TEIF 2025 halkara forumynda durnukly geljegi gurmakda arassa energiýanyň orny maslahatlaşylar
13:17 10.04.2025 3080
2025-nji ýylyň 23–24-nji aprelinde Malaýziýanyň Kuala-Lumpur şäherinde geçiriljek Türkmenistanyň ykdysadyýetine daşary ýurt maýa goýumlaryny çekmek boýunça halkara forum (TEIF 2025) özara bähbitli halkara hyzmatdaşlygyny ösdürmekde möhüm waka öwrüler.
Türkmenistanyň “Türkmengaz”, “Türkmennebit” döwlet konsernleri we Türkmenistanyň Söwda-senagat edarasy tarapyndan “Türkmen Energiýa Forumy” hojalyk jemgyýetiniň goldawy bilen guraljak bu forum ýurdumyzyň energetika toplumyna, gurluşyk, ulag we ykdysadyýetiň beýleki strategik ugurlaryna maýa goýum mümkinçiliklerini ara alyp maslahatlaşmak üçin özboluşly meýdança bolup hyzmat eder.
“Türkmen Energiýa Forum-yň” habar bermegine görä, TEIF 2025 forumynyň çäklerinde “Arassa energiýanyň durnukly geljegi döretmekdäki orny: metan we CO2 zyňyndylaryny azaltmak we monetizasiýa” atly ýörite sessiýa geçiriler.
Bu sessiýada daşky gurşawa ýetirýän täsiri azaltmak üçin innowasion çözgütler ara alnyp maslahatlaşylar, şol sanda arassa energiýa başlangyçlarynyň metan we CO2 zyňyndylaryny ep-esli azaltmaga nähili kömek edip biljekdigi barada pikir alşylar.
Şeýle hem bu tagallalaryň monetizasiýasy boýunça strategiýalar maslahatlaşylar we ekologik taýdan arassa, durnukly energetika ulgamyna geçmegiň ykdysady peýdalaryna üns berler.
Türkmenistanyň Baştutany energiýa serişdelerini Orta we Ýakyn Gündogar ýurtlaryna üstaşyr ibermegiň meselelerini öwrenmegi tabşyrdy
Prezident Gurbanguly Berdimuhamedowyň sişenbe güni sanly ulgam arkaly geçiren iş maslahatynda Türkmenistanyň tebigy gazynyň we energiýa serişdeleriniň eksport ugurlaryny giňeltmek mümkinçilikleri maslahatlaşykdy. Maslahata Ministrler Kabinetiniň Başlygynyň orunbasary Ş.Abdrahmanow gatnaşdy.
Türkmenistanyň Demokratik partiýasy Serdar Berdimuhamedowy ýurduň Prezidenti wezipesine dalaşgär hödürledi
Wise-premýer Serdar Berdimuhamedow ýakynda geçiriljek Türkmenistanyň Prezidentiniň nobatdan daşary saýlawlaryna ilkinji dalaşgär boldy. Onuň dalaşgärligi Türkmenistanyň Demokratik partiýasynyň duşenbe güni geçirilen nobatdan daşary IX gurultaýynda öňe sürüldi.
Türkmenistanyň Baştutany «akylly» şäher Arkadagyň birinji tapgyrynyň açylyşyna gatnaşdy
29-njy iýunda, penşenbe güni Prezident Serdar Berdimuhamedowyň gatnaşmagynda Türkmenistanyň paýtagtyndan 30 kilometrlikde Türkmenistanyň Halk Maslahatynyň Başlygy Gurbanguly Berdimuhamedowyň başlangyjy bilen gurlan Arkadag şäheriniň birinji tapgyrynyň açylyşy mynasybetli giň möçberli dabaralar ýaýbaňlandyryldy.
Gurbanguly Berdimuhamedow we Emmanuel Makron türkmen-fransuz hyzmatdaşlygynyň ileri tutulýan ugurlaryny maslahatlaşdy
Türkmen halkynyň Milli Lideri Gurbanguly Berdimuhamedow Fransiýa resmi saparynyň çäklerinde Prezident Emmanuel Makron ikitaraplaýyn hyzmatdaşlygyň ileri tutulýan ugurlaryny maslahatlaşdy diýip, TDH habar berýär.
Türkmenistan fransuz işewürleri üçin amatly maýa goýum şertlerini hödürlemäge taýýar – Gurbanguly Berdimuhamedow
Türkmenistan fransuz işewürlerine maýa goýumlar we özara bähbitli hyzmatdaşlygy mundan beýläk hem ösdürmek üçin amatly şertleri hödürlemäge taýýar. Bu barada Türkmenistanyň Halk Maslahatynyň Başlygy Gurbanguly Berdimuhamedow Parižde “InterContinental Paris — Le Grand” myhmanhanasynda geçirilen Türkmen-fransuz ykdysady forumynda eden çykyşynda aýtdy.