Türkmenistanyň Prezidenti ykdysadyýeti ösdürmek boýunça 2025-nji ýyl üçin iş meýilnamalaryny makullady

17:25 06.01.2025 1668

https://oilgas.gov.tm/storage/posts/12794/original-1677b810aba316.jpg

Prezident Serdar Berdimuhamedow ykdysadyýet, maliýe we bank toplumynyň 2025-nji ýyl üçin iş meýilnamalaryny makullady. Iş meýilnamalarynyň taslamalary 3-nji ýanwarda Hökümet mejlisinde hödürlenildi.

Ministrler Kabinetiniň Başlygynyň orunbasary H.Geldimyradow ykdysadyýet, maliýe we bank toplumynyň 2025-nji ýyl üçin iş meýilnamalarynyň taslamalary barada hasabat berdi. Bellenilişi ýaly, “Türkmenistanyň Prezidentiniň ýurdumyzy 2022 — 2028-nji ýyllarda durmuş-ykdysady taýdan ösdürmegiň Maksatnamasyndan” ugur alnyp taýýarlanylan meýilnamalarda makroykdysady durnuklylygy üpjün etmek, sanly ykdysadyýeti ilerletmek, häzirki zaman tehnologiýalarynyň ornaşdyrylmagyny dowam etdirmek göz öňünde tutulýar.

Şol sanda durmuş-ykdysady ösüşi, pudaklaryň maliýe-ykdysady ýagdaýy, Döwlet býujetiniň üstünlikli ýerine ýetirilmegini gazanmak, maýa goýum syýasatyny kämilleşdirmek, döwlet emlägini we maliýe serişdelerini netijeli dolandyrmak boýunça işleri guramak, ulgama öňdebaryjy halkara tejribeleri ornaşdyrmak hem-de kanunçylyk binýadyny kämilleşdirmek, bank we ätiýaçlandyryş hyzmatlaryny, standartlaşdyryş ulgamyny ösdürmek, milli statistika edaralarynyň işini döwrebaplaşdyrmak boýunça we beýleki çäreler meýilleşdirilýär.

Serdar Berdimuhamedow hasabaty diňläp, ýurdumyzda ykdysady durnuklylygy üpjün etmegiň hem-de sanly ykdysadyýeti mundan beýläk-de ösdürmegiň, ýurdumyzyň we sebitleriň durmuş-ykdysady ösüşini, pudaklaryň maliýe-ykdysady ýagdaýyny seljermegiň, Döwlet býujetiniň üstünlikli ýerine ýetirilmegini gazanmagyň möhüm talap bolup durýandygyny belledi.

Hökümet mejlisiniň barşynda döwlet Baştutany ýangyç-energetika, ulag-kommunikasiýa, gurluşyk, oba hojalygy, söwda toplumlaryny ösdürmek boýunça 2025-nji ýyl üçin iş meýilnamalaryny hem makullady.

Bellenilişi ýaly, taýýarlanylan iş meýilnamalaryna laýyklykda, “Türkmengaz” we “Türkmennebit” döwlet konsernleri tarapyndan nebitgaz känlerini özleşdirmek, tebigy we ugurdaş gazy, nebiti we gaz kondensatyny çykarmak, suwuklandyrylan gazy öndürmek, türkmen tebigy gazyny dünýä bazarlaryna eksport etmek, nebiti çuňňur gaýtadan işlemek, nebit önümlerini içerki sarp edijilere we daşarky bazarlara ibermek wezipeleri göz öňünde tutuldy.

В сфере транспорта будет продолжено строительство железнодорожных и автомобильных вокзалов, воздушных гаваней, а также морских судов, укрепление профильной материально-технической базы.

Ulag ulgamynda 2025-nji ýylda döwrebap demir ýol, awtomobil we howa menzilleriniň, deňiz gämileriniň, häzirki zaman önümçilik we durmuş ähmiýetli desgalaryň gurluşyklarynyň dowam etdirilmegi, ulgamyň maddy-enjamlaýyn binýadynyň mundan beýläk-de pugtalandyrylmagy meýilleşdirilýär.

Döwlet Baştutany iş meýilnamalaryny makullap, wise-premýerlere bu ugurda degişli işleri geçirmegi tabşyrdy.

Başga makalalar
1616d1115de3a8.jpeg
Prezident 2022-nji ýyl üçin Türkmenistanyň Döwlet býujetini makullady

Gurbanguly Berdimuhamedow Döwlet býujetiniň hödürlenen taslamasyny makullap, 2022-nji ýyl üçin ýurdumyzyň baş maliýe meýilnamasyny Milli Geňeşiň Mejlisiniň garamagyna ibermek hakyndaky resminama gol çekdi.


161691a38af3e0.jpeg
Gurbanguly Berdimuhamedow ulag ulgamyny ösdürmek boýunça BMG-niň ýörite maksatnamasyny işläp taýýarlamagy teklip etdi

Prezident Gurbanguly Berdimuhamedow Birleşen Milletler Guramasynyň Durnukly ulag ulgamy boýunça ikinji ählumumy maslahatynda eden çykyşynda Türkmenistan tarapyndan BMG-niň ulagy ösdürmek boýunça Ýörite sebitara maksatnamasyny işläp taýýarlamak barada ozal öňe sürlen teklibe gaýdyp gelmegi teklip etdi.


16645b17ee45dc.jpg
Türkmenistan Russiýa bilen strategiki hyzmatdaşlygynyň çäklerinde Tatarystan bilen hyzmatdaşlygyny berkitmegini dowam eder – Halk Maslahatynyň Başlygy

Türkmenistan Russiýa Federasiýasy bilen strategik hyzmatdaşlygyň çäklerinde Tatarystan bilen köpugurly gatnaşyklary hemmetaraplaýyn pugtalandyrmagy we giňeltmegi ugur edinýär. Muny türkmen halkynyň Milli Lideri Gurbanguly Berdimuhamedow Russiýa Federasiýasynyň Tatarystan Respublikasyna iş sapary wagtynda tassyklady.


1636a037f731c0.jpeg
Türkmenistanyň Prezidenti ABŞ-nyň Döwlet departamentiniň wekili bilen döwletara hyzmatdaşlygynyň ileri tutulýan ugurlaryny maslahatlaşdy

Prezident Serdar Berdimuhamedow duşenbe güni Amerikanyň Birleşen Ştatlarynyň Döwlet sekretarynyň Günorta we Merkezi Aziýanyň işleri boýunça kömekçisi Donald Lu bilen duşuşykda döwletara hyzmatdaşlygynyň ileri tutulýan meselelerini maslahatlaşdy diýip, TDH habar berýär.


161691ab43db40.png
Hökümet topary Türkmenistanyň BSG agza bolmagy bilen bagly meseleleri maslahatlaşdy

Türkmenistanyň Bütindünýä Söwda Guramasyna (BSG) agza bolmagy bilen bagly meseleleri öwrenmek boýunça Hökümet toparynyň mejlisinde Türkmenistanyň BSG bilen hyzmatdaşlygynyň işjeňleşdirmeginiň ileri tutulýan meseleleri maslahatlaşyldy diýip Türkmenistanyň daşary syýsat edarasynyň saýty habar berýär.