Täsirli geçen maslahat
04:15 13.05.2025 1794
2025-nji ýylyň 10-njy maýynda Azerbaýjan Respublikasynyň ilçihanasy «Ýyldyz» myhmanhanasynda «Geýdar Aliýew — Energetika diplomatiýasy: «ýaşyl» dünýä ugrunda jebislik» atly halkara maslahat geçirdi.
Maslahata Türkmenistanyň daşary işler ministrliginiň wekilleri, birnäçe döwletleriň ilçileri, BMG-niň we halkara guramalaryň wekilleri gatnaşdylar.
Maslahaty Azerbaýjan Respublikasynyň Türkmenistandaky ilçisi Gismat Gozalow açdy. Ol çykyşynda Azerbaýjan Respublikasynyň öňki Prezidenti Geýdar Aliýewiň ýolbaşçylyk eden döwründe ykdysadyýetde, senagatda, ylym-bilim we medeniýet ulgamlarynda gazanylan üstünlikler hem-de ýetilen ýokary sepgitler barada aýdyp geçdi. Şeýle hem nebit, gaz ýataklaryny gözlemek, burawlamak, nebit we gaz önümlerini öndürmek hem-de daşary ýurtlara eksport etmek bilen bagly gazanylýan üstünlikler barada gürrüň berdi.
Şunuň bilen birlikde, metan zyňyndylaryny azaltmak, klimatyň üýtgemegi, «ýaşyl» dünýä syýasaty barada giňişleýin aýdyldy.
Maslahatda Türkmenistanyň daşary işler ministriniň orunbasary Ahmet Gurbanow, Türkiýe Respublikasynyň, Gazagystan Respublikasynyň, Beýik Britaniýanyň, Gruziýanyň ilçileri, «Eni» we «Çalik Enerji» kompaniýalarynyň wekilleri çykyş etdiler.
Maslahatyň ahyrynda meşhur kompozitorlaryň döreden sazlary ýaňlandy we toý sadakasy berildi.
Türkmenistanyň Prezidenti ABŞ-nyň işewür toparlarynyň wekilleri bilen hyzmatdaşlygyň ileri tutulýan ugurlaryny maslahatlaşdy
16-njy dekabr Prezident Serdar Berdimuhamedow Türkmen-amerikan işewürlik maslahatyna gatnaşmak üçin ýurdumyza gelen ABŞ-nyň işewür toparlarynyň wekilleri bilen hyzmatdaşlygyň ileri tutulýan ugurlaryny maslahatlaşdy diýip, TDH habar berýär.
Energetika hyzmatdaşlygyny ösdürmek — Azerbaýjanyň wekiliýeti bilen duşuşygyň üns merkezinde
Çarşenbe güni Türkmenistanyň Daşary işler ministrliginiň binasynda wise-premýer, Türkmenistanyň Daşary işler ministri Raşid Meredowyň Aşgabada iş sapary bilen gelen Azerbaýjan Respublikasynyň Ykdysadyýet ministri Mikail Jabbarowyň baştutanlygyndaky wekilýet bilen duşuşygynda energetika ulgamynda ikitaraplaýyn hyzmatdaşlygy ösdürmegiň mümkinçilikleri ara alnyp maslahatlaşyldy. Bu barada Türkmenistanyň daşary syýasat edarasynyň saýty habar berýär.
Türkmenistanyň Prezidenti Ykdysady hyzmatdaşlyk boýunça ýapon-türkmen komitetiniň başlygyny kabul etdi
16-njy dekabrda Prezident Serdar Berdimuhamedow «ITOCHU Corporation» kompaniýasynyň direktorlar geňeşiniň agzasy, ýerine ýetiriji wise-prezidenti, maşyn we enjamlar kompaniýasynyň prezidenti, Ykdysady hyzmatdaşlyk boýunça ýapon-türkmen komitetiniň başlygy Hiroýuki Subaýy kabul etdi
«Halkara ulag-üstaşyr geçelgeleri: özara baglanyşyklylyk we ösüş» Halkara maslahaty 18-20-nji iýulda geçiriler
18-20-nji iýulda Aşgabatda «Halkara ulag-üstaşyr geçelgeleri: özara baglanyşyklylyk we ösüş» Halkara maslahaty geçiriler. Forumyň maksady pandemiýadan soňky dikeldiş boýunça ileri tutulýan meseleleri maslahatlaşmak, halkara daşamalar ulgamynda täze şertlere uýgunlaşmak we netijeli halkara ulag-üstaşyr geçelgelerini ösdürmek bolup durýar.
Türkmenistanyň DIM-niň ýolbaşçysy Eýranyň energetika ministri bilen energetika we gaz pudagynda hyzmatdaşlygy maslahatlaşdy
Türkmenistanyň Daşary işler ministrliginde Raşid Meredow bilen Eýranyň Energetika ministri Abbas Aliabadiniň arasynda geçirilen duşuşykda energetika we gaz pudaklarynda ikitaraplaýyn hyzmatdaşlygyň meseleleri maslahatlaşyldy diýip, türkmen daşary syýasat edarasynyň saýtynda habar berilýär.