Türkmenistanda 2025-nji ýylyň forumlarynyň, maslahatlarynyň we sergileriniň maksatnamasy neşir edildi
16:46 08.01.2025 2225

Türkmenistanda her ýyl halkara derejeleri maslahatlar, forumlar we sergiler her ýyl ýokary guramaçylyk esasynda geçirilýär. "Halkara parahatçylyk we ynanyşmak ýyly" mynasybetli 2025-nji ýylda hem ýurdumyzda köpsanly forumlar, maslahatlar, sergiler guralar.
Türkmenistanyň Söwda-senagat edarasynyň saýtynda şu ýylyň dowamynda geçiriljek forumlaryň, maslahatlaryň we sergileriň meýilnamasy şulardan ybaratdyr:
— Türkmenistanyň diplomatik işgärleriniň güni mynasybetli dabaraly maslahat – 18-nji fewral;
— Türkmenistanyň Senagatçylar we telekeçiler birleşmesiniň döredilmeginiň 17 ýyllygy mynasybetli sergi we «Türkmenistanyň geljegine maýa goýumlar» atly hususy pudaga maýa goýumlaryny çekmek boýunça halkara forumy – 17-19-njy mart;
— Türkmenistanyň Senagatçylar we telekeçiler birleşmesiniň agzalarynyň maslahaty – 20-nji mart;
— Türkmenistanyň ykdysadyýetine daşary ýurt maýa goýumlaryny çekmek boýunça halkara forum – 23-24-nji aprel;
— «Halkara söwda we hyzmatlar» atly sergi-ýarmarka – 29-njy aprel – 1-nji maý;
— «Türkmenistanda halkara ülňülerine laýyk gelýän hil üpjünçiligi» atly halkara maslahaty – 29-30-njy aprel;
— «Ak şäher Aşgabat» atly XXIV köpugurly halkara sergisi – 24-25-nji maý;
— «Turkmentextile Expo-2025» atly halkara sergi-ýarmarkasy – 11-13-nji iýul;
— «Kids Expo: ähli zat çagalar üçin» halkara sergi-ýarmarkasy – 21-23-nji awgust;
— Türkmenistanyň Halkara maýa goýum forumy (TIF) we sergisi – 18-20-nji sentýabr;
— Türkmenistanyň Garaşsyzlygynyň 34 ýyllygy mynasybetli Türkmenistanyň ykdysady üstünlikleriniň sergisi – 18-20-nji sentýabr;
— «Türkmenistanyň gurluşyk, senagat, himiýa, energetika pudaklarynyň ösüşi» atly halkara sergisi we maslahaty – 3-5-nji oktýabr;
— «Saglygy goraýyş, bilim we sport Berkarar döwletiň täze eýýamynyň Galkynyşy döwründe» atly halkara sergisi we ylmy maslahaty – 10-12-nji oktýabr;
— «Türkmenistanyň nebiti we gazy – 2025» atly halkara maslahaty we sergisi – 22-24-nji oktýabr;
— Telearagatnaşyk, telemetriýa, habar beriş tilsimatlarynyň we teleradioýaýradyş enjamlarynyň «Türkmentel-2025» atly halkara sergisi we ylmy maslahaty – 12-14-nji noýabr;
— «Sanly çözgüt – 2025» atly innowasion taslamalaryň bäsleşigi – 14-nji noýabr;
— «Halkara ulag-üstaşyr geçelgeleri: özara arabaglanyşyk we ösüş-2025» atly halkara maslahaty we sergisi – 26-27-nji noýabr;
— Türkiýe Respublikasynyň eksport harytlarynyň sergisi – 3-5-nji dekabr.

Ýangyç-energetika toplumynda hyzmatdaşlyk, maýa goýumlar we syýahatçylyk - Türkmen-katar syýasy geňeşmeleriniň üns merkezinde
Doha şäherinde Türkmenistanyň we Katar Döwletiniň Daşary işler ministrlikleriniň arasynda geçirilen syýasy geňeşmelerde maýa goýumlar, syýahatçylyk, nebitgaz we energetika ulgamynda hyzmatdaşlyk ara alnyp maslahatlaşyldy diýip, Türkmenistanyň DIM-inde habar berdiler.

«Döwletabat» käninde gazy bökdençsiz ibermek üçin enjamlary abatlamak meýilleşdirilýär
Geçen anna güni geçirilen Hökümet mejlisiniň barşynda Ministrler Kabinetiniň Başlygynyň orunbasary Ş.Abdrahmanow “Türkmengaz” döwlet konserniniň gaz generatorlaryny düýpli abatlamak barada şertnama baglaşmagy hakynda” Kararyň taslamasy barada hasabat berdi.

BAE-niň wekiliýeti Türkmenistana saparynyň barşynda bilelikdäki işewürler geňeşini döretmek meselesini maslahatlaşar
Ýakyn wagtda Birleşen Arap Emirlikleriniň senagat we öňdebaryjy tehnologiýalar ministriniň ýolbaşçylygyndaky wekiliýet Türkmenistana geler. Bu barada anna güni geçirilen Hökümet mejlisiniň barşynda wise-premýer, daşary işler ministri Raşid Meredow habar berdi.

TESC 2024 halkara ylmy maslahaty ekologiýa we durnukly ösüş meselelerini çözmeklige ünsi çekýär
Ertir, 5-nji iýunda türkmen paýtagtynda “Uglewodorod känlerini işläp taýýarlamagyň energetika geljegi, täze tehnologiýalary we ekologiýa jähtleri” atly Halkara ylmy maslahat (TESC 2024) öz işine başlar. Maslahat jemgyýetçiligiň ünsüni ekologiýa we durnukly ösüş meselelerini çözmelige çekmeklige gönükdirilendir. Daşky gurşawy goramagyň halkara gününe bagyşlanyp geçirilýän duşuşyk onda ara alnyp maslahatlaşyljak temalaryň möhüm ähmiýetini nygtaýar.

«Daşoguzgazçykaryş» müdirligi sarp edijilere gazyň bökdençsiz iberilmegini üpjün edýär
«Türkmengaz» döwlet konserniniň «Daşoguzgazçykaryş» müdirliginiň gazçylary şu ýylyň dokuz aýyny üstünlikli jemlediler. Müdirligiň hünärmenleri içerki sarp edijilere bolşy ýaly, daşarky bazarlara hem gazyň bökdençsiz iberilmegini üpjün edýärler.