«Nebitgaz pudagyny ösdürmegiň ylmy esaslary»
04:20 17.06.2025 1152
Şeýle at bilen «Türkmengaz» döwlet konserniniň Ylmy-barlag tebigy gaz institutynda (YBTGI) ylmy-amaly maslahat geçirildi. Oňa YBTGI-niň ylmy işgärleri, ýaş hünärmenleri gatnaşdylar.
Maslahatda institutyň hünärmenleriniň gaz, nebit, geologiýa işlerinde ýerine ýetiren we alyp barýan barlag, seljerme işleri, pikirleri, teklipleri diňlenildi. Olar, hususan hem, ýerine ýetirýän ylmy taslamalary, ýagny Gazly köpgümmezli käniniň antiklinal däl ýataklary; nebitgazlylyk babatynda geljegi bar bolan Kükürtlije käniniň geologik-geofiziki maglumatlaryny toplumlaýyn öwrenmek bilen, gözleg guýusyny burawlamaklyga teklip bermek; anomal pes gatlak basyşly guýulary basmarlamakda ulanylýan erginleri işläp düzmek üçin geçirilen barlaglar; gaz we gazkondensat känleriniň karbonat önümli gatlaklarynyň syzdyryjylygyny dikeltmek; dik rezerwuarlaryň demriniň poslamasy; parnik gazy we klimatyň üýtgemeginiň meselesi barada çykyş etdiler. Ylmy-amaly maslahatyň barşynda halypa işgärler bilen ýaş hünärmenleriň arasynda sorag-jogap alşyldy. Soňra maslahat bölümçeleriň birnäçesinde öz işini dowam etdi.
Çäräniň ahyrynda Türkmenistanyň Nebitgaz senagaty toplumynyň işgärleriniň kärdeşler arkalaşygynyň Geňeşi tarapyndan YBTGI-niň ýadawsyz, göreldeli zähmeti bilen tapawutlanýan işgärlerine ýadygärlik sowgatlary gowşuryldy.
“Uzynada” känindäki nobatdaky guýudan uglewodorodlaryň senagat akymy alyndy
«Türkmennebit» döwlet konserniniň «Nebitgazburawlaýyş» trestiniň burawlaýjylary «Uzynada» känindäki 85 belgili täze çuň guýynyň buraw we gurluşyk işleri tamamlanyp, önümçilige girizdiler. Guýynyň çuňlugy 6 müň 830 metr bolup, ondan gije-gündiziň dowamynda nebit kondensatynyň 70 tonnasy hem-de 75 müň kub metr tebigy gazyň akymy alyndy.
Garabogaz — ýurdumyzyň himiýa hazynasy
Şu gün zähmet rugsadynda bolýan hormatly Prezidentimiz Serdar Berdimuhamedowyň gatnaşmagynda Garabogazköl aýlagynyň üstünden geçýän täze awtomobil köprüsiniň düýbüni tutmak dabarasy boldy. «Halkyň Arkadagly zamanasy» ýylynyň şanly wakasy Türkmenistanyň daşary syýasy strategiýasyny amala aşyrmak babatda hem, täze taryhy döwürde ýurdumyzyň ykdysadyýetini ösdürmek babatynda hem örän ähmiýetlidir.
Eýranyň Prezidenti bilen duşuşykda energetika, ulag we beýleki ugurlarda hyzmatdaşlygyň geljegi ara alnyp maslahatlaşyldy
Eýran Türkmenistan bilen energetika, ulag, suw çeşmeleri we beýleki ugurlarda konstruktiw hyzmatdaşlygy dowam etdirmeklige ygrarly. Bu barada 12-nji fewralda Türkmenistanyň Ministrler Kabinetiniň Başlygynyň Orunbasary, Daşary işler ministri Raşid Meredowyň ýolbaşçylygyndaky Türkmenistanyň wekiliýetiniň Tährana amala aşyran saparynyň çäginde Eýran Yslam Respublikasynyň Prezidenti Masud Pezeşkian bilen geçiren duşuşygynda aýdyldy. Muny Türkmenistanyň DIM-i habar berýär.
Birža söwdalarynda Türkiýä we Owganystana awtobenzin hem-de dizel ýangyjy satyldy
Geçen hepdede Türkmenistanyň Döwlet haryt-çig mal biržasynyň söwdalarynda geleşikleriň 30-sy hasaba alyndy.
Aşgabatda «Türkmenistanyň gurluşygy, senagaty we energetikasy» atly Halkara forum geçiriler
6-7-nji awgustda Aşgabatda «Türkmenistanyň gurluşygy, senagaty we energetikasy – 2022» atly Halkara sergisi we maslahaty geçiriler. Forum gurluşyk we senagat toplumynyň işgärleriniň gününe bagyşlanýar.