«Galkynyşda» ýene bir guýy önüm berdi
04:05 17.06.2025 1387
Tebigy gazynyň möçberi boýunça dünýäde belli bolan «Galkynyş» gaz käni bu gün «mawy ýangyjyň» iň ygtybarly çeşmesi bolup hyzmat edýär. Gahryman Arkadagymyzyň bu gaz känini tapgyrlaýyn özleşdirmek baradaky öňdengörüjilikli beýik başlangyçlary bu gün hormatly Prezidentimiz tarapyndan üstünlikli durmuşa geçirilýär. Döwlet Baştutanymyzyň tabşyryklary esasynda «Türkmengaz» döwlet konserniniň gazçylary gaz känindäki ulanyş guýularyny dünýä tejribesine laýyklykda, ýokary tehnologiýada burawlap, önümçilige girizýärler. Şeýlelikde, gaz käninden çykarylýan uglewodorod çig malynyň möçberi barha artýar.
Täzelikde «Türkmengaz» döwlet konserniniň «Türkmengazburawlaýyş» müdirliginiň gazçylary tarapyndan «Galkynyş» gaz känindäki 264-nji ulanyş gaz guýusynda buraw işleriniň 4 müň 19 metr çuňlukda üstünlikli ýerine ýetirilmegi hem-de ýer astyndaky önümli gatlagyň 115 metr aralygynda deşik deşmek usuly arkaly tebigy gazyň senagat taýdan ähmiýetli akymy alyndy. Hünärmenleriň hasaplamalaryna görä, ulanyş guýusy her gije-gündizde 2 million 240 müň kub metr tebigy gaz berýär.
Guýyny burawlamakdaky işleriň milli hünärmenlerimiz tarapyndan üstünlikli ýerine ýetirilmegi, gazanylan zähmet üstünliginde halypa burawlaýjylar bilen birlikde ýaş gazçylaryň hem uly goşandynyň bolmagy buýsandyryjy ýagdaýdyr. Gaz guýularyny burawlamakda, gurluşygy bilen doly tamamlap, ulanyşa girizmekde konserniň gazçylarynyň döwletimiz tarapyndan hili taýdan öňdebaryjy önümler we tehnologik enjamlar bilen üpjün edilmegi bolsa işleri meýilnamada bellenilen wagtynda tehnologik talaplara doly laýyk ýerine ýetirmäge, şeýlelikde, guýularyň uzak wagtyň dowamynda önüm bermegine şert döredýär.
Hormatly Prezidentimiziň berýän goldawlary netijesinde bu gaz guýusynyň buraw we gurluşyk işlerinde-de «Galkynyş» gaz käniniň geologik we tehnologik häsiýetlerine laýyk gelýän Ýaponiýa döwletiniň öňdebaryjy «Sumitomo» kompaniýasynyň oturtma we sorujy-gysyjy turbalary, «Kameron» kompaniýasynyň çüwdürim armaturalary hem-de sütün başlary giňden peýdalanyldy.
Şeýlelikde, bu gaz känindäki guýularyň tehniki görkezijileri, bir tarapdan, öňdebaryjy halkara önüm öndürijileriň ünsüni özüne çekse, beýleki bir tarapdan, tebigy gazy sarp ediji döwletleriň hem-de iri halkara maýadarlaryň çuňňur gyzyklanmasyna eýe bolýar.
«Gazçylarymyzyň gazanan şu zähmet üstünliginde aýry-aýry işgärlerimiziň mynasyp paýy bar. Olardan burawlaýjylar toparynyň ýolbaşçysy Muhammet Taýmazow, buraw ussalary Parahat Gurdow, Araz Awezow, burawlaýjy Perman Akmaýew, burawlaýjynyň kömekçileri Çary Annamämmedow, Galandar Galandarow dagynyň atlaryny görkezmek bolar» diýip, «Türkmengazburawlaýyş» müdirliginiň baş geology Guwanç Gurdow gürrüň berýär.
Häzirki wagtda konserniň gazçylary «Galkynyş» gaz känindäki 110-njy, 231-nji, 253-nji, 260-njy, 261-nji ulanyş gaz guýularynda-da burawlaýyş işlerini meýilnama laýyklykda üstünlikli alyp barýarlar.
Türkmenistanyň Prezidenti ABŞ-nyň işewür toparlarynyň wekilleri bilen hyzmatdaşlygyň ileri tutulýan ugurlaryny maslahatlaşdy
16-njy dekabr Prezident Serdar Berdimuhamedow Türkmen-amerikan işewürlik maslahatyna gatnaşmak üçin ýurdumyza gelen ABŞ-nyň işewür toparlarynyň wekilleri bilen hyzmatdaşlygyň ileri tutulýan ugurlaryny maslahatlaşdy diýip, TDH habar berýär.
Energetika hyzmatdaşlygyny ösdürmek — Azerbaýjanyň wekiliýeti bilen duşuşygyň üns merkezinde
Çarşenbe güni Türkmenistanyň Daşary işler ministrliginiň binasynda wise-premýer, Türkmenistanyň Daşary işler ministri Raşid Meredowyň Aşgabada iş sapary bilen gelen Azerbaýjan Respublikasynyň Ykdysadyýet ministri Mikail Jabbarowyň baştutanlygyndaky wekilýet bilen duşuşygynda energetika ulgamynda ikitaraplaýyn hyzmatdaşlygy ösdürmegiň mümkinçilikleri ara alnyp maslahatlaşyldy. Bu barada Türkmenistanyň daşary syýasat edarasynyň saýty habar berýär.
Türkmenistanyň Prezidenti Ykdysady hyzmatdaşlyk boýunça ýapon-türkmen komitetiniň başlygyny kabul etdi
16-njy dekabrda Prezident Serdar Berdimuhamedow «ITOCHU Corporation» kompaniýasynyň direktorlar geňeşiniň agzasy, ýerine ýetiriji wise-prezidenti, maşyn we enjamlar kompaniýasynyň prezidenti, Ykdysady hyzmatdaşlyk boýunça ýapon-türkmen komitetiniň başlygy Hiroýuki Subaýy kabul etdi
«Halkara ulag-üstaşyr geçelgeleri: özara baglanyşyklylyk we ösüş» Halkara maslahaty 18-20-nji iýulda geçiriler
18-20-nji iýulda Aşgabatda «Halkara ulag-üstaşyr geçelgeleri: özara baglanyşyklylyk we ösüş» Halkara maslahaty geçiriler. Forumyň maksady pandemiýadan soňky dikeldiş boýunça ileri tutulýan meseleleri maslahatlaşmak, halkara daşamalar ulgamynda täze şertlere uýgunlaşmak we netijeli halkara ulag-üstaşyr geçelgelerini ösdürmek bolup durýar.
Türkmenistanyň DIM-niň ýolbaşçysy Eýranyň energetika ministri bilen energetika we gaz pudagynda hyzmatdaşlygy maslahatlaşdy
Türkmenistanyň Daşary işler ministrliginde Raşid Meredow bilen Eýranyň Energetika ministri Abbas Aliabadiniň arasynda geçirilen duşuşykda energetika we gaz pudaklarynda ikitaraplaýyn hyzmatdaşlygyň meseleleri maslahatlaşyldy diýip, türkmen daşary syýasat edarasynyň saýtynda habar berilýär.