TOPH ýurtlaryň arasynda gatnaşyklary berkitmegiň we infrastrukturany ösdürmegiň guraly hökmünde
21:21 28.11.2024 1503
Frontier Works Organization (FWO) pakistan kompaniýasynyň baş direktory TOPH taslamasynyň (Türkmenistan-Owganystan-Pakistan-Hindistan) diňe bir strategiki turbageçiriji hökmünde däl, eýsem, Orta Aziýanyň mümkinçiliklerini açmakda we ýurtlaryň arasynda gatnaşyklary berkitmekde möhüm gural hökmünde ähmiýetini belläp geçdi.
Bu barada ol 26-27-nji noýabrda Aşgabatda geçirilen “Halkara ulag-üstaşyr geçelgeleri: özara arabaglanyşyk we ösüş — 2024” atly halkara forumynyň çäklerinde belledi.
Abdul Sami şeýle hem TOPH taslamasynyň Türkmenistan üçin Owganystanyň üsti bilen tebigy baýlyklaryny paýlaşmagy üçin özboluşly mümkinçilik bolup durýandygyny nygtady.
“Bu taslama ýol hem ulag infrastrukturasyny ösdürmek üçin ägirt uly ähmiýete eýe bolup durýar. Biz ony diňe bir Türkmenistan bilen däl, eýsem, sebitiň beýleki ýurtlary bilen hem gatnaşyklarymyzy ösdürmegiň usuly hökmünde görýäris. Munuň özi taslama gatnaşyjy ýurtlaryň ykdysadyýetini ösdürmekde möhüm ädimdir” diýip Abdul Sami belledi.
Ol mundan beýläk hem hyzmatdaşlygy ösdürmäge umyt bildirip, TOPH ýaly infrastruktura taslamalarynyň sebitiň gülläp ösmeginiň esasy hereketlendirijisi bolup biljekdigini nygtady diýip, Türkmenistan Habarlar portaly habar berýär.
ÝHHG-niň Aşgabatda geçirilen seminarynda metan zyňyndylaryny azaltmagy kadalaşdyrmak meseleleri maslahatlaşyldy
2024-nji ýylyň 16-njy iýulynda Aşgabatda ÝHHG-niň Merkezi tarapyndan gurnalan iki günlük seminara döwletimiz tarapyndan «Türkmengaz» we «Türkmennebit» döwlet konsernleriniň, Daşky gurşawy goramak ministrliginiň we beýleki gyzyklanma bildirýän edaralaryň ýigrimi bäş wekili gatnaşdy we olar parnik gazlarynyň, şol sanda metanyň zyňyndylaryny azaltmak boýunça hereket edýän kanunlar bilen tanyşdylar.
Halkara ylmy maslahatynyň gün tertibi: gazyň zyýanly zyňyndylaryny azaltmakdan Derweze kraterine çenli
Uglewodorodlary özleşdirmek şertlerinde daşky gurşawa zyňyndylary azaltmak, şol sanda Derwezedäki gaz krateri boýunça mümkin bolan çözgütler 23-nji iýunda Aşgabatdaky «Ýyldyz» myhmanhanasynda geçiriljek Halkara ylmy maslahatyň gün tertibine girer.
OPEC+ mejlisinden öň, nebitiň bahalary ýokarlanýar
Ýewropa Bileleşigi tarapyndan Russiýada ýangyjyň importyna gadaganlyk girizmek meýilleriniň çäginde penşenbe güni nebit 5% ýokarlanmadan soň hem artmagyny dowam edýär diýip, Interfaks habar berýär.
Türkmenistanyň Prezidenti Gazagystan Respublikasynyň Adatdan daşary we Doly ygtyýarly ilçisini kabul etdi
Hormatly Prezidentimiz Serdar Berdimuhamedow Gazagystan Respublikasynyň Türkmenistanda täze bellenen Adatdan daşary we Doly ygtyýarly ilçisi Nurlan Nogaýewi kabul etdi. Ol döwlet Baştutanymyza ynanç hatyny gowşurdy. Bu barada TDH habar berýär.
HHR-niň himikleri kömürturşy gazyndan glýukoza öndürmegi öwrendiler
Hytaýly alymlar kömürturşy gazyny elektroliz usulyny ulanmak bilen çylşyrymly uglerod birleşmelerine öwürýän utgaşdyrylan elektrobiologiki ulgamy işläp düzdüler. Ylmy barlagyň düşündirişi Nature Catalysis žurnalynda çap edildi.