«Oguzhan» hokkeý boýunça milli çempionaty netijeli tamamlady
06:01 17.01.2025 3358
Geçen hepdede Türkmenistanyň hokkeý boýunça 10-njy milli çempionaty tamamlandy. Çempionatda öň 9 gezek öňdeligi eýelemegiň hötdesinden gelen «Galkan» hokkeý topary bu sapar hem ýaryşy iň ýokary netije bilen jemledi we çempionlyk derejesini 10-njy gezek ynamly ýeňişleri bilen özünde saklamagy başardy. Milli çempionatyň medallary üçin «Şir», «Oguzhan», «Nesil», «Watançy» we «Merdana» toparlary hem bäsleşdi.
«Türkmengaz» döwlet konserniniň «Türkmengazawtomatika» müdirliginiň «Oguzhan» hokkeý kluby hem Türkmenistanyň güýçli hokkeýçilerini özünde jemleýär. «Oguzhanyň» ussat türgenleri bu çempionatda hem netijeli çykyş etdi. 14-nji ýanwarda «Galkan» gyşky oýunlar sport toplumynda şu çempionatyň soňky duşuşygynda «Oguzhan» bilen Türkmenistanyň Içeri işler ministrliginiň institutynyň «Nesil» hokkeý topary buzly meýdança çykdy. Nebitgaz toplumynyň topary turuwbaşdan oýna güýçli girişdi we duşuşygyň ahyryna çenli ýokary depgini gowşatmady. Netijede, «Oguzhan» garşydaşy «Nesilden» 8:3 hasabynda üstün çykdy. Bu ynamly ýeňiş Arslan Baýramgulyýewiň tälim berýän «Oguzhan» toparynyň hokkeý boýunça milli çempionatda 2-nji orny eýelemegini şertlendirdi.
«Oguzhan» hokkeý klubunyň başlygynyň orunbasary Döwlet Nazarowyň gürrüň bermegine görä, milli çempionatyň duşuşyklarynyň dowamynda derwezeçi Muhammetkerim Atamyradow, goragçylar Mämmet Myradow, Ewald Gaýer, hüjümçiler Tirkiş Kurbaşiýew, Sultanhamit Wahitow dagy aýratyn ussatlygy bilen tapawutlandy.
Serdar Berdimuhamedow ulag ulgamynda BMG-niň howandarlygynda täze halkara başlangyçlary öňe sürdi
Türkmenistanyň Prezidenti Serdar Berdimuhamedow deňze çykalgasy bolmadyk döwletler üçin ulag ulgamynda BMG-niň howandarlygynda täze halkara başlangyçlaryny öňe sürdi. Bu barada döwlet Baştutany 15-nji awgustda Hazar deňziniň türkmen kenarynda «Awaza» milli syýahatçylyk zolagynda açylan Deňze çykalgasy bolmadyk ösüp barýan döwletleriň ulag ministrleriniň derejesindäki Halkara maslahatyna iberen wideoýüzlenmesinde belledi.
Türkmenistanyň Prezidenti nebiti gaýtadan işleýän zawodlaryň önümçilik kuwwatyny netijeli peýdalanmak boýunça teklibi goldady
28-nji fewralda Prezident Serdar Berdimuhamedow sanly ulgam arkaly Ministrler Kabinetiniň nobatdaky mejlisini geçirdi. Onda ýurdumyzyň durmuşyna degişli birnäçe meselelere seredildi diýip, TDH habar berýär.
Gazagystanyň Prezidenti Aşgabatda halkara forumyna gatnaşjakdygyny tassyklady
Gazagystan Respublikasynyň Prezidenti Kasym-Žomart Tokaýew 12-nji dekabrda Aşgabatda geçirilmegi meýilleşdirilýän halkara parahatçylyk we ynanyşmak forumyna gatnşajakdygyny tassyklady. Bu barada Gazagystanyň Prezidentiniň Türkmenistanyň Halk Maslahatynyň Başlygy Gurbanguly Berdimuhamedowa iberen hatynda bellenilýär.
Türkmenistan BAE-niň öňdebaryjy nebitgaz kompaniýalary bilen hyzmatdaşlyk etmäge taýýar
Türkmenistan BAE-niň öňdebaryjy nebitgaz kompaniýalary bilen hyzmatdaşlyk etmäge taýýar. Bu barada 15-16-njy awgustda Awazada geçirilen ulag forumynyň çäginde Türkmenistan Ministrler Kabinetiniň Başlygynyň Orunbasary, Daşary işler ministri Raşid Meredow bilen Birleşen Arap Emirlikleriniň Energetika we infrastruktura ministri Suheil Al-Mazruiniň arasynda geçirilen duşuşykda bellenildi.
Türkmenistanyň Prezidenti: geljek ulag gatnaşyklarynyň utgaşdyrylan ulgamynda
Geljek ulag gatnaşyklarynyň utgaşdyrylan ulgamynda. Bu barada Prezident Serdar Berdimuhamedow «Awaza» milli syýahatçylyk zolagynda geçirilýän deňze çykalgasy bolmadyk ösüp barýan döwletleriň ulag ministrleriniň derejesindäki halkara maslahatda eden çykyşynda belledi.