“Türkmengaz” DK-nyň we CNPC-niň ýolbaşçylary gaz ulgamynda hyzmatdaşlygyň geljegini maslahatlaşdylar
11:43 25.10.2024 994
Aşgabatda geçirilýän «Türkmenistanyň nebiti we gazy — 2024» atly halkara maslahatynyň çäklerinde “Türkmengaz” döwlet konserniniň başlygy Maksat Babaýewiň Hytaýyň iri nebitgaz kompaniýasy bolan CNPC kompaniýasynyň baş direktorynyň orunbasary Çžan Daoweý bilen duşuşygy geçirildi.
Duşuşygyň barşynda taraplaý gaz ulgamynda bilelikdäki taslamalaryň häzirki ýagdaýyny we geljegini maslahatlaşdylar. Maksat Babaýew tebigy gazy çykarmakda we ugratmakda düýpli netijeleri beren hyzmatdaşlygy dowam etdirmegiň we giňeltmegiň möhümligini belledi.
Taraplar şeýle hem energiýanyň gaýtadan dikeldilýän çeşmeleri we uglerod zyňyndylaryny azaldýan tehnologiýalar babatda hyzmatdaşlyk meselelerine degip geçdiler.
Duşuşyk netijeli ýagdaýda geçdi, taraplar hyzmatdaşlygy mundan beýläk hem ösdürmäge we gaz ulgamynda bilelikdäki taslamalary durmuşa geçirmäge ygrarlydyklaryny beýan etdiler.
Türkmenistanyň we Gazagystanyň Prezidentleri VI Hazar sammitiniň geçirilmeginiň ähmiýetini bellediler
Türkmenistanyň we Gazagystanyň Prezidentleri hazarýaka döwletleriniň Baştutanlarynyň Sammitiniň yzygiderli geçirilip durulmagynyň zerurdygyny nygtadylar. Bu barada Gurbanguly Berdimuhamedowyň we Kasym-Žomart Tokaýewiň Aşgabatda ýokary derejede geçiren gepleşikleriniň netijesinde kabul edilen Bilelikdäki Beýanynda aýdylýar.
Aşgabatda Koreýa Respublikasynyň we Türkmenistanyň Baştutanlarynyň gepleşikleri geçirildi
10-njy iýunda Koreýa Respublikasynyň Prezidentiniň Türkmenistana iki günlük döwlet saparynyň çäklerinde Prezidentler Serdar Berdimuhamedowyň we Ýun Sok Ýoluň arasynda ýokary derejedäki gepleşikler geçirildi.
Prezident Gurbanguly Berdimuhamedowyň «Türkmenistanyň nebiti we gazy — 2021» atly XXVI halkara maslahata gatnaşyjylara Gutlagy
Sizi gözel paýtagtymyzda ýigrimi altynjy gezek geçirilýän «Türkmenistanyň nebiti we gazy — 2021» atly halkara maslahatyň öz işine başlamagy bilen tüýs ýürekden gutlaýaryn. Watanymyzyň nebitgaz pudagyny ösdürmek ugrunda alyp barýan işleriňizde rowaçlyklary arzuw edýärin.
ÝHHG Türkmenistanda energetika diplomatiýasy boýunça okuw geçirdi
«Türkmenistanyň nebiti we gazy — 2021» atly XXVI halkara maslahatynyň öňüsyrasynda ÝHHG nebitgaz ulgamynda energetika diplomatiýasynyň strategiýasyny işläp düzmekde we ilerletmekde öňdebaryjy halkara tejribesine bagyşlanyp, Aşgabatda onlaýn seminar geçirdi.
Türkmenistanyň DIM-inde Eýranyň wekiliýeti bilen duşuşykda ýangyç-energetika we beýleki ugurlarda hyzmatdaşlyk maslahatlaşyldy
Türkmenistanyň daşary syýasat edarasynyň binasynda Türkmenistanyň Daşary işler ministri Raşid Meredowyň Eýran Yslam Respublikasynyň Energetika ministri Ali Akbar Mehrabianyň ýolbaşçylygyndaky eýran wekiliýeti bilen geçiren duşuşygynda elektroenergetika, nebitgaz pudaklarynda hyzmatdaşlygy ösdürmegiň ýollary, suw we ekologiýa pudagynda özara gatnaşyklar meseleleri ara alnyp maslahatlaşyldy. Bu barada Türkmenistanyň daşary syýasat edarasynyň saýty habar berýär.