Türkmenistan bilen Russiýanyň haryt dolanyşygy ýedi aýda 58% artdy
07:05 01.11.2024 2541
Türkmenistan bilen Russiýanyň arasynda özara haryt dolanyşygynyň möçberi geçen ýylyň degişli döwri bilen deňeşdirilende 2024-nji ýylyň ilkinji ýedi aýynda 58% artdy. Bu barada Russiýa Federasiýasynyň Hökümetiniň Başlygynyň orunbasary Alekseý Owerçuk Ykdysady hyzmatdaşlyk boýunça hökümetara türkmen-rus toparynyň mejlisinde aýtdy diýip, Türkmenistan Habarlar portaly habar berýär.
“Ýurtlarymyzyň arasyndaky özara söwda dolanyşygy oňyn depgini görkezýär. Şu ýylyň ýedi aýynyň netijeleri boýunça haryt dolanyşygy nyrh aňlatmasynda 58% artdy” diýip, Owerçuk aýtdy.
“Russiýa bilen Türkmenistanyň arasyndaky ykdysady özara gatnaşyklaryň mümkinçiliklerini durmuşa geçirmek üçin biz 2025-2027-nji ýyllar üçin ykdysady hyzmatdaşlyk maksatnamasyny işläp taýýarladyk, ol ylalaşmak üçin tamamlaýjy tapgyra geldi” diýip, Owerçuk belledi.
Ol 2025-nji ýylyň başynda toparyň nobatdaky mejlisiniň meýilleşdirilýändigini belledi. “Biz toparyň 13-nji mejlisini geçirmegi meýilleşdirýäris, onda gazanylan ylalaşyklaryň ýerine ýetirilişi maslahatlaşylar we geljek üçin meýilnamalar düzüler” diýip, Owerçyk aýtdy.
Haryt dolanyşygynyň oňyn depgini bilen taraplar ykdysadyýetiň dürli ugurlarynda özara bähbitli hyzmatdaşlygy mundan beýläk hem ösdürmegi maksat edinýärler.
Türkmenistanyň Hazar deňziniň meseleleri boýunça pudagara toparynyň nobatdaky mejlisi geçirildi
Şenbe güni, 29-njy iýulda Türkmenistanyň Ministrler Kabinetiniň Başlygynyň Orunbasary, Türkmenistanyň daşary işler ministri R.Meredowyň ýolbaşçylygynda Türkmenistanyň Hazar deňziniň meseleleri boýunça pudagara toparynyň nobatdaky mejlisi geçirildi.
Türkmenistanyň Belgiýadaky ilçisi energetika ulgamynda Aşgabadyň ÝB bilen hyzmatdaşlygy berkitmäge taýýarlygyny tassyklady
Türkmenistanyň Belgiýa Patyşalygyndaky Adatdan daşary we Doly ygtyýarly ilçisi S.Pälwanow Ýewropa Komissiýasynyň başlygy Ursula fon der Lýaýen bilen duşuşygynda Aşgabadyň ähli ugurlar boýunça, şol sanda, energetika pudagynda hyzmatdaşlygy mundan beýläk hem pugtalandyrmaga ygrarlydygyny tassyklady. Bu barada Türkmenistanyň daşary syýasat edarasynyň saýty habar berýär.
«Türkmengeologiýa» DK nebitiň we gazyň çykarylyşyny artdyrmak maksady bilen işleri geçirýär
Prezident Serdar Berdimuhamedow sanly ulgam arkaly Ministrler Kabinetiniň nobatdaky mejlisini geçirdi. Onda döwlet durmuşynyň käbir meselelerine hem-de resminamalaryň taslamalaryna garaldy.
TDHÇMB-niň söwdalarynda daşary ýurt puluna «Türkmennebit» we «Türkmenhimiýa» DK-nyň önümleri ýerlenildi
Geçen hepdede Türkmenistanyň Döwlet haryt-çig mal biržasynyň söwdalarynda geleşikleriň 14-si hasaba alyndy.
Türkmenistan we Singapur birnäçe ugurlar boýunça hyzmatdaşlygy ösdürmek üçin uly mümkinçiliklere eýe — DIM
Türkmenistan we Singapur dürli ugurlar boýunça özara bähbitli gatnaşyklary ösdürmek üçin ägirt uly mümkinçiliklere eýedir. Bu barada Türkmenistanyň Singapur Respublikasyndaky Adatdan daşary we Doly ygtyýarly ilçisi (oturýan ýeri Seul ş.) B.Durdiýewiň Singapur Respublikasynyň Prezidenti Halime Ýakoba ynanç hatlarynyň gowşurylyş dabarasynda geçirilen duşuşykda aýdyldy.