Halkara gaz bileleşiginiň prezidenti OGT 2025 forumyna gatnaşar
16:35 05.09.2025 2226
Halkara gaz bileleşiginiň (IGU) prezidenti Anderea Steger şu ýyl geçiriljek «Türkmenistanyň nebit we gazy – OGT 2025» atly forumda esasy çykyş ediji hökmünde gatnaşjakdygyny tassyklady. Bu barada çäräniň guramaçylary habar berdiler.
Stegeriň çykyşy OGT-niň ýokary derejeli dialogyna, sebitleýin we halkara energetika bazarlary üçin möhüm döwürde uly ähmiýet goşar.
Halkara gaz bileleşigi 70-den gowrak ýurtdan 130-dan gowrak agzany birleşdirýär, dünýä gaz bazarynyň 90%-den gowragyny öz içine alýar we ygtybarly, howpsuz hem-de pes uglerodly energetika çözgütlerini öňe sürýär.
OGT-niň taryhynda IGU-nyň Prezidentiniň ilkinji gezek şahsy gatnaşmagy forumyň halkara derejesindäki ähmiýetiniň artýandygyny we Türkmenistanyň Ýewraziýanyň energetika ýollarynyň çatrygyndaky strategik ornuny görkezýär.
Belläp geçsek, 30-njy gezek geçiriljek «Türkmenistanyň nebit we gazy – 2025» (OGT 2025) halkara forumy şu ýylyň 22–24-nji oktýabry aralygynda Aşgabat şäherinde bolar.
Forumyň guramaçylary «Türkmengaz», «Türkmennebit» döwlet konsernleri we «Türkmengeologiýa» döwlet korporasiýasy bolup, olara «Turkmen energy forum» kompaniýasy goldaw berýär.
Häzirki wagta çenli maslahata 40 ýurtdan 300-den gowrak wekiliň, şol sanda milli we halkara nebitgaz kompaniýalarynyň ýolbaşçylarynyň, tehnologiýa liderleriniň we maliýe edaralarynyň gatnaşjakdygy tassyklandy.
OGT 2025-niň meýilnamasyna energetika howpsuzlygy boýunça ministrler derejesinde dialog, gazy monetizasiýa etmek we infrastruktura, metan hem-de CO2 zyňyndylaryny azaltmak, sanly operasiýalar, maliýeleşdirmek, ýerli hünärmenleri taýýarlamak we innowasion ekosistemalary ösdürmek boýunça mejlisler girýär.
Goşmaça maglumatlary www.ogt-turkmenistan.com saýtyndan tapyp bilersiňiz.
Hytaý we Türkmenistan ykdysady hyzmatdaşlygyny giňeltmegiň ýoly bilen barýar – Ýuý Szýanlun
Hytaý Türkmenistanyň iň iri söwda hyzmatdaşy bolup durýar diýip, Hytaýyň halkara söwdanyň ösmegine ýardam etmek boýunça komitetiniň başlygynyň orunbasary we Hytaýyň Halkara Söwda Palatasynyň başlygynyň orunbasary Ýuý Szýanlunyň 18-nji martda Aşgabatda geçirilen «Türkmenistanyň geljegine maýa goýumlar» (IFT 2025) halkara forumynda eden çykyşynda belledi.
Nebitgaz toplumynda hoşallyk maslahaty geçirildi
26-njy ýanwarda hormatly Prezidentimiz Gurbanguly Berdimuhamedow maliýe-ykdysadyýet we nebitgaz toplumynyň ýolbaşçylarynyň gatnaşmagynda iş maslahatyny geçirdi. Onda 2022-nji ýylda tutