Aşgabatda Türkmenistanyň hususy pudagyna maýa goýumlaryny çekmek boýunça halkara forum öz işine başlady
10:03 18.03.2025 2933
18-nji martda Aşgabatda “Ýyldyz” otelinde hususy pudaga maýa goýumlaryny çekmek boýunça “Türkmenistanyň geljegine maýa goýumlar” (IFT – 2025) atly halkara forum öz işine başlady.
IFT-2025 Türkmenistanyň Senagatçylar we telekeçiler birleşmesiniň (TSTB) döredilmeginiň 17 ýyllygyna bagyşlanan serginiň we maslahatyň çäklerinde geçirilýär. Bu forum ýurdumyzda kiçi we orta telekeçiliginiň maýa goýum mümkinçiliklerini ara alyp maslahatlaşmak, tejribe alyşmak we döwlet hem-de hususy pudaklaryň arasyndaky hyzmatdaşlygy ýola goýmak üçin möhüm meýdança boldy.
Forum ykdysadyýetiň dürli pudaklarynyň ösüş mümkinçiliklerini ara alyp maslahatlaşmak üçin iri maýadarlary, telekeçileri, maliýe institutlarynyň we döwlet edaralarynyň wekillerini jemledi.
Çäräni TSTB-niň Dolandyryş Geňeşiniň agzasy Kerim Akmämmedow açdy. Açylyş dabarasynyň çäklerinde Türkmenistanyň hususy pudagynyň gazananlaryna bagyşlanan wideoşekil görkezildi.
Forumyň gatnaşyjylaryna Türkmenistanyň Ministrler Kabinetiniň Başlygynyň orunbasary Nökerguly Atagulyýew gutlag sözleri bilen ýüzlendi.
Duşuşyga Azerbaýjan, Owganystan, Belarus, Gazagystan, Hytaý, Gyrgyzystan, Niderlandlar, Pakistan, Russiýa, Saud Arabystany, Täjigistan, Fransiýa, Türkiýe, Germaniýa, Beýik Britaniýa, Estoniýa we ABŞ-dan wekiller gatnaşýarlar.
Foruma gatnaşyjylar senagat, ulag, oba hojalygy, maglumat tehnologiýalary we beýleki pudaklardaky ileri tutulýan taslamalar, hususy pudagy goldamak çäreleri bilen tanyşmaga, halkara we ýerli maýadarlar, telekeçiler bilen gatnaşyklara girmegi, şeýle hem sebitde iş alyp barmagyň we maýa goýmagyň iň oňat dünýä tejribeleri barada hünärmenleriň maslahatlaryny almagy üçin ähli mümkinçilikler bilen üpjün edildi.
Mundan başga-da, gatnaşyjylar halkara tejribeleri we hyzmatdaşlyk mümkinçiliklerini ara alyp maslahatlaşarlar, täze taslamalary hem-de maýa goýum tekliplerini hödürlärler.
Forumyň jemleri boýunça ikitaraplaýyn resminamalara gol çekilmegine garaşylýar.
Mohammed Barkindo: erkin çykaryş kuwwatlyklary taryhda iň pes ýagdaýda, syýasy çözgütler zerur
Gazylyp alynýan ýangyçdan el çekmäge çagyryşyň netijesinde pudaga doly maýa goýmazlyk zerarly 62 ýyllyk taryhyň dowamynda OPEC ýurtlarynyň erkin çykaryş kuwwatlyklary iň pes ýagdaýda, bazarda nebit ýetmezçiliginiň meselesini çözmek üçin syýasy çözgütler zerur. Bu barada OPEC-iň Baş sekretary Mohammed Barkindo 5-nji iýulda Nigeriýadan geçen maslahatyň açylyşynda eden çykyşynda belledi. Görlüp oturylsa, bu Mohammed Barkindonyň köpçüligiň öňünde iň soňky çykyşy boldy. Ol şol gün gije aradan çykdy.
«Halkara ulag-üstaşyr geçelgeleri: özara baglanyşyklylyk we ösüş» Halkara maslahaty 18-20-nji iýulda geçiriler
18-20-nji iýulda Aşgabatda «Halkara ulag-üstaşyr geçelgeleri: özara baglanyşyklylyk we ösüş» Halkara maslahaty geçiriler. Forumyň maksady pandemiýadan soňky dikeldiş boýunça ileri tutulýan meseleleri maslahatlaşmak, halkara daşamalar ulgamynda täze şertlere uýgunlaşmak we netijeli halkara ulag-üstaşyr geçelgelerini ösdürmek bolup durýar.
Energetika hyzmatdaşlygyny ösdürmek — Azerbaýjanyň wekiliýeti bilen duşuşygyň üns merkezinde
Çarşenbe güni Türkmenistanyň Daşary işler ministrliginiň binasynda wise-premýer, Türkmenistanyň Daşary işler ministri Raşid Meredowyň Aşgabada iş sapary bilen gelen Azerbaýjan Respublikasynyň Ykdysadyýet ministri Mikail Jabbarowyň baştutanlygyndaky wekilýet bilen duşuşygynda energetika ulgamynda ikitaraplaýyn hyzmatdaşlygy ösdürmegiň mümkinçilikleri ara alnyp maslahatlaşyldy. Bu barada Türkmenistanyň daşary syýasat edarasynyň saýty habar berýär.
Türkmenistanyň DIM-niň ýolbaşçysy Eýranyň energetika ministri bilen energetika we gaz pudagynda hyzmatdaşlygy maslahatlaşdy
Türkmenistanyň Daşary işler ministrliginde Raşid Meredow bilen Eýranyň Energetika ministri Abbas Aliabadiniň arasynda geçirilen duşuşykda energetika we gaz pudaklarynda ikitaraplaýyn hyzmatdaşlygyň meseleleri maslahatlaşyldy diýip, türkmen daşary syýasat edarasynyň saýtynda habar berilýär.
ABŞ daşary ýurtlara strategiki ätiýaçlygyndan nebit iberýär - HBS
Şu ýylyň iýun aýynda ABŞ strategiki nebit gorundan 5 mln töweregi nebit eksport etdi diýip, habar beriş serişdeleri gümrük statistikasynyň we çeşmeleriň maglumatlaryna esaslanyp habar berýär. Interfaksyň amerikan gümrükhanasynyň maglumatlaryn esaslanyp, habar bermegine görä, 470 müň barrel nebit Italiýanyň Triestine Tehasdaky ammardan iberildi. Triestden Merkezi Ýewropadaky nebiti gaýtadan işleýän zawodlara nebiti ýetirýän turba geçiriji geçýär.