandaşlaryny Halkara Nowruz güni bilen gutlady
“Eziz watandaşlar! Sizi ýurdumyzda şatlyk-şowhun bilen bellenilýän Milli bahar baýramy — Halkara Nowruz güni mynasybetli tüýs ýürekden gutlaýaryn” diýip, Türkmenistanyň Prezidentiniň türkmen halkyna gutlagynda aýdylýar.
Gahryman Arkadagymyz Aşgabatdaky halkara forumda TOPH taslamasynyň geosyýasy we geoykdysady ähmiýeti barada aýtdy
Türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedow 19-njy martda Aşgabatda Söwda-senagat edarasynda “Halkara parahatçylyk we ynanyşmak ýyly: durnukly ösüşi üpjün etmekde sebitara ykdysady hyzmatdaşlygyň orny” atly halkara maslahatynda eden çykyşynda TOPH taslamasynyň geosyýasy we geoykdysady ähmiýeti barada aýtdy.
Gahryman Arkadagymyz we Türkiýäniň wekilleri energetika ulgamynda hyzmatdaşlygyň ägirt uly mümkinçiliklerini bellediler
19-njy martda türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedow bilen ýurdumyza sapar bilen gelen Türkiýe Respublikasynyň energetika we tebigy serişdeler ministri Alparslan Baýraktaryň hem-de “BOTAŞ” kompaniýasynyň Baş direktory Abdulwahid Fidanyň arasynda geçirilen duşuşykda energetika ulgamynda hyzmatdaşlygyň ägirt uly mümkinçilikleri bellenilip geçildi diýip, TDH habar berýär.