Noýabrda türkmen-hytaý ylmy-innowasion forumy geçiriler
12:17 28.10.2024 4118
Prezident Serdar Berdimuhamedow 26-27-nji noýabrda Aşgabat şäherinde III türkmen-hytaý ylmy-innowasion forumyny geçirmek hakynda Karara gol çekdi.
Resminama laýyklykda, Türkmenistanyň Ylymlar akademiýasyna Aşgabat şäherinde “Innowasiýalar, täze tehnologiýalar we olary önümçilige ornaşdyrmagyň meseleleri” atly III türkmen-hytaý ylmy-innowasion forumynyň guramaçylykly we ýokary derejede geçirilmegini üpjün etmek tabşyryldy.
Degişli ministrlikler we pudaklaýyn dolandyryş edaralary forumy guramaçylykly geçirmekde Ylymlar akademiýasyna ýardam bermäge borçly edildi.
25-nji oktýabrda geçirilen Hökümet mejlisinde wise-premýer B.Orazdurdyýewa forumy geçirmäge görülýän taýýarlyk barada hasabat berdi. Forumyň gün tertibine ylmy barlaglaryň netijelerini önümçilige işjeň ornaşdyrmak, halkara ylmy-tehnologik hyzmatdaşlygy has-da giňeltmek bilen bagly meseleler giriziler.
Şeýle hem forumda nanotehnologiýalar, himiki tehnologiýalar, täze materiallary öwrenmek we energetika, biotehnologiýa, molekulýar biologiýa, oba hojalygy, ekologiýa we genetika, maglumat-aragatnaşyk ulgamlary, kompýuter tehnologiýalary, häzirki zaman lukmançylyk we derman serişdelerini öndürmek tehnologiýalary, innowasion ykdysadyýet, ynsanperwer ylymlar boýunça türkmen-hytaý hyzmatdaşlygynyň giň ugurlaryny ara alyp maslahatlaşmak meýilleşdirilýär.
Prezident Serdar Berdimuhamedow Türkmenistanyň dünýä döwletleri, şol sanda Hytaý Halk Respublikasy bilen ylmy-tehniki hyzmatdaşlygy ösdürmäge uly ähmiýet berilýändigini nygtady.
Türkmenistanyň Halk Maslahatynyň Başlygy we BMG-niň Baş sekretary telefon arkaly 2025-nji ýylda özara gatnaşyklarynyň meýilnamasyny maslahatlaşdy
Türkmenistanyň Halk Maslahatynyň Başlygy Gurbanguly Berdimuhamedow BMG-niň Baş sekretary Antoniu Guterriş bilen geçiren telefon arkaly söhbetdeşliginde 2025-nji ýylda özara gatnaşyklaryň meýilnamalaryny maslahatlaşdylar diýip, TDH habar berýär.
Güýz-gyş möwsümine taýýarlyk işleri başlandy
«Marygazüpjünçilik» müdirliginiň «Baýramalyşähergaz» gaz hojalyk edarasy geljek güýz-gyş möwsüminde gaz hojalygyň ygtybarly we howpsuz ulanylyşyny üpjün etmeklige gönükdirilen guramaçylyk-tehniki çäreleriň toplumyny ýerine ýetirmäge girişdiler.
Milli gämiler türkmen nebit önümleriniň ibermelerini artdyrmaga mümkinçilik berdi
Türkmenbaşy şäherinde döwrebap Halkara deňiz porty we milli gämiler türkmen nebit önümleriniň daşary ýurtlara durnukly iberlemerini ýola goýmaga mümkinçilik berdi. Bu barada «Türkmendeňizderýaýollary» agentliginiň başlygy Agamyrat Haýytmyradow şu gün Aşgabatda açylan «Halkara ulag-üstaşyr geçelgeleri: özara arabaglanyşyk we ösüş» atly halkara maslahatynda eden çykyşynda belledi.
TNGIZT-niň we «Türkmengaz» DK-nyň önümleri Türkmenistanyň biržasynda satyldy
Geçen hepdede Türkmenistanyň Döwlet haryt-çig mal biržasynyň söwdalarynda geleşikleriň 49-sy hasaba alyndy.
Gurbanguly Berdimuhamedow we Antoniu Guterriş sebit howpsuzlygy meselelerini maslahatlaşdylar
Türkmenistanyň Halk Maslahatynyň Başlygy Gurbanguly Berdimuhamedow bilen BMG-niň Baş sekretary Antoniu Guterrişiň arasynda 14-nji ýanwarda geçirilen telefon arkaly söhbetdeşlikde Owganystan we Hazarýaka howpsuzlygy bilen bagly meseleler maslahatlaşyldy diýip, TDH habar berýär.