Türkmenistan we Belgiýa ýokary derejeli hyzmatdaşlygy berkitmegi maslahatlaşdylar
10:44 24.07.2025 3790
Türkmenistanyň Belgiýadaky ilçisi Sapar Pälwanow Belgiýanyň ýokary derejeli resmi wekilleri bilen birnäçe duşuşyklary geçirdi. Bu barada Türkmenistanyň Halkara habarlar merkezi habar berýär. Duşuşyklarda iki ýurduň arasynda iň ýokary derejede gatnaşyklary ýola goýmagyň mümkinçilikleri ara alnyp maslahatlaşyldy.
Gepleşikler Belgiýanyň milli baýramyna bagyşlanan resmi çäreleriň çäklerinde bolup geçdi. Çärä patyşa maşgalasynyň wekilleri, şeýle hem parlamentiň we hökümetiň ýolbaşçylary gatnaşdy.
S.Pälwanow wise-premýer we daşary işler ministri Maksim Prewo, Wekiller palatasynyň spikeri Piter De Rower, Patyşanyň kabinetiniň ýolbaşçysy Wensan Usýo we premýer-ministriň diplomatik geňeşçisi, ilçi Tomas Lambert bilen gepleşikleri geçirdi.
Duşuşyklaryň gün tertibinde ikitaraplaýyn gatnaşyklaryň pugtalandyrylmagy we hyzmatdaşlygy işjeňleşdirip biljek ýokary derejeli gatnaşyklaryň gurnalmagy baradaky meseleler boldy.
«Türkmenistanyň nebiti we gazy - 2023» 28-nji halkara maslahatyna taýýarlyk dowam edýär
OPEK (Nebiti eksport ediji döwletleriň guramasy) 25-27-nji oktýabrda Aşgabatda geçiriljek «Türkmenistanyň nebiti we gazy - 2023» 28-nji halkara maslahatyna gatnaşjakdygyny tassyklady diýip, forumyň guramaçylary habar berýär.
Türkmenbaşynyň deňiz portunyň polipropilen terminaly milli önümleriň eksportyny artdyrýar
Dünýä bazarlarynda uly islegden peýdalanýan nebitgaz senagatynyň önümleri Hazar deňziniň türkmen kenarynda ýerleşen Türkmenbaşynyň Halkara deňiz portunyň polipropilen terminalynyň üsti bilen eksport edilýär.
Daşary ýurt gämileri Türkmenbaşynyň portunda dizel ýangyjyny guýduryp bilerler
Türkmenistanyň Deňiz söwda floty Türkmenbaşynyň halkara deňiz portuna girýän daşary ýurt gämilerine dizel ýangyjyny guýup bermek hyzmatyny hödürleýär. Bu barada flotuň saýtynda habar berilýär.
«Türkmengaz» DK-nyň «Merw» toparynyň futbolçylary 22-nji awgustda «Hujand» täjik topary bilen duşuşar
Tamamlanyp barýan hepdäniň möhüm wakalarynyň biri hem, AFK-2023/24 Kubogynyň Merkezi zolakdaky deslapky tapgyry boldy. Ol duşuşyk Mary şäherinde 10 müň orunlyk «Sport toplumy» stadionynda geçirildi.
«Mawy ýangyç» Halaç etrabynyň sarp edijilerine bökdençsiz ýetirilýär
«Türkmenistany durmuş-ykdysady taýdan ösdürmegiň Milli maksatnamasyna» laýyklykda, ýurdumyzda durmuşa geçirilýän esasy wezipeleriň biri hem ilatly nokatlary gaz bilen üpjün etmek bolup durýar. Bu günki gün «mawy ýangyjyň» hözirini ýurdumyzyň çetki ilatly nokatlary hem görýär. Obalary we şäherleri gaz bilen üpjün etmek boýunça giň gerimli çäreleriň netijesinde tebigy gaz Lebap welaýatynyň Halaç etrabynyň ilatly nokatlaryna hem bökdençsiz ýetirilýär.