Türkmenistan bilen Gazagystanyň arasynda ykdysady hyzmatdaşlygy giňeltmegiň uly geljegi bar – Aýdar Kazybaýew
10:32 19.03.2025 2989
«Türkmenistanyň geljegine maýa goýumlar — 2025» halkara forumynda Gazagystanyň «Samruk-Kazyna» Milli Abadançylyk Gaznasynyň jemgyýetçilik geňeşiniň agzasy we Türkmen-Gazak işewürler geňeşiniň gazak tarapyndan ýolbaşçysy Aýdar Kazybaýew türkmen-gazak hyzmatdaşlygynyň geljegi barada çykyş etdi.
Ol 17-nji martda Türkmenistanyň Senagatçylar we telekeçiler birleşmesiniň döredilmeginiň 17 ýyllygyna bagyşlanyp geçirilen «Türkmenistanyň geljegine maýa goýumlar» sergisiniň ýokary derejede guralandygyny belledi.
Türkmenistan bilen Gazagystanyň hyzmatdaşlyk mümkinçilikleri barada durup geçen Aýdar Kazybaýew ýurtlary diňe bir umumy medeniýetiň däl, eýsem, Hazar deňziniň ugrundaky strategik ýerleşişiniň hem birleşdirýändigini nygtady. Onuň sözlerine görä, 2024-nji ýylda iki ýurduň arasyndaky haryt dolanyşygy 550 million dollar bolup, taraplar bu görkeziji ýakyn ýyllarda iki esse artdyrmagy meýilleşdirýärler.
«Türkmenistan hyzmatdaşlygy ösdürmek üçin özboluşly ykdysady şertlere eýe. Biz ulag-logistika we oba hojalygy ugurlarynda köp sanly bilelikdäki taslamalary eýýäm amala aşyrýarys. Hazar ulag ulgamyny döretmek we Kaspian.org atly ýörite saýtyň işe girizilmegi hyzmatdaşlygy giňeltmäge mümkinçilik berer» diýip, Kazybaýew belledi.
Ol şeýle hem işewürligiň durnukly ösmeginiň we parnik gazlarynyň zyňyndylaryny gözegçilikde saklamak ýaly ekologik çäreleriň ornaşdyrylmagynyň ähmiýetini aýratyn nygtady.
Kazybaýew iki ýurduň arasyndaky logistika elýeterliligi we aragatnaşyk meselelerine aýratyn üns berdi. Onuň pikiriçe, Gazagystan bilen Türkmenistanyň arasyndaky howa gatnawlarynyň täzeden ýola goýulmagy, wiza goldawynyň we töleg amallarynyň ýeňilleşdirilmegi döwletleriň arasyndaky hyzmatdaşlygy ep-esli gowulandyrar.
Aýdar Kazybaýew türkmen wekillerini 2025-nji ýylyň sentýabr aýynda Astanada geçiriljek üçünji işewürler geňeşiniň mejlisine gatnaşmaga çagyrdy we ikitaraplaýyn hyzmatdaşlygyň mundan beýläk-de çuňlaşjakdygyna ynam bildirdi.
Merkezi saýlaw topary Türkmenistanda Prezidenti wezipesine dalaşgärleri bellige almak çäresini tamamlady
Türkmenistanda iň ýokary döwlet wezipesine dalaşgärleri bellige almak çäresi tamamlandy. Dalaşgärleri hödürlemek hem-de bellige almak çäresi tamamlanandan soň, iň ýokary döwlet wezipesine hödürlenen dalaşgärler bilen saýlawçylaryň duşuşyklary geçirilýär. Bu barada Türkmenistanda Saýlawlary we sala salşyklary geçirmek boýunça merkezi toparyň saýtynda habar berilýär.
Nebit we nebit önümleri daşary ýurtlara ýüklenip iberilende ýük amallaryny geçirmek boýunça düzgünleri kämilleşdirmek işleri maslahatlaşyldy
29-njy maýda Prezident Serdar Berdimuhamedow sanly ulgam arkaly Ministrler Kabinetiniň nobatdaky mejlisini geçirdi. Onda ýurdumyzyň döwlet durmuşyna degişli birnäçe meselelere seredildi diýip, TDH habar berýär.
Türkmenistanyň Prezidenti Astanada “Merkezi Aziýa — Italiýa” formatyndaky birinji sammite gatnaşar
Prezident Serdar Berdimuhamedow 30-njy maýda Astanada geçiriljek “Merkezi Aziýa — Italiýa” formatyndaky döwlet Baştutanlarynyň birinji sammitine gatnaşar. Şunuň bilen baglylykda, Türkmenistanyň Prezidentiniň Gazagystan Respublikasynyň Astana şäherine iş saparyna görülýän taýýarlyk barada wise-premýer, daşary işler ministri R.Meredow Hökümet mejlisinde hasabat berdi. Bu barada TDH habar berýär.
Russiýanyň we Türkmenistanyň DIM-niň ýolbaşçylary Türkmenistanda geçiriljek VI Hazar sammitiniň gün tertibini maslahatlaşdylar
22-nji fewralda Türkmenistanyň Ministrler Kabinetiniň Başlygynyň Orunbasary, Daşary işler ministri R.Meredow Russiýa Federasiýasyna resmi saparynyň çäklerinde rus kärdeşli Sergeý Lawrow bilen 2022-nji ýylda Türkmenistanda geçiriljek VI Hazar sammitiniö gün tertibini maslahatlaşdylar.
Lebap welaýatynyň saýlawçylary Türkmenistanyň Prezidentligine Demokratik partiýadan dalaşgär bilen duşuşdylar
Çarşenbe güni Lebap welaýat häkimliginiň maslahatlar zalynda Demokratik partiýa tarapyndan Türkmenistanyň Prezidenti wezipesine dalaşgär hödürlenen Ministrler Kabinetiniň Başlygynyň orunbasary Serdar Berdimuhamedow bilen saýlawçylaryň duşuşygy boldy. Bu barada Türkmenistanyň Döwlet habarlar agentligi habar berýär.