Türkmenistan 2024-nji ýylda ABŞ-nyň 11 milliard dollary möçberinde maýa goýumlary özleşdirdi
10:34 19.03.2025 5309
Türkmenistan 2024-nji ýylda daşary ýurt maýa goýumlaryny çekmek boýunça meýilnamasyny 110 % ýerine ýetirip, ähli maliýeleşdiriş çeşmeleriniň hasabyna ABŞ-nyň 11 milliard dollary möçberinde maýa goýumlaryny özleşdirdi. Bu barada 18-nji martda Aşgabatda geçirilen «Türkmenistanyň geljegine maýa goýumlar» (IFT 2025) halkara forumynda Türkmenistanyň maliýe we ykdysadyýet ministriniň orunbasary Perhat Ýagşyýew aýtdy.
Ministriň orunbasarynyň bellemegine görä, 2024-nji ýylda Türkmenistanyň ykdysadyýeti durnukly ösüşi görkezdi, ýurduň jemi içerki önümi 6,3% ýokarlandy. Maýa goýumlaryň umumy ykdysadyýetdäki paýy bolsa 17,6%-e ýetdi.
2025-nji ýylda ýurduň hökümeti çekilýän maýa goýumlaryň möçberini ABŞ-nyň 11,5 milliard dollaryna ýetirmegi maksat edinýär. Forumda berlen maglumata görä, meýilleşdirilýän maýa goýumlaryň 65,6%-i önümçilik taslamalaryna gönükdiriler. Şeýle hem, umumy maýa goýumlaryň takmynan 33%-i hususy pudagyň, 10%-e golaýy bolsa daşary ýurt maýadarlarynyň hasabyna özleşdiriler.
Türkmenistanyň ösüş strategiýasynda hususy pudagy ösdürmäge aýratyn üns berilýär. Çaklamalara görä, 2025-nji ýylda ýurduň jemi içerki önümindäki döwlete dahylly bolmadykj pudagyň paýy (ýangyç-energetika toplumyny hasaba almazdan) 71,6%-e ýeter.
Häzirki wagtda Türkmenistan maýa goýum işini düzgünleşdirýän 67 halkara şertnama baglaşdy, şol sanda 28 sany özara maýa goýumlary goldamak we goramak hakyndaky ylalaşyk hem-de 39 sany goşa salgyt salynmagynyň öňüni almak baradaky şertnamalar hereket edýär.
Çykyşynyň ahyrynda Perhat Ýagşyýew duşuşyga gatnaşanlary şu ýylyň sentýabr aýynda Aşgabatda geçiriljek Türkmenistanyň Maýa goýum forumyna gatnaşmaga çagyrdy. Gyzyklanma bildirýän taraplara resmi çakylyklar diplomatik ýollaryň üsti bilen iberiler.
«Gazprom» Hytaýa gaz ibermeleriniň möçberini ardyrmaga we tölegi ýuanda ýa-da rublda geçmäge taýýarlanýar
Russiýanyň «Gazprom» kompaniýasy «uzakgündogar» ugry boýunça Hytaýa täze gaz geçirijini taslamalaşdyrmaga girişdi we CNPC bilen gazy satyn almak-satmak hakynda Şertnama goşmaça resminama gol çekdi. Ol özara hasaplaşyklary ýuanda ýa-da rublda geçmäge mümkinçilik berýär. Bu barada «Gazpromyň» resmi saýtynda habar berilýär.
Türkmenistanyň Prezidenti «Merkezi Aziýa – Ýewropa Bileleşigi» görnüşindäki birinji sammite we Samarkant halkara klimat forumyna gatnaşdy
4-nji aprelde Özbegistanda iş saparynda bolýan Prezident Serdar Berdimuhamedow «Merkezi Aziýa – Ýewropa Bileleşigi» görnüşindäki birinji sammite hem-de Samarkant halkara klimat forumyna gatnaşdy. Bu barada TDH habar berýär.
Türkmenistan ÝB bilen netijeli energodialogy täze derejede ýola goýmaga taýýar – Serdar Berdimuhamedow
Prezident Serdar Berdimuhamedow Türkmenistanyň Ýewropa Bileleşigi bilen netijeli energodialogy täze derejede ýola goýmaga çalyşýandygyny we bu ugurda iş ýüzündäki ädimleri ätmäge taýýardygyny tassyklady. Bu barada döwlet Baştutany 4-nji aprelde Samarkantda geçirilen “Merkezi Aziýa – Ýewropa Bileleşigi” birinji sammitinde beýan etdi diýip, TDH habar berýär.
Türkmenistanyň Prezidenti: “Garaýyşlaryň umumylygyndan ugur alyp, Merkezi Aziýany parahat, ykdysady taýdan özüne çekiji durnukly sebit hökmünde görýäris”
Häzirki şertlerde Merkezi Aziýa ýurtlary bilen Ýewropa Bileleşiginiň arasyndaky syýasy-diplomatik hyzmatdaşlyk sebitdäki we goňşy ýurtlardaky umumy ýagdaýlara netijeli täsir etmäge ukyply diýip pikir edýäris. Bu ugurda dünýä bileleşiginiň, ozaly bilen, Birleşen Milletler Guramasynyň tagallalaryna ýardam bermeli diýip hasaplaýarys diýip, Prezident Serdar Berdimuhamedow «Merkezi Aziýa — Ýewropa Bileleşigi» görnüşindäki birinji sammitinde çykyşynda belledi.
Birža söwdalarynda dizel ýangyjynyň dürli görnüşleri uly islegden peýdalandy
Duşenbe güni, 5-nji sentýabrda Türkmenistanyň Döwlet haryt-çig mal biržasynyň söwdalarynda umumy bahasy 16,9 mln dollara barabar bolan 5 sany geleşik baglaşyldy diýip, ORIENT agentligi habar berýär.