Russiýa we Türkmenistan söwda-ykdysady we ulag ulgamlarynda işjeň hyzmatdaşlyk edýär – RF-niň ilçisi
09:08 19.12.2024 4916
Russiýa Federasiýasynyň Türkmenistandaky ilçisi Iwan Wolynkin tamamlanyp barýan 2024-nji ýylda türkmen-russiýa gatnaşyklarynyň netijelerine bagyşlanyp 18-nji dekabrda geçirilen metbugat maslahatynda iki ýurduň arasynda söwda-ykdysady we ulag ulgamlaryndaky işjeň hyzmatdaşlyk barada durup geçdi. Maslahata rus hem türkmen habar beriş serişdeleriniň wekilleri çagyryldy.
“Russiýa Türkmenistanyň esasy söwda hyzmatdaşlarynyň biri bolmagynda galýar. Ykdysady hyzmatdaşlyk boýunça Hökümetara topar netijeli hereket edýär” diýip, Iwan Wolynkin aýtdy.
“30-njy oktýabrda toparyň başlyklarynyň duşuşygyny geçirmek üçin Aşgabada RF-niň Hökümetiniň Başlygynyň orunbasary Alekseý Owerçuk geldi. Saparyň barşynda ol şu ýylyň ilki ýedi aýynda Russiýa bilen Türkmenistantyň arasyndaky özara söwda dolanyşygynyň 58% artandygyny belledi” diýip, ilçi sözüniň üstüne goşdy.
Onuň aýtmagyna görä, “häzirki wagtda ulag edaralarynyň çygrynda özara gatnaşyklara aýratyn üns berilýär. Bu babatda Demirgazyk-Günorta halkara ulag geçelgesini ösdürmek boýunça iş alnyp barylýar”.
“Bilelikdäki tagallalar netijesinde demir ýollar boýunça eksport, import we üstaşyr daşamalaryň möçberi artdyryldy, ýük ugratmalaryny dolandyrmagyň häzirki zaman tehnologiýalary ornaşdyrylýar”.
Ilçiniň sözlerine görä, “Häzirki wagtda Türkmenistanda rus kapitalynyň gatnaşmagynda 190 töweregi ykdysady iş alyp barýan subýektler hereket edýär. Olaryň hatarynda – Gazprom, Kamaz, Wozroždeniýa, Tatneft, TNK ýaly iri kompaniýalaryň wekilhanalary bar”.
Serdar Berdimuhamedow ulag ulgamynda BMG-niň howandarlygynda täze halkara başlangyçlary öňe sürdi
Türkmenistanyň Prezidenti Serdar Berdimuhamedow deňze çykalgasy bolmadyk döwletler üçin ulag ulgamynda BMG-niň howandarlygynda täze halkara başlangyçlaryny öňe sürdi. Bu barada döwlet Baştutany 15-nji awgustda Hazar deňziniň türkmen kenarynda «Awaza» milli syýahatçylyk zolagynda açylan Deňze çykalgasy bolmadyk ösüp barýan döwletleriň ulag ministrleriniň derejesindäki Halkara maslahatyna iberen wideoýüzlenmesinde belledi.
Gazagystanyň Prezidenti Aşgabatda halkara forumyna gatnaşjakdygyny tassyklady
Gazagystan Respublikasynyň Prezidenti Kasym-Žomart Tokaýew 12-nji dekabrda Aşgabatda geçirilmegi meýilleşdirilýän halkara parahatçylyk we ynanyşmak forumyna gatnşajakdygyny tassyklady. Bu barada Gazagystanyň Prezidentiniň Türkmenistanyň Halk Maslahatynyň Başlygy Gurbanguly Berdimuhamedowa iberen hatynda bellenilýär.
Birža söwdalarynda Türkiýeden we Owganystandan gelen işewürler suwuklandyrylan gaz, awiakerosin satyn aldylar
Geçen hepdede Türkmenistanyň Döwlet haryt-çig mal biržasynyň söwdalarynda geleşikleriň 11-si hasaba alyndy.
Türkmenistan BAE-niň öňdebaryjy nebitgaz kompaniýalary bilen hyzmatdaşlyk etmäge taýýar
Türkmenistan BAE-niň öňdebaryjy nebitgaz kompaniýalary bilen hyzmatdaşlyk etmäge taýýar. Bu barada 15-16-njy awgustda Awazada geçirilen ulag forumynyň çäginde Türkmenistan Ministrler Kabinetiniň Başlygynyň Orunbasary, Daşary işler ministri Raşid Meredow bilen Birleşen Arap Emirlikleriniň Energetika we infrastruktura ministri Suheil Al-Mazruiniň arasynda geçirilen duşuşykda bellenildi.
Türkmenistanyň Prezidenti: geljek ulag gatnaşyklarynyň utgaşdyrylan ulgamynda
Geljek ulag gatnaşyklarynyň utgaşdyrylan ulgamynda. Bu barada Prezident Serdar Berdimuhamedow «Awaza» milli syýahatçylyk zolagynda geçirilýän deňze çykalgasy bolmadyk ösüp barýan döwletleriň ulag ministrleriniň derejesindäki halkara maslahatda eden çykyşynda belledi.