Gurbanguly Berdimuhamedow Antoniu Guterrişi Aşgabatdaky Halkara foruma çagyrdy
18:21 15.01.2025 1846
Türkmenistanyň Halk Maslahatynyň Başlygy Gurbanguly Berdimuhamedow BMG-niň Baş sekretary Antoniu Guterrişi şu ýylyň 12-nji dekabrynda Aşgabat şäherinde geçiriljek Halkara foruma gatnaşmaga çagyrdy.
Bu barada Gurbanguly Berdimuhamedowyň Antoniu Guterriş bilen geçiren telefon arkaly söhbetdeşliginde aýdyldy. Bu barada TDH habar berýär.
Şu ýyl biziň öňümizde Birleşen Milletler Guramasynyň Baş Assambleýasynyň «2025-nji ýyl — Halkara parahatçylyk we ynanyşmak ýyly» atly Kararnamasyny durmuşa geçirmäge gönükdirilen we Türkmenistanyň Bitaraplygynyň 30 ýyllygyna bagyşlanan çäreleriň giň gerimli maksatnamasyny amala aşyrmak wezipeleri durýar.
Halkara forumynyň geçirilmegi öňde boljak çäreleriň esasy wakasy bolar diýip, Gahryman Arkadagymyz aýtdy hem-de bu forumy şu ýylyň 12-nji dekabrynda Aşgabat şäherinde döwlet Baştutanlarynyň we halkara guramalaryň ýolbaşçylarynyň derejesinde guramagyň göz öňünde tutulýandygyny belledi. Şunuň bilen baglylykda, Milli Liderimiz BMG-niň Baş sekretaryny uly hormat bilen bu sammite gatnaşmaga çagyrdy.
Antoniu Guterriş 2025-nji ýylyň Türkmenistanda “Halkara parahatçylyk we ynanyşmak ýyly” diýlip yglan edilmeginiň ähmiýetini belläp, şu ýylyň Türkmenistanyň hemişelik Bitaraplygynyň 30 ýyllygyna hem-de BMG-niň döredilmeginiň 80 ýyllygyna beslenýändigini aýtdy. Şunuň bilen baglylykda, Baş sekretar BMG-niň düzüm birlikleriniň Türkmenistan tarapyndan guraljak halkara çärelere işjeň gatnaşjakdyklaryny belledi.
Türkmen halkynyň Milli Lideri ýurdumyzyň Milletler Bileleşigi bilen ýakyndan hyzmatdaşlyk etmäge taýýardygyny ýene-de bir gezek tassyklady hem-de Bitarap Türkmenistanyň Birleşen Milletler Guramasynyň ynamdar hyzmatdaşy we pikirdeşi, sebitde hem-de dünýäde onuň ygtybarly daýanjy bolandygyny, bolýandygyny we şeýle bolmagynda-da galjakdygyny belledi.
Biz bu garaýşyň aýdyň tassyknamasy hökmünde Türkmenistanda geçiriljek halkara duşuşyklarda we çärelerde öz milli baýdagymyz bilen bir hatarda, Birleşen Milletler Guramasynyň baýdagynyň hem goýulmagyny isleýäris. Biziň üçin bu buýsanjyň alamaty, Bitarap Türkmenistanyň we Birleşen Milletler Guramasynyň garaýyşlarynyň we maksatlarynyň bitewüliginiň nyşany bolar diýip, Gahryman Arkadagymyz nygtady.
Söhbetdeşligiň ahyrynda türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedow we Birleşen Milletler Guramasynyň Baş sekretary Antoniu Guterriş Türkmenistan bilen BMG-niň arasyndaky strategik hyzmatdaşlygyň sebitde we dünýäde parahatçylygyň, durnukly ösüşiň bähbidine mundan beýläk-de ösdüriljekdigine ynam bildirip, birek-birege iň gowy arzuwlaryny beýan etdiler.
Täjigistan Türkmenistandan alýan suwuklandyrylan gazynyň importyny artdyrmagy meýilleşdirýär
Häzirki wagta çenli suwuklandyrylan gazy, esasan, Gazagystandan we Russiýadan import edip gelen Täjigistan onuň gerimini giňeltmek kararyna geldi diýip, Respublikanyň energetika we suw serişdeleri ministri Juma Daler metbugat maslahatynda aýtdy. Bu barada Interfaks habar berýär.
Aşgabatda Hazar deňziniň meseleleri boýunça türkmen-eýran geňeşmeleri geçirildi
Aşgabatda Hazar deňziniň meseleleri boýunça ikitaraplaýyn türkmen-eýran geňeşmeleri geçirildi diýip, 9-njy aprelde Türkmenistanyň DIM-nde habar berdiler.
TEIF 2025 halkara forumynda durnukly geljegi gurmakda arassa energiýanyň orny maslahatlaşylar
2025-nji ýylyň 23–24-nji aprelinde Malaýziýanyň Kuala-Lumpur şäherinde geçiriljek Türkmenistanyň ykdysadyýetine daşary ýurt maýa goýumlaryny çekmek boýunça halkara forum (TEIF 2025) özara bähbitli halkara hyzmatdaşlygyny ösdürmekde möhüm waka öwrüler.
Türkmenistanyň wise-premýeri BSG-niň Baş direktory bilen gurama goşulmak meselelerini maslahatlaşdy
9-njy aprelde Ženewa amala aşyrylan saparyň çäginde Türkmenistanyň wise-premýeri Hojamyrat Geldimyradow Bütindünýä söwda guramasynyň (BSG) Baş direktory Ngozi Okonjo-Iweala bilen duşuşdy diýip, Türkmenistanyň DIM-i habar berýär.
«Daşoguzgazüpjünçilik» «mawy ýangyjyň» netijeli ulanylmagyny üpjün edýär
«Daşoguzgazüpjünçilik» müdirliginiň gazçylary ýurdumyzyň demirgazyk welaýatynyň sarp edijileriniň ygtybarly hem üznüksiz gaz üpjünçiligini dowam edýärler. Ýokary hünär taýýarlykly hünärmenler ýyladyş möwsüminde welaýatyň gaz paýlaýjy ulgamynyň durnukly hereket etmegini üpjün edýärler.