Türkmenistan we Hytaý ählitaraplaýyn strategiki hyzmatdaşlygy ösdürmegi meýilleşdirýär
15:34 16.01.2025 3935
15-nji ýanwarda Aşgabatda Türkmenistanyň daşary işler Ministri Raşid Meredow bilen Hytaý Halk Respublikasynyň daşary işler Ministriniň kömekçisi Lýu Biniň arasynda geçirilen duşuşykda hemmetaraplaýyn strategiki we uzakmöhletleýin häsiýete eýe bolan netijeli ösýän ikitaraplaýyn gatnaşyklaryň meseleleriniň giň toplumyna garaldy. Bu barada Türkmenistanyň Daşary syýasat edarasynyň saýtynda habar berilýär.
Iki döwletiň baştutanlarynyň arasynda emele gelen ynanyşmagyň hem-de dostlugyň ýokary derejesi döwletara gatnaşyklary ösdürmek üçin amatly şertleri döredýär.
Nygtalyşy ýaly, Türkmenistan bilen Hytaý halkara we sebit guramalarynyň, ilkinji nobatda, BMG-niň çäklerinde üstünlikli hyzmatdaşlygy alyp barýarlar. “Merkezi Aziýa – Hytaý” formatyndaky döwletara gatnaşyklara uly ähmiýet berilýändigi bellenildi.
Şunuň bilen birlikde, parlamentleriň we partiýalaryň arasyndaky hyzmatdaşlyk işjeňleşdirilýär, sebitleriň arasyndaky gatnaşyklar hem täze netijeli badalga gazandy.
Diplomatlar söwda-ykdysady ugurda netijeli hyzmatdaşlygyň alnyp barylýandygyny bellediler, energetika, ulag-aragatnaşyk arabaglanyşygy we medeni-ynsanperwer ugurlar boýunça bilelikdäki işleriň gidişini seljerdiler.
Taraplar iki dostlukly ýurtlaryň we halklaryň milli bähbitlerine we ösüşiň ileri tutulýan ugurlaryna laýyk gelýän netijeli gatnaşyklary dowam etdirmäge taýýardyklaryny mälim etdiler.
Şol gün Türkmenistanyň DIM-de Türkmenistan bilen Hytaý Halk Respublikasynyň daşary syýasat edaralarynyň arasynda syýasy geňeşmeler geçirildi. Geňeşmeleriň barşynda syýasy-diplomatik gatnaşyklary, söwda-ykdysady we medeni-ynsanperwer ulgamyndaky hyzmatdaşlygy nazara almak bilen, ikitaraplaýyn gün tertibiniň ähli möhüm ugurlary barada we olary amaly mazmun bilen baýlaşdyrmak dogrusynda gyzyklanma bildirilip pikir alşyldy.
Daşary syýasat edaralarynyň ugry boýunça alnyp barylýan özara gatnaşyklar babatynda diplomatlar geçen ýylyň noýabrynda Çendu şäherinde gol çekilen Türkmenistanyň Daşary işler ministrligi bilen Hytaý Halk Respublikasynyň Daşary işler ministrliginiň arasynda 2025-2026-njy ýyllar üçin Hyzmatdaşlyk etmek hakynda Ähtnamanyň iş ýüzünde durmuşa geçirilmegi bilen bagly meselelere garadylar.
Söhbetdeşler Hyzmatdaşlyk boýunça türkmen-hytaý hökümetara toparynyň işiniň durnukly we uzakmöhletleýin häsiýete eýe bolan türkmen-hytaý gatnaşyklarynyň möhüm guraly bolup çykyş edýändigi bilen ylalaşdylar.
Duşuşykda söwda-ykdysady gatnaşyklary giňeltmek meselelerine aýratyn üns berildi. Bellenilşi ýaly, köp ýyllardan bäri Hytaý Türkmenistanyň iň iri daşary ykdysady hyzmatdaşy bolup durýar.
Serdar Berdimuhamedow ulag ulgamynda BMG-niň howandarlygynda täze halkara başlangyçlary öňe sürdi
Türkmenistanyň Prezidenti Serdar Berdimuhamedow deňze çykalgasy bolmadyk döwletler üçin ulag ulgamynda BMG-niň howandarlygynda täze halkara başlangyçlaryny öňe sürdi. Bu barada döwlet Baştutany 15-nji awgustda Hazar deňziniň türkmen kenarynda «Awaza» milli syýahatçylyk zolagynda açylan Deňze çykalgasy bolmadyk ösüp barýan döwletleriň ulag ministrleriniň derejesindäki Halkara maslahatyna iberen wideoýüzlenmesinde belledi.
Gazagystanyň Prezidenti Aşgabatda halkara forumyna gatnaşjakdygyny tassyklady
Gazagystan Respublikasynyň Prezidenti Kasym-Žomart Tokaýew 12-nji dekabrda Aşgabatda geçirilmegi meýilleşdirilýän halkara parahatçylyk we ynanyşmak forumyna gatnşajakdygyny tassyklady. Bu barada Gazagystanyň Prezidentiniň Türkmenistanyň Halk Maslahatynyň Başlygy Gurbanguly Berdimuhamedowa iberen hatynda bellenilýär.
Birža söwdalarynda Türkiýeden we Owganystandan gelen işewürler suwuklandyrylan gaz, awiakerosin satyn aldylar
Geçen hepdede Türkmenistanyň Döwlet haryt-çig mal biržasynyň söwdalarynda geleşikleriň 11-si hasaba alyndy.
Türkmenistan BAE-niň öňdebaryjy nebitgaz kompaniýalary bilen hyzmatdaşlyk etmäge taýýar
Türkmenistan BAE-niň öňdebaryjy nebitgaz kompaniýalary bilen hyzmatdaşlyk etmäge taýýar. Bu barada 15-16-njy awgustda Awazada geçirilen ulag forumynyň çäginde Türkmenistan Ministrler Kabinetiniň Başlygynyň Orunbasary, Daşary işler ministri Raşid Meredow bilen Birleşen Arap Emirlikleriniň Energetika we infrastruktura ministri Suheil Al-Mazruiniň arasynda geçirilen duşuşykda bellenildi.
Türkmenistanyň Prezidenti: geljek ulag gatnaşyklarynyň utgaşdyrylan ulgamynda
Geljek ulag gatnaşyklarynyň utgaşdyrylan ulgamynda. Bu barada Prezident Serdar Berdimuhamedow «Awaza» milli syýahatçylyk zolagynda geçirilýän deňze çykalgasy bolmadyk ösüp barýan döwletleriň ulag ministrleriniň derejesindäki halkara maslahatda eden çykyşynda belledi.