Gazagystanyň Prezidenti we Türkmenistanyň DIM-niň ýolbaşçysy döwletara hyzmatdaşlygynyň ileri tutulýan ugurlaryny maslahatlaşdylar
12:41 05.02.2025 2921
4-nji fewralda Astana amala aşyran saparynyň çäklerinde Türkmenistanyň wise-premýeri, daşary işler ministri Raşid Meredow Gazagystanyň Prezidenti Kasym-Jomart Tokaýew tarapyndan kabul edildi. Bu barada ýurdumyzyň DIM-nde habar berdiler.
Duşuşygyň barşynda taraplar iki ýurduň arasynda syýasy, söwda-ykdysady we medeni-ynsanperwer hyzmatdaşlygyň mundan beýläk-de ösdürilmegi barada pikir alyşdylar hem-de energetika we ulag pudagynda ozal gazanylan ylalașyklaryň durmuşa geçirilmeginiň barşyny ara alyp maslahatlaşdylar.
R.Meredow Türkmenistanyň Prezidenti Serdar Berdimuhamedowyň we türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedowyň Gazagystanyň Prezidentiniň adyna ýollanan mähirli salamyny ýetirdi.
Gazagystanyň Baştutany Türkmenistanyň ýolbaşçylygyna minnetdarlygyny bildirdi we öz gezeginde mähirli salamyny ýetirmegi haýyş etdi. Şeýle hem, Gazagystanyň Prezidenti Türkmenistanyň Bitaraplygynyň 30 ýyllygynyň ähmiýetini belläp, ýurdy Halkara parahatçylyk we ynanyşmak ýylynyň başlanmagy bilen gutlady.
Prezident Kasym-Jomart Tokaýew ähli ugurlar boýunça dostluk, hoşniýetli goňşuçylyk we strategiki hyzmatdaşlyga esaslanýan gazak-türkmen gatnaşyklarynyň ösüş derejesine ýokary baha berdi. Şeýle hem, Gazagystanyň Türkmenistanyň halkara başlangyçlaryny durmuşa geçirmäge güýçli goldaw bermegi dowam etdirmäge meýillidigini beýan edildi.
Türk kompaniýasy Türkmenistanda täze gaz gysyjy desgasyny gurar
Türkmenistanyň Prezidentiniň gol çeken Kararyna laýyklykda, “Türkmengaz” döwlet konsernine Mary welaýatynda “Şatlyk-1” gaz gysyjy desgasynyň taslamasyny düzmek, ony gurmak, zerur enjamlar bilen üpjün etmek we goýberiş-sazlaýyş işlerini ýerine ýetirmek barada Türkiýe Respublikasynyň “Çalik Enerji Sanayi ve Ticaret A.Ş.” kompaniýasy bilen şertnama baglaşmaga ygtyýar berildi diýip, TDH habar berýär.
GDA-nyň Synçylar wekilligi Türkmenistanda Prezident saýlawlaryna taýýarlyga syn etmek boýunça öz işine başlady
Türkmenistanda Garaşsyz Döwletleriň Arkalaşygynyň Synçylar wekilligi öz işine başlady. Onuň agzalary Türkmenistanyň Prezidentiniň 12-nji martda geçiriljek saýlawlary bilen baglylykda, türkmen tarapynyň çagyrmagy boýunça paýtagtymyza geldi diýip, Türkmenistanyň Döwlet habarlar agentligi habar berýär.
Nebitgaz toplumynyň önümleri birža söwdalarynda öňdeligi eýeledi
Geçen hepdede Türkmenistanyň Döwlet haryt-çig mal biržasynyň söwdalarynda geleşikleriň 20-si hasaba alyndy.
“Türkmennebit” DK-nyň “Nebitgazçykaryş” tresti 2025-nji ýylyň başyndan bäri 1,2 mln tonnadan gowrak nebit çykardy
2025-nji ýylyň başyndan bäri “Türkmennebit” döwlet konserniniň “Nebitgazçykaryş” tresti tarapyndan 1 million 278 müň 817 tonna “gara altyn” çykaryldy. Bu görkezijide “Nebitgazburawlaýyş” trestiniň burawçylarynyň zähmeti möhüm orun eýeleýär. Olar ýylyň başyndan bäri jemi 57 müň 246 metr önümçilik, şeýle-de 16 müň 51 metr gözleg guýularyny burawladylar.
Ýurdumyzda Prezident saýlawlaryna uly gyzyklanma bildirilýär
«Halkyň Arkadagly zamanasy» diýlip yglan edilen ýylyň ilkinji aýlarynda Türkmenistanyň Prezidentiniň saýlawlary boýunça möhüm jemgyýetçilik-syýasy çäre açyklyk, aýdyňlyk, demokratik we giň bäsdeşlik esasynda geçirilýär. Häzirki wagtda onuň birinji tapgyry — ýokary döwlet wezipesine dalaşgärleri hödürlemek we bellige almak tamamlandy.