Hyundai Engineering – TEIF 2025 Halkara forumynyň kümüş hyzmatdaşy
05:34 15.03.2025 2853
Türkmenistanyň ykdysadyýetini diwersifikasiýalaşdyrmak we dünýä ykdysadyýetine integrasiýa bolmak ugrunda TEIF 2025 halkara maýa goýum forumy halkara hyzmatdaşlygy üçin möhüm meýdança bolup durýar.
2025-nji ýylyň 23-24-nji aprelinde Malaýziýanyň Kuala-Lumpur şäherinde geçiriljek bu abraýly foruma maýadarlar, pudak ýolbaşçylary we syýasatçylar gatnaşyp, Türkmenistanyň ykdysadyýetiniň mümkinçiliklerini ara alyp maslahatlaşarlar. TEIF 2025 forumynyň hyzmatdaşlarynyň arasynda Hyundai Engineering Co., Ltd. kompaniýasy hem bolup, ol forumyň kümüş hyzmatdaşy hökmünde çykyş edip, Türkmenistanyň senagat ösüşine ygrarlydygyny görkezýär.
Hyundai Engineering Türkmenistanda iri taslamalary durmuşa geçirmekde möhüm orny eýeleýär, esasan-da, energetika infrastrukturasynyň ösdürilmeginde öňdebaryjy kompaniýalaryň biridir.
Şeýle iri taslamalaryň biri hem dünýäniň iň uly gaz känlerinden biri bolan “Galkynyş” gaz känidir. Hyundai Engineering bu ýerde döwrebap gaz arassalaýjy zawodyň gurluşygyna ýolbaşçylyk etdi. Taslama 2013-nji ýylda «Türkmengaz» döwlet konserni we halkara hyzmatdaşlar bilen üstünlikli tamamlandy. Bu taslama Türkmenistanyň gazy gaýtadan işleýiş mümkinçiliklerini ep-esli artdyrdy we ýurdumyzyň energiýa üpjünçiligindäki ornuny güýçlendirdi.
Hyundai Engineering, şeýle hem, Türkmenistanyň nebiti gaýtadan işleýän pudagynyň döwrebaplaşdyrylmagyna uly goşant goşdy.
LG International Corporation bilen hyzmatdaşlykda kompaniýa Türkmenbaşynyň nebiti gaýtadan işleýän zawodlar toplumynyň döwrebaplaşdyrylmagyna gatnaşyp, önümçilik netijeliligini ýokarlandyrmak üçin öňdebaryjy tehnologiýalary ornaşdyrdy.
Kompaniýanyň innowasion we durnukly ösüşe bolan ygrarlylygynyň aýdyň mysallarynyň biri hem Hazar deňziniň kenaryndaky Gyýanly nebithimiýa toplumydyr.
Bahasy ABŞ-nyň 3,4 milliard dollary möçberinde boolan bu taslama «Türkmengaz» DK, LG International Corporation we Ýaponiýanyň TOYO Engineering Corporation bilen bilelikde amala aşyryldy. Ol polietilen we polipropilen öndürmek üçin niýetlenendir. Taslama heniz tamamlanmazdan ozal, 2014-nji ýylda Britaniýanyň TXF guramasy tarapyndan Ýewropa we Ýewraziýanyň iň ekologiýa taýdan arassa senagat taslamalarynyň onlugyna girizildi.
Hyundai Engineering Türkmenistanda diňe infrastruktura taslamalary bilen çäklenmän, ýerli hünärmenleri taýýarlamak meselelerine hem uly üns berýär.
Gyýanly nebithimiýa toplumynda döredilen okuw merkezi arkaly 100-den gowrak hünärmen taýýarlandy. Olar Türkmenistanyň senagat pudagynyň ösmegine öz goşantlaryny goşýarlar.
