Türkmenistanyň we Bütindünýä bankynyň wekilleri hyzmatdaşlygy giňeltmegiň geljegini maslahatlaşdylar
11:55 28.02.2025 3703
27-nji fewralda Türkmenistanyň Maliýe we ykdysadyýet ministrliginde Bütindünýä bankynyň wise-prezidenti Antonella Bassani bilen geçirilen duşuşykda özara bähbitli hyzmatdaşlygy giňeltmegiň mümkinçilikleri ara alnyp maslahatlaşyldy. Duşuşyga şeýle hem Bütindünýä bankynyň sebit direktorlary we Halkara maliýe korporasiýasynyň wekilleri gatnaşdy diýip, ministrlik habar berýär.
Duşuşygyň gün tertibinde Türkmenistanyň we Bütindünýä banky toparynyň arasyndaky hyzmatdaşlygy giňeltmegiň ýollary girizildi. Geçirilen pikir alyşmalaryň dowamynda taraplar Türkmenistan üçin ileri tutulýan ugurlar boýunça bilelikdäki taslamalary durmuşa geçirmegiň indiki tapgyrlaryny kesgitlediler.
Bütindünýä banky Türkmenistanyň ykdysadyýetini diwersifikasiýalaşdyrmaga we strategiýa taýdan möhüm maksatlara ýetmäge gönükdirilen ykdysady özgertmelerini goldamaga taýýardygyny mälim etdi.
Türkmenistanyň maliýe we ykdysadyýet ministri Mämmetguly Astanagulyýewiň belleýşi ýaly, Bütindünýä banky bilen üstünlikli hyzmatdaşlyk ýurdumyzda uzak möhletli maksatnamalaryň amala aşyrylmagynda möhüm faktor bolup durýar. Ol durnukly we inklýuziw ösüşi üpjün etmek üçin hyzmatdaşlygy mundan beýläk-de pugtalandyrmaga taýýardygyny tassyklady.
Merkezi saýlaw topary Türkmenistanda Prezidenti wezipesine dalaşgärleri bellige almak çäresini tamamlady
Türkmenistanda iň ýokary döwlet wezipesine dalaşgärleri bellige almak çäresi tamamlandy. Dalaşgärleri hödürlemek hem-de bellige almak çäresi tamamlanandan soň, iň ýokary döwlet wezipesine hödürlenen dalaşgärler bilen saýlawçylaryň duşuşyklary geçirilýär. Bu barada Türkmenistanda Saýlawlary we sala salşyklary geçirmek boýunça merkezi toparyň saýtynda habar berilýär.
Nebit we nebit önümleri daşary ýurtlara ýüklenip iberilende ýük amallaryny geçirmek boýunça düzgünleri kämilleşdirmek işleri maslahatlaşyldy
29-njy maýda Prezident Serdar Berdimuhamedow sanly ulgam arkaly Ministrler Kabinetiniň nobatdaky mejlisini geçirdi. Onda ýurdumyzyň döwlet durmuşyna degişli birnäçe meselelere seredildi diýip, TDH habar berýär.
Türkmenistanyň Prezidenti Astanada “Merkezi Aziýa — Italiýa” formatyndaky birinji sammite gatnaşar
Prezident Serdar Berdimuhamedow 30-njy maýda Astanada geçiriljek “Merkezi Aziýa — Italiýa” formatyndaky döwlet Baştutanlarynyň birinji sammitine gatnaşar. Şunuň bilen baglylykda, Türkmenistanyň Prezidentiniň Gazagystan Respublikasynyň Astana şäherine iş saparyna görülýän taýýarlyk barada wise-premýer, daşary işler ministri R.Meredow Hökümet mejlisinde hasabat berdi. Bu barada TDH habar berýär.
Russiýanyň we Türkmenistanyň DIM-niň ýolbaşçylary Türkmenistanda geçiriljek VI Hazar sammitiniň gün tertibini maslahatlaşdylar
22-nji fewralda Türkmenistanyň Ministrler Kabinetiniň Başlygynyň Orunbasary, Daşary işler ministri R.Meredow Russiýa Federasiýasyna resmi saparynyň çäklerinde rus kärdeşli Sergeý Lawrow bilen 2022-nji ýylda Türkmenistanda geçiriljek VI Hazar sammitiniö gün tertibini maslahatlaşdylar.
Lebap welaýatynyň saýlawçylary Türkmenistanyň Prezidentligine Demokratik partiýadan dalaşgär bilen duşuşdylar
Çarşenbe güni Lebap welaýat häkimliginiň maslahatlar zalynda Demokratik partiýa tarapyndan Türkmenistanyň Prezidenti wezipesine dalaşgär hödürlenen Ministrler Kabinetiniň Başlygynyň orunbasary Serdar Berdimuhamedow bilen saýlawçylaryň duşuşygy boldy. Bu barada Türkmenistanyň Döwlet habarlar agentligi habar berýär.