Nebitgazçylar özara güýç synanyşdylar
04:25 06.05.2025 1386
Türkmenistanyň Nebitgaz senagaty toplumynyň işgärleriniň kärdeşler arkalaşygynyň Geňeşi, «Türkmengaz» döwlet konserniniň «Işçi iýmiti üpjünçiligi we hyzmatlar» müdirligi tarapyndan «Türkmenistan — sagdynlygyň we ruhubelentligiň ýurdy» atly sport bäsleşikleriniň çäklerinde ýurdumyzyň nebitgaz toplumynyň işgärleriniň arasynda sportuň 8 görnüşi boýunça ýaryş geçirildi. Nebitgaz senagatynyň ýaşaýyş jaý toplumyndaky sport desgalarynda erkekleriň we zenanlaryň arasynda guramaçylykly geçirilen bäsleşiklerde türgenler we sporta höwesek ýaşlar stoluň üstünde oýnalýan tennis, küşt, şaşka, düzzüm, tanap çekmek, ýaglyga towusmak, daş götermek, darts boýunça güýç synanyşdylar.
Birnäçe gün dowam eden bäsleşikler diýseň çekeleşikli geçdi. Sport çäresinde erkekleriň arasynda stoluň üstünde oýnalýan tennis, küşt, daş götermek boýunça «Türkmengaz» döwlet konserniniň, şaşka, düzzüm, darts boýunça «Türkmengeologiýa» döwlet korporasiýasynyň, tanap çekmek, ýaglyga towusmak boýunça «Türkmennebit» döwlet konserniniň türgenleri tapawutlandy. Zenanlaryň arasynda geçirilen bäsleşiklerde «Türkmengeologiýa» döwlet korporasiýasynyň türgenleri özleriniň has taýýarlyklydygyny görkezip, ýokarda sanalan ähli sport görnüşlerinde baýrakly orunlary eýeläp, öňdeligi sakladylar. Bäsleşigiň netijeleri boýunça ýeňiş gazanan ähli türgenlere guramaçylar tarapyndan Hormat hatlary we sowgatlar gowşuryldy.
Guramaçylykly geçirilen bäsleşikleriň jemleniş dabarasynda «Türkmengaz» döwlet konserninden wekilçilik eden ýeňijilerden Meýlis Annaşow bilen gysgaça söhbetdeşligimizde ol şeýle gürrüň berdi: «Men bu sport çärelerine stoluň üstünde oýnalýan tennis boýunça gatnaşdym. Garşydaşlarymdan üstün çykmak maňa başartdy. Netijede, 1-nji orna mynasyp boldum. Ýeri gelende sport bilen yzygider meşgullanýanlygymy aýdasym gelýär. Sport bilen meşgullanmaga bize ähli mümkinçilikler bar. Men «Türkmengaz» DK-nyň «Türkmengazawtomatika» müdirliginiň «Oguzhan» hokkeý klubunyň düzüminde hem çykyş edýärin. Biz ýaşlar üçin sport bilen meşgullanmaga ähli şertleri döredýän hormatly Prezidentimize çäksiz hoşallyk bildirýäris».
Türkmenistanyň Prezidenti ABŞ-nyň işewür toparlarynyň wekilleri bilen hyzmatdaşlygyň ileri tutulýan ugurlaryny maslahatlaşdy
16-njy dekabr Prezident Serdar Berdimuhamedow Türkmen-amerikan işewürlik maslahatyna gatnaşmak üçin ýurdumyza gelen ABŞ-nyň işewür toparlarynyň wekilleri bilen hyzmatdaşlygyň ileri tutulýan ugurlaryny maslahatlaşdy diýip, TDH habar berýär.
Energetika hyzmatdaşlygyny ösdürmek — Azerbaýjanyň wekiliýeti bilen duşuşygyň üns merkezinde
Çarşenbe güni Türkmenistanyň Daşary işler ministrliginiň binasynda wise-premýer, Türkmenistanyň Daşary işler ministri Raşid Meredowyň Aşgabada iş sapary bilen gelen Azerbaýjan Respublikasynyň Ykdysadyýet ministri Mikail Jabbarowyň baştutanlygyndaky wekilýet bilen duşuşygynda energetika ulgamynda ikitaraplaýyn hyzmatdaşlygy ösdürmegiň mümkinçilikleri ara alnyp maslahatlaşyldy. Bu barada Türkmenistanyň daşary syýasat edarasynyň saýty habar berýär.
Türkmenistanyň Prezidenti Ykdysady hyzmatdaşlyk boýunça ýapon-türkmen komitetiniň başlygyny kabul etdi
16-njy dekabrda Prezident Serdar Berdimuhamedow «ITOCHU Corporation» kompaniýasynyň direktorlar geňeşiniň agzasy, ýerine ýetiriji wise-prezidenti, maşyn we enjamlar kompaniýasynyň prezidenti, Ykdysady hyzmatdaşlyk boýunça ýapon-türkmen komitetiniň başlygy Hiroýuki Subaýy kabul etdi
«Halkara ulag-üstaşyr geçelgeleri: özara baglanyşyklylyk we ösüş» Halkara maslahaty 18-20-nji iýulda geçiriler
18-20-nji iýulda Aşgabatda «Halkara ulag-üstaşyr geçelgeleri: özara baglanyşyklylyk we ösüş» Halkara maslahaty geçiriler. Forumyň maksady pandemiýadan soňky dikeldiş boýunça ileri tutulýan meseleleri maslahatlaşmak, halkara daşamalar ulgamynda täze şertlere uýgunlaşmak we netijeli halkara ulag-üstaşyr geçelgelerini ösdürmek bolup durýar.
Türkmenistanyň DIM-niň ýolbaşçysy Eýranyň energetika ministri bilen energetika we gaz pudagynda hyzmatdaşlygy maslahatlaşdy
Türkmenistanyň Daşary işler ministrliginde Raşid Meredow bilen Eýranyň Energetika ministri Abbas Aliabadiniň arasynda geçirilen duşuşykda energetika we gaz pudaklarynda ikitaraplaýyn hyzmatdaşlygyň meseleleri maslahatlaşyldy diýip, türkmen daşary syýasat edarasynyň saýtynda habar berilýär.