TEIF 2025 forumyna 400-den gowrak myhmanlaryň, şol sanda 21 ýurtdan 130 wekiliň gatnaşmagyna garaşylýar. Hyundai Engineering forumyň kümüş hyzmatdaşy hökmünde çykyş edip, Türkmenistanyň ykdysadyýeti we tehnologiýalarynyň ösüşine ygrarlylygyny tassyklaýar.
Goşmaça maglumat we hasaba alyş işleri www.teif-turkmenistan.com web sahypasynda elýeterlidir.
Mohammed Barkindo: erkin çykaryş kuwwatlyklary taryhda iň pes ýagdaýda, syýasy çözgütler zerur
Gazylyp alynýan ýangyçdan el çekmäge çagyryşyň netijesinde pudaga doly maýa goýmazlyk zerarly 62 ýyllyk taryhyň dowamynda OPEC ýurtlarynyň erkin çykaryş kuwwatlyklary iň pes ýagdaýda, bazarda nebit ýetmezçiliginiň meselesini çözmek üçin syýasy çözgütler zerur. Bu barada OPEC-iň Baş sekretary Mohammed Barkindo 5-nji iýulda Nigeriýadan geçen maslahatyň açylyşynda eden çykyşynda belledi. Görlüp oturylsa, bu Mohammed Barkindonyň köpçüligiň öňünde iň soňky çykyşy boldy. Ol şol gün gije aradan çykdy.
«Halkara ulag-üstaşyr geçelgeleri: özara baglanyşyklylyk we ösüş» Halkara maslahaty 18-20-nji iýulda geçiriler
18-20-nji iýulda Aşgabatda «Halkara ulag-üstaşyr geçelgeleri: özara baglanyşyklylyk we ösüş» Halkara maslahaty geçiriler. Forumyň maksady pandemiýadan soňky dikeldiş boýunça ileri tutulýan meseleleri maslahatlaşmak, halkara daşamalar ulgamynda täze şertlere uýgunlaşmak we netijeli halkara ulag-üstaşyr geçelgelerini ösdürmek bolup durýar.
Energetika hyzmatdaşlygyny ösdürmek — Azerbaýjanyň wekiliýeti bilen duşuşygyň üns merkezinde
Çarşenbe güni Türkmenistanyň Daşary işler ministrliginiň binasynda wise-premýer, Türkmenistanyň Daşary işler ministri Raşid Meredowyň Aşgabada iş sapary bilen gelen Azerbaýjan Respublikasynyň Ykdysadyýet ministri Mikail Jabbarowyň baştutanlygyndaky wekilýet bilen duşuşygynda energetika ulgamynda ikitaraplaýyn hyzmatdaşlygy ösdürmegiň mümkinçilikleri ara alnyp maslahatlaşyldy. Bu barada Türkmenistanyň daşary syýasat edarasynyň saýty habar berýär.
Türkmenistanyň DIM-niň ýolbaşçysy Eýranyň energetika ministri bilen energetika we gaz pudagynda hyzmatdaşlygy maslahatlaşdy
Türkmenistanyň Daşary işler ministrliginde Raşid Meredow bilen Eýranyň Energetika ministri Abbas Aliabadiniň arasynda geçirilen duşuşykda energetika we gaz pudaklarynda ikitaraplaýyn hyzmatdaşlygyň meseleleri maslahatlaşyldy diýip, türkmen daşary syýasat edarasynyň saýtynda habar berilýär.
ABŞ daşary ýurtlara strategiki ätiýaçlygyndan nebit iberýär - HBS
Şu ýylyň iýun aýynda ABŞ strategiki nebit gorundan 5 mln töweregi nebit eksport etdi diýip, habar beriş serişdeleri gümrük statistikasynyň we çeşmeleriň maglumatlaryna esaslanyp habar berýär. Interfaksyň amerikan gümrükhanasynyň maglumatlaryn esaslanyp, habar bermegine görä, 470 müň barrel nebit Italiýanyň Triestine Tehasdaky ammardan iberildi. Triestden Merkezi Ýewropadaky nebiti gaýtadan işleýän zawodlara nebiti ýetirýän turba geçiriji geçýär.