Türkmenistanda «ÝAŞYL ENERGIÝA — ÝAGTY GELJEK» bäsleşigi yglan edilýär
04:42 06.05.2025 2249
2025-nji ýylyň “Halkara parahatçylyk we ynanyşmak ýyly” diýlip yglan edilmeginiň çäklerinde “Türkmengaz” döwlet konserni, "Nebit-gaz" gazetiniň redaksiýasy, Germaniýanyň Halkara hyzmatdaşlyk jemgyýeti (Deutsche Gesellschaft für Internationale Zusammenarbeit (GIZ)) GmbH we “Ussatnews” elektron gazetiniň redaksiýasy bilelikde “ýaşyl energiýa”, gaýtadan dikeldilýän energiýa çeşmeleri, energotygşytlylyk we Türkmenistanda energiýa netijeliligini ýokarlandyrmak meselelerine, şeýle hem Türkmenistanyň Prezidenti Serdar Berdimuhamedowyň bu ugurda alyp barýan işlerine bagyşlanan iň gowy makalalaryň bäsleşigini yglan edýär.
Türkmen halkynyň Milli Lideri Gurbanguly Berdimuhamedow “Garaşsyzlyk – bagtymyz” atly eserinde dünýä halklarynyň abadan we howpsuz geljegini üpjün etmegiň ylmy-tehniki özgertmeleri, energiýa çeşmelerini tygşytly peýdalanmagy we durnukly çözgütleriň durmuşa geçirilmegini talap edýändigini nygtaýar. Şu nukdaýnazardan, “ýaşyl” energiýanyň adamzat durmuşynda tutýan ornuny öwrenmek Türkmenistanyň durnukly ösüşi üçin aýratyn möhümdir.
«Ýaşyl energiýa — ýagty geljek» bäsleşigi jemgyýetiň durnukly ösüş we oňa degişli meseleler babatda habardarlygyny ýokarlandyrmaga, gaýtadan dikeldilýän energiýa çeşmelerini ösdürmäge we öndebaryjy energiýa tehnologiýalaryna bolan gyzyklanmany höweslendirmäge gönükdirilendir. Şeýle hem, bu bäsleşik täze pikirleri, tejribe alyş-çalşygyny ýaýbaňlandyrmagy, daşky gurşawy goramak we energotygşytlylyk meselesine oňyn garaýyşy ösdürmegi maksat edinýär.
Bäsleşige gyzyklanma bildirýänleriň hemmesi gatnaşyp biler. Awtorlara özboluşly pikirleri, täzeçe çemeleşmeleri we amaly çözgütleri beýan edýän makalalary bilen paýlaşmak hödürlenýär. Makalalar mazmun taýdan logiki gurluşly, ynandyryjy esaslandyrylan we köpçülik üçin elýeter düşnükli dilde ýazylmalydyr. Awtor barada doly maglumatlaryň (ady, öý salgysy, iş ýeri, telefon belgisi) görkezilmegi hökmanydyr.
Bäsleşik 2025-nji ýylyň tutuş dowamynda geçirilip, netijeleri 2025-nji ýylyň 25-nji dekabrynda jemlener. Iň oňat makalalar “Nebit-Gaz” gazetiniň sahypalarynda, şeýle hem oilgas.gov.tm we ussatnews.com web sahypalarynda bäsleşigiň «Ýaşyl energiýa — ýagty geljek» şygary astynda çap ediler.
“Nebit-Gaz” gazetiniň redaksiýasynyň salgysy: Aşgabat şäheri,Arçabil şaýolunyň 58-nji jaýy. Telefon belgisi: (+99312) 44-08-40. E-mail: nebit-gazgazeti@oilgas.gov.tm.
Bäsleşige hödürlenen makalalara ýörite döredilen eminler toparynyň baha bermeginde netije çykarylyp, oňa görä ýeňijilere Minnetdarlyk hatlary we gymmatbahaly sowgatlar gowşurylar.
Bäsleşigiň ýeňijileriniň baýraklaryny maliýeleşdirmek Germaniýanyň Halkara Hyzmatdaşlyk Jemgyýeti (Deutsche Gesellschaft für Internationale Zusammenarbeit (GIZ) GmbH tarapyndan Ýewropa Bileleşiginiň we Germaniýanyň Daşary işler ministrliginiň goldaw bermeginde durmuşa geçirilýän «Türkmenistanyň ýaşyl ösüşi: Ýewropa Bileleşigi: Syýasy gepleşikler we 2024 – 2028-nji ýyllar üçin howanyň üýtgemegi babatyndaky çäreler» taslamasynyň çäklerinde üpjün edilýär.
Owganystan türkmen suwuklandyrylan gazynyň importyny artdyrýar
Duşenbe güni owgan habar beriş serişdeleri Türkmenistandan Owganystana suwuklandyrylan gazyň importynyň artandygyny habar berdiler. Neşirlerde bellenilmegine görä, bu barada beýannamany ykdysady toplumyň mejlisinden soň, talibanlaryň wagtlaýyn hökümeti neşir etdi.
API-niň ABŞ-da ätiýaçlyklaryň pese düşýändigi baradaky maglumatlarynyň esasynda nebitiň bahalary ýokarlanýar, Brent — 104,58 dollar
Amerikanyň nebit institutynyň (API) ABŞ-da ätiýaçlyklaryň birden peselmegini görkezýän maglumatlarynyň esasynda nebitiň bahalary çarşenbe güni az-kem ýokarlanýar diýip, Interfaks habar berýär.
Ýewropada gazyň bahasy 1 müň kub metri üçin 2200 dollardan gymmatlady
«Demirgazyk akymynda» gaz geçiriji enjamlaryň ýene biriniň hatardan çykmagyna garaşylýan mahalynda, Ýewropada gazyň spot bahasy sişenbe güni agşama çenli, müň kub metrine 2200 dollardan geçdi diýip, Interfaks habar berýär.
Türkmenistan Owganystanyň dikeldilmegine gyzyklanma bildirýär - DIM
Türkmenistan Owganystanyň täzeden dikeldilmegine, dünýä ykdysady gatnaşyklaryna goşulmagyna we infrastrukturasynyň ösüşine gyzyklanma bildirýär. Bu barada Türkmenistanyň Daşary işler ministriniň orunbasary W.Hajiýew Daşkentde “Owganystan: howpsuzlyk we ykdysady ösüş” atly halkara maslahatda eden çykyşynda belledi diýip, türkmen daşary syýasat edarasynyň saýty habar berýär.
Ýylyň şygaryna bagyşlandy
Türkmenistanyň Nebitgaz senagaty toplumynyň işgärleriniň kärdeşler arkalaşygynyň Geňeşi tarapyndan «Türkmengaz» döwlet konserniniň Medeni-işewürlik merkezinde «Parahatlyk nury örtüp Zemini, geldi Pyragynyň diýen zamany» atly dabaraly maslahat geçirildi. Oňa toplumyň edara-kärhanalarynyň işgärleri gatnaşdylar.