Türkmenistan-ÝB Bilelikdäki geňeşi söwda-ykdysady hyzmatdaşlygyň meselelerini maslahatlaşdy
14:16 06.12.2024 4012
Brýusselde geçirilen Türkmenistan – Ýewropa Bileleşigi Bilelikdäki geňeşiniň 23-nji mejlisinde söwda gatnaşyklarynyň, şol sanda Türkmenistanyň Bütindünýa söwda guramasyna goşulmagyny goldamagyň, Türkmenistanda we ÝB-de makroykdysady ýagdaýyň meseleleri, şeýle hem ulag arabaglanyşygynyň we sanlylaşdyrylmagyň meseleleri maslahatlaşyldy. Bu barada Türkmenistan Habarlar portaly habar berýär.
Duşuşykda energetika, daşky gurşawy goramak we durnukly ösüş ugurlaryna aýratyn üns berildi. Suw serişdelerini dolandyrmak, metan zyňyndylaryny azaltmak, sebit häsiýetli ekologiýa meseleleri, şeýle hem energiýanyň dikeldilýän çeşmelerini ulanmagyň geljegi ýaly meseleleri çekişmeleriň merkezinde boldy.
ÝB-niň wekiliýeti Ýewropa Bileleşiginiň ykdysady ösüşiniň ykdysady görkezijilerine we geljegine bagyşlanan prezentasiýa görkezdi. Häzirki ykdysady ösüş, senagaty sanlylaşdyrmak we ählumumy şertleriň ýewropa bazarlaryna täsirine bagyşlanan maglumatlar getirildi.
Mejlis Türkmenistan bilen Ýewropa Bileleşiginiň hyzmatdaşlygyny berkitmegiň geljegini ara alyp maslahatlaşmak bilen jemlenildi. Taraplar şular ýaly duşuşyklary geçirmegiň wajyplygyny belläp geçdiler.
Serdar Berdimuhamedow ulag ulgamynda BMG-niň howandarlygynda täze halkara başlangyçlary öňe sürdi
Türkmenistanyň Prezidenti Serdar Berdimuhamedow deňze çykalgasy bolmadyk döwletler üçin ulag ulgamynda BMG-niň howandarlygynda täze halkara başlangyçlaryny öňe sürdi. Bu barada döwlet Baştutany 15-nji awgustda Hazar deňziniň türkmen kenarynda «Awaza» milli syýahatçylyk zolagynda açylan Deňze çykalgasy bolmadyk ösüp barýan döwletleriň ulag ministrleriniň derejesindäki Halkara maslahatyna iberen wideoýüzlenmesinde belledi.
Gazagystanyň Prezidenti Aşgabatda halkara forumyna gatnaşjakdygyny tassyklady
Gazagystan Respublikasynyň Prezidenti Kasym-Žomart Tokaýew 12-nji dekabrda Aşgabatda geçirilmegi meýilleşdirilýän halkara parahatçylyk we ynanyşmak forumyna gatnşajakdygyny tassyklady. Bu barada Gazagystanyň Prezidentiniň Türkmenistanyň Halk Maslahatynyň Başlygy Gurbanguly Berdimuhamedowa iberen hatynda bellenilýär.
Birža söwdalarynda Türkiýeden we Owganystandan gelen işewürler suwuklandyrylan gaz, awiakerosin satyn aldylar
Geçen hepdede Türkmenistanyň Döwlet haryt-çig mal biržasynyň söwdalarynda geleşikleriň 11-si hasaba alyndy.
Türkmenistan BAE-niň öňdebaryjy nebitgaz kompaniýalary bilen hyzmatdaşlyk etmäge taýýar
Türkmenistan BAE-niň öňdebaryjy nebitgaz kompaniýalary bilen hyzmatdaşlyk etmäge taýýar. Bu barada 15-16-njy awgustda Awazada geçirilen ulag forumynyň çäginde Türkmenistan Ministrler Kabinetiniň Başlygynyň Orunbasary, Daşary işler ministri Raşid Meredow bilen Birleşen Arap Emirlikleriniň Energetika we infrastruktura ministri Suheil Al-Mazruiniň arasynda geçirilen duşuşykda bellenildi.
Türkmenistanyň Prezidenti: geljek ulag gatnaşyklarynyň utgaşdyrylan ulgamynda
Geljek ulag gatnaşyklarynyň utgaşdyrylan ulgamynda. Bu barada Prezident Serdar Berdimuhamedow «Awaza» milli syýahatçylyk zolagynda geçirilýän deňze çykalgasy bolmadyk ösüp barýan döwletleriň ulag ministrleriniň derejesindäki halkara maslahatda eden çykyşynda belledi.