Türkmenistanyň DIM-niň ýolbaşçysy ABŞ-nyň Döwlet sekretary bilen ikitaraplaýyn hyzmatdaşlygy ösdürmegiň geljegini maslahatlaşdy
10:27 22.08.2025 1738
20-nji awgustda Waşingtonda Türkmenistanyň daşary işler ministri Raşid Meredow bilen Amerikanyň Birleşen Ştatlarynyň Döwlet sekretary Marko Rubionyň arasynda duşuşyk geçirildi diýip, Türkmenistanyň DIM-nde habar berdiler.
Duşuşygyň dowamynda Türkmenistan bilen ABŞ-nyň arasyndaky ikitaraplaýyn hyzmatdaşlygyň häzirki ýagdaýy we ösdürmegiň geljegi ara alnyp maslahatlaşyldy, şeýle hem özara gyzyklanma bildirilýän halkara meselelere garaldy.
Taraplar ikitaraplaýyn derejede we halkara guramalarynda bilelikdäki işiň çäginde syýasy-diplomatik hyzmatdaşlyga aýratyn üns berdiler.
Şol bir wagtyň özünde, iki ýurduň daşary syýasat edarlarynyň arasynda yzygiderli gatnaşyklaryň ähmiýeti nygtaldy. Şunuň bilen baglylykda, täsirli mehanizmleriň biri hökmünde Türkmenistanyň Daşary işler ministrligi bilen ABŞ-nyň Döwlet departamentiniň arasynda her ýyl geçirilýän ikitaraplaýyn geňeşmeler çykyş edýär.
Diplomatlar ikitaraplaýyn gatnaşyklaryň möhüm ugurlarynyň biri hökmünde ykdysady hyzmatdaşlygy bellediler. Onuň esasy şertleriniň hatarynda maýa goýum we tehnologiki ugurlarda özara hyzmatdaşlygyň bolmalydygyny nygtadylar. Öňdebaryjy amerikan kompaniýalaryny öz içine alýan Türkmen-amerikan işewürler geňeşi ykdysady gatnaşyklaryň ösmeginde aýratyn ähmiýete eýedir.
Daşary syýasat edaralarynyň ýolbaşçylary bilim, ylym, medeniýet we beýleki möhüm ähmiýetli ugurlarda bilelikdäki işiň mümkinçiliklerini giňeltmäge ygrarlylyklaryny beýan etdiler.
Türkmenistanyň daşary işler ministri we ABŞ-nyň Döwlet sekretary türkmen-amerikan gatnaşyklaryny işjeňleşdirmek maksady bilen yzygiderli gatnaşyklary dowam etdirmek barada ylalaşdylar.
Türkmenistanyň Prezidentiniň saýlawlary boýunça möhletinden öň ses bermek başlandy
Çarşenbe güni Türkmenistanyň Prezidentiniň saýlawlary boýunça möhletinden öň ses bermek başlandy.
Türkmenistanyň Merkezi saýlaw topary ýurduň Prezident saýlawlary üçin 2726 milli synçylary bellige aldy
Türkmenistanda Saýlawlary we sala salşyklary geçirmek baradaky Merkezi topar ýurdumyzda 12-nji martda geçiriljek Prezident saýlawlary boýunça milli synçylaryň jemi 2726-syny bellige aldy. BU barada MST-niň saýtynda habar berilýär.
Türkmenistan, Täjigistan we Özbegistan ýylyň ahyryna çenli ýangyç-energetika ulgamynda hyzmatdaşlyk hakynda gepleşikleri geçirer
Türkmenistanyň, Täjigistanyň we Özbegistanyň energetika pudagynyň edaralarynyň ýolbaşçylary 2023-nji ýylyň ikinji ýarymynda nebitgaz we elektrik energiýasy ulgamynda bilelikdäki işleriň mümkinçiliklerine garamak boýunça gepleşikleri geçirerler. Bu barada Türkmenistanyň, Täjigistan Respublikasynyň we Özbegistan Respublikasynyň döwlet Baştutanlarynyň Bilelikdäki Beýannamasynda aýdylýar.
Türkmenistanyň Prezidenti Palestinanyň täze ilçisi bilen hyzmatdaşlygyň geljegini maslahatlaşdy
19-njy iýunda Prezident Serdar Berdimuhamedow Palestina Döwletiniň Türkmenistanda täze bellenen Adatdan daşary we Doly ygtyýarly ilçisi hanym Rana Abu Hijlehi kabul etdi. Ilçi döwlet Baştutanymyza ynanç hatyny gowşurdy diýip, TDH habar berýär.
Türkmen-amerikan hyzmatdaşlygynyň bilelikdäki mümkinçilikleri has giň gerimde ulanylyp bilner — Türkmenistanyň DIM-i
Çarşenbe güni Türkmenistan bilen Amerikanyň Birleşen Ştatlarynyň arasynda her ýyl geçirilýän syýasy geňeşmeler iki ýurduň ugurdaş ministrlikleriniň hem-de pudak edaralarynyň wekilleriniň gatnaşmagynda göni wideoaragatnaşyk ulgamy arkaly öz işini dowam etdi diýip, Türkmenistanyň daşary syýasat edarasynyň saýty habar berýär.