OGT 2024: Türkmenistan metan zyňyndylaryny üstünlikli azaldýar
11:43 25.10.2024 2973
Türkmenistan 2020-nji ýyl bilen deňeşdirilende, zyýanly zyňyndylaryň möçberini umumylykda 10 % azaldyp, daşky gurşawy goramakda düýpli üstünlikleri gazandy. Bu barada “Türkmengaz” döwlet konserniniň başlygy Maksat Babaýew “Türkmenistanyň nebiti we gazy – 2024” halkara maslahatynda eden çykyşynda belledi.
Bu başlangyjyň çäklerinde metan zyňyndylaryny tapgyrlaýyn azaltmagyň strategiýasy kabul edildi, bu bolsa ýurdumyzyň ekologiýa standartlaryna we durnukly ösüşe ygrarlylygyny görkezýär.
Bu strategiýa ykdysadyýetiň dürli ugurlarynda, şol sanda energetika we oba hojalygy pudaklarynda metan zyňyndylaryny azaltmaga gönükdirilen çäreleri öz içine alýar. Garaşylyşy ýaly, bu çäreleriň durmuşa geçirilmegi diňe bir howanyň hilini gowulandyrmak bilen çäklenmän, eýsem, energetika netijeliligini hem ýokarlandyrar.
Türkmenistan bu ulgamda halkara hyzmatdaşlary bilen işjeň hyzmatdaşlyga ymtylýar. Bu bolsa zyňyndylary has netijeli dolandyrmak üçin tejribe we tehnologiýalary alyşmaga mümkinçilik berýär.
Kabul edilen çözgütler howanyň üýtgemegi bilen bagly ählumumy maksatlara laýyk gelýär we ýurdumyzyň sebitde ekologiýa ýagdaýyny gowulandyrmaklyga goşandyny goşmak meýillerini subut edýär.
Nebitgaz toplumynda şu ýylyň birinji çärýeginiň jemlerine garaldy
Türkmenistanyň nebitgaz toplumynyň merkezi binasynda «Pähim-paýhas ummany Magtymguly Pyragy» ýylynyň geçen üç aýynda ýerine ýetirilen işleriň jemlerine bagyşlanan hasabat ýygnagy geçirildi. Onda 6-njy aprelde hormatly Prezidentimiz Serdar Berdimuhamedowyň ýurdumyzyň pudaklarynda alnyp barlan işleriň netijelerine bagyşlap sanly ulgam arkaly geçiren Türkmenistanyň Ministrler Kabinetiniň mejlisinde nebitgaz toplumynyň öňünde goýan wezipeleri ara alnyp maslahatlaşyldy hem-de bu ugurda işleri has-da ilerletmegiň anyk ýollary kesgitlenildi.
Wagyz-nesihat duşuşygynda
«Türkmengaz» DK-nyň Ylmy-barlag tebigy gaz institutynda beýik akyldar şahyrymyz Magtymguly Pyragynyň döredijiligine bagyşlanan wagyz-nesihat duşuşygy geçirildi. Oňa nebitgaz toplumynyň we beýleki ulgamlaryň birleşikleriniň, müdirlikleriniň, edara-kärhanalarynyň hünärmenleri, bilim işgärleri gatnaşdy. Bu çäre Gündogaryň beýik akyldar şahyry Magtymguly Pyragynyň doglan gününiň 300 ýyllygy bellenilýän «Pähim-paýhas ummany Magtymguly Pyragy» ýylyny has-da dabaralandyrdy.
Birinji çärýegiň netijeleri boýunça Türkmenistanda jemi içerki önümiň ösüşi 6,3 göterim boldy
Ýurdumyzda şu ýylyň birinji çärýeginde ýerine ýetirilen işleriň netijeleri kabul edilen maksatnamalaryň üstünlikli durmuşa geçirilýändigini görkezýär. Hasabat döwründe jemi içerki önümiň ösüşi 6,3 göterim derejede durnukly saklanyp gelýär. Bu barada Prezident Serdar Berdimuhamedow 6-njy aprelde geçiren Hökümet mejlisinde habar berdi.
Hökümet mejlisinde ýangyç-energetika toplumynyň 2024-nji ýylyň üç aýynyň netijelerine garaldy
6-njy aprelde Prezident Serdar Berdimuhamedow sanly ulgam arkaly Ministrler Kabinetiniň mejlisini geçirdi. Onda wise-premýerleriň hasabatlary diňlenildi we şu ýylyň birinji çärýeginde ýerine ýetirilen işleriň jemleri jemlenildi.
Türkmenistanyň Prezidentiniň saýlawlarynda ses bermeklik ýokary işjeňlik derejesinde geçdi
Geçen şenbe güni, 12-nji martda irden sagat 7-den Türkmenistandaky 2,5 müňden gowrak saýlaw uçastogynda nobatdan daşary Prezident saýlawlarynda ses bermeklik başlandy. Saýlawlarda ses bermek üçin 3,5 milliondan gowrak saýlawçy bellige alyndy.