Aşgabatda IFT 2025 halkara forumynda Türkmenistanyň geljegine maýa goýumlar maslahatlaşylar
15:44 20.02.2025 3443
18-nji martda "Türkmenistanyň geljegine maýa goýumlar" (IFT–2025) atly hususy pudaga maýa goýumlaryny çekmek boýunça forum geçiriler. Türkmenistanyň Senagatçylar we telekeçiler birleşmesi, Türkmenistanyň Söwda-senagat edarasy hem-de «ТМТ Consulting Group» hojalyk jemgyýeti tarapyndan guralýan forum maýadarlary, telekeçileri we döwlet edaralarynyň wekillerini birleşdirer.
Guramaçylaryň habar bermegine görä, häzirki wagtda foruma gatnaşmak üçin 21 döwlete wekilçilik edýän 100-den gowrak wekil ýüz tutdy.
IFT–2025 gatnaşyjy kompaniýalara geljegi uly taslamalary görkezmäge, ygtybarly hyzmatdaşlary tapmaga we forumyň meýdançalarynda sebitleýin işewürligi ösdürmek strategiýalaryny ara alyp maslahatlaşmaga mümkinçilik berer.
Forumyň çäklerinde öňdebaryjy ykdysadyýetçileriň, işewürler dünýäsiniň we döwlet edaralarynyň wekilleriniň gatnaşmagynda panel ara alyp maslahatlaşmalary, ýurduň esasy ykdysady pudaklarynda maýa goýum mümkinçilikleriniň tanyşdyrylyşy hem-de halkara hyzmatdaşlygy pugtalandyrmaga ýardam berýän networking sessiýalary geçiriler.
Forumyň çäginde görkezilen taslamalar IFT–2025-iň resmi saýtynda hem ýerleşdiriler.
Forum barada has giňişleýin maglumaty resmi saýtynda alyp bolar: www.ift.com.tm
Dünýä boýunça nebit ibermeleri iýul aýynda pandemiýadan soňky iň ýokary çägine ýetdi - HEA
OPEC+ ýurtlary tarapyndan nebit çykarylyşynyň artmagy, şeýle hem birnäçe sebitlerde tehniki hyzmat senagatynyň düýpli dikeldilmegi netijesinde dünýä boýunçe nebit ibermeleri iýul aýynda pandemiýadan soňky iň ýokary çägine ýetdi diýip, Interfaks Halkara energetika agentliginiň her aýlyk hasabatyna salgylanyp habar berýär.
Ýewropada gazyň spotlaýyn bahasy müň kub metrine 2300 dollardan geçdi
Ýewropada gazyň spotlaýyn bahasy müň kub metrine 2300 dollardan geçdi. ICE Futures biržasynda TTF üçin golaýdaky fýuçersiň bahasy penşenbe güni irden müň kub metri üçin 2311 dollara ýetdi, şol bir wagtyň özünde söwdalaşyklar 2200 dollardan başlandy diýip, Interfaks habar berýär.
«Türkmennebit» DK ugurdaş gazyň köpçülikleýin ýitgisini azaltmaga ýykgyn edýär
«Türkmennebit» döwlet konserni Türkmenistanyň Lebap, Mary we Balkan welaýatlarynda nebit guýularyndan ugurdaş gazlaryny toplap, onuň köpçülikleýin ýitgisiniň öňüni almak ugrunda iş alyp barýar.
Brend nebiti 99,11 dollara çenli arzanlady
Deslapky günüň söwdalaşyklarynda ynamly ösüşden soň, anna güni söwdalaryň barşynda nebitiň bahalary aşaklaýar diýip, Interfaks habar berýär.
Türkmenistanyň wekiliýeti Tokioda energetika we beýleki ugurlarda täze taslamalary durmuşa geçirmek meselelerini maslahatlaşdy
Türkmenistanyň Döwlet daşary ykdysady iş bankynyň müdiriýetiniň başlygy R.Jepbarowyň ýolbaşçylygyndaky türkmen wekiliýeti 17-19-njy fewral aralygynda Ýaponiýanyň Tokio şäherine iş saparyny amala aşyrdy. Bu barada Türkmenistanyň DIM-niň metbugat gullugy habar berdi.