Türkmenistanyň paýtagtynda hususy pudagyň gazananlaryna bagyşlanan sergi geçirilýär
06:08 18.03.2025 5756
17-nji martda Aşgabatda Türkmenistanyň Senagatçylar we Telekeçiler birleşmesiniň döredilmeginiň 17 ýyllygyna bagyşlanan serginiň dabaraly açylyşy boldy. Bu çäre TSTB, Söwda-senagat edarasy we «TMT Consulting Group» kompaniýanyň guramagynda geçirilip, ýurdumyzdaky hususy sektor gazananlaryny görkezmek we maýa goýumlary çekmek üçin möhüm meýdança öwrüldi.
Türkmenistanyň Söwda-senagat edarasynyň sergi zalynda gurnalan sergä Hytaýdan, Türkiýeden, Azerbaýjandan, Gazagystandan, Russiýadan, Germaniýadan we beýleki ýurtlardan jemi 200-e golaý kompaniýa gatnaşýar. Olar maýa goýum taslamalaryny, dürli harytlary we hyzmatlary hödürleýärler.
TSTB-niň 17 ýyllyk taryhynda uly üstünlikler gazanyldy, birleşmäniň agzalarynyň sany artdy, hususy başlangyçlar üstünlikli durmuşa geçirilýär, telekeçileriň iş ugurlary giňeýär.
Çäräniň esasy wakasy 18-nji martda geçiriljek «Türkmenistanyň geljegine maýa goýumlar» atly halkara forum bolar. Ol hususy pudaga maýa goýumlary çekmek meselesine bagyşlanar. Sergi 19-njy martda gatnaşyjylary sylaglamak dabarasy bilen tamamlanar.
Türkmenistanyň Prezidenti we ÝB-niň Başlygy ikitaraplaýyn hyzmatdaşlygy berkitmegiň meselelerini maslahatlaşdylar
Birleşen Milletler Guramasynyň Baş Assambleýasynyň 78-nji mejlisine gatnaşmak maksady bilen, Nýu-Ýorkda iş sapary bilen bolýan Prezident Serdar Berdimuhamedow Ýewropa Bileleşiginiň Başlygy Şarl Mişel bilen duşuşdy diýip, TDH habar berýär.
Serdar Berdimuhamedow BSG-niň Baş direktory bilen Türkmenistanyň gurama girmeginiň geljegini maslahatlaşdy
Birleşen Milletler Guramasynyň Baş Assambleýasynyň Nýu-Ýorkda geçirilýän 78-nji mejlisine gatnaşýan Prezident Serdar Berdimuhamedow Bütindünýä söwda guramasynyň (BSG) Baş direktory hanym Ngozi Okonjo-Iweala bilen duşuşdy diýip, TDH habar berýär.
Türkmenistanyň we Koreýa Respublikasynyň Prezidentleri Nýu-Ýorkda döwletara gatnaşyklarynyň meselelerini maslahatlaşdylar
Birleşen Milletler Guramasynyň Baş Assambleýasynyň 78-nji mejlisine gatnaşmak maksady bilen, Amerikanyň Birleşen Ştatlarynda iş sapary bilen bolýan Prezident Serdar Berdimuhamedow Koreýa Respublikasynyň Prezidenti Ýun Sok Ýol bilen duşuşdy diýip, TDH habar berýär.
Türkmenistanyň Prezidenti BMG-niň Baş sekretary bilen hyzmatdaşlygyň ileri tutulýan ugurlaryny maslahatlaşdy
Birleşen Milletler Guramasynyň Baş Assambleýasynyň 78-nji mejlisine gatnaşmak maksady bilen, Nýu-Ýorkda iş sapary bilen bolýan Prezident Serdar Berdimuhamedow BMG-niň Baş sekretary Antoniu Guterriş bilen duşuşdy.
«Türkmengaz» DK-da öňdebaryjy tehnologiýalary ornaşdyrmak we döwrebaplaşdyrmak boýunça işler geçirilýär
Şenbe güni Prezident Serdar Berdimuhamedow sanly ulgam arkaly Ministrler Kabinetiniň nobatdaky mejlisini geçirdi. Onda ýurdumyzyň durmuşyna degişli käbir meseleler ara alnyp maslahatlaşyldy.