Türkmenistan we Halkara sergiler býurosy gatnaşyklaryny berkitmegi meýilleşdirýär
15:31 19.03.2025 489
18-nji martda Aşgabatda Türkmenistanyň daşary işler ministri Raşid Meredow bilen Halkara sergiler býurosynyň Baş sekretary Dimitri Kerkentzesiň arasynda geçirilen duşuşykda sergi-ýarmarka işleri babatyndaky ikitaraplaýyn hyzmatdaşlygyň barşy, şeýle hem bu ulgamyň öňdebaryjy tejribelerini öwrenmegiň mümkinçilikleri barada gyzyklanma bildirilip pikir alşyldy. Bu barada Türkmenistanyň DIM-niň saýtynda habar berilýär.
Halkara sergiler býurosynyň Dolandyryş we býujet boýunça komitetiniň 19-njy martda Aşgabatda geçiriljek mejlisi bilen bagly meseleler ara alnyp maslahatlaşyldy. Şunuň bilen baglylykda, Türkmenistanyň 2024–2025-nji ýyllar döwür üçin Halkara sergiler býurosynyň Dolandyryş we býujet boýunça komitetiniň agzasy bolup durýandygy bellenildi.
Taraplar Türkmenistanyň bütindünýä we ýöriteleşdirilen gözden geçirilişlerine işjeň gatnaşýandygyny bellediler. Şunuň bilen baglylykda, durmuşa geçirilýän “Türkmenistanyň halkara sergi işiniň 2024–2025-nji ýyllar üçin Konsepsiýasynyň” ähmiýeti nygtaldy. Şol bir wagtyň özünde “Türkmenistan bilen Halkara sergiler býurosynyň arasynda hyzmatdaşlygy giňeltmek boýunça 2023–2025-nji ýyllar üçin Ýol kartasynyň” ýerine ýetirilişine syn berildi.
Sergi işiniň aýry-aýry dersleri boýunça seminarlaryň geçirilmegi, halkara sergilerinde Türkmenistanyň pawilýonlaryny gurnamak boýunça hyzmatdaşlyk, dürli derejedäki özara saparlaryny amala aşyrmak we beýlekiler gatnaşyklaryň geljegi uly ugurlarynyň hatarynda görkezildi.
Söhbetdeşler Ýaponiýanyň Osaka şäherinde geçiriljek EXPO 2025 Bütindünýä sergisine Türkmenistanyň gatnaşmagy bilen bagly meselä aýratyn üns berdiler.
Tokioda Türkmenistan bilen Ýaponiýanyň arasynda resminamalar toplumyna gol çekildi
Tokio şäherinde Ykdysady hyzmatdaşlyk boýunça bilelikdäki türkmen-ýapon we ýapon-türkmen komitetleriniň nobatdaky geçirilen 14-nji mejlisiniň dowamynda Türkmenistanyň öňdebaryjy döwlet konsernleri bilen himiýa-gaz senagaty, ulag, suw hojalygy ýaly ugurlar boýunça ýapon kompaniýalarynyň arasynda resminalaryň toplumyna gol çekildi. Bu barada Türkmenistanyň DIM-niň saýty habar berýär.
Ýangyç-energetika toplumynyň maddy-enjamlaýyn binýadyny berkitmek meseleleri Hökümet mejlisinde maslahatlaşyldy
Prezident Serdar Berdimuhamedowyň sanly ulgam arkaly geçen anna güni geçiren Ministrler Kabinetiniň nobatdaky mejlisinde nebit önümlerini öndürmek we paýlamak, şeýle hem ýangyç-energetika toplumynyň maddy-enjamlaýyn binýadyny pugtalandyrmak meseleleri maslahatlaşyldy.
Türkmenistanyň wekiliýeti Ýaponiýanyň premýer-ministri we birnäçe edaralarynyň ýolbaşçylary bilen gepleşikleri geçirdi
«Merkezi Aziýa+Ýaponiýa» Dialogyna gatnaşyjy ýurtlaryň Daşary işler ministrleriniň 9-njy mejlisine gatnaşmak üçin Tokio şäherinde iş sapary bilen bolan Türkmenistanyň wekiliýeti geçen anna güni Premýer-ministr Fumio Kişida bilen duşuşdylar we birnäçe ikitaraplaýyn duşuşyklary geçirdiler. Bu barada Türkmenistanyň DIM-niň saýty habar berýär.
Serdar Berdimuhamedow GDA-nyň döwlet Baştutanlarynyň resmi däl duşuşygyna gatnaşdy
Prezident Serdar Berdimuhamedow duşenbe güni Russiýa Federasiýasyna iş saparyny amala aşyryp, däp boýunça her ýyl Sankt-Peterburg şäherinde ýylyň ahyrynda geçirilýän GDA-nyň döwlet Baştutanlarynyň resmi däl sammitine gatnaşdy diýip, TDH habar berýär.
Birža söwdalarynda ECO-93 benzini we suwuklandyrylan gaz aýratyn islegden peýdalandy
Türkmenistanyň Döwlet haryt-çig mal biržasynyň söwdalarynda 21-nji dekabrda, çarşenbe güni jemi bahasy 15,7 mln dollarlyk 19 sany geleşik baglaşyldy diýip, Orient news habar berýär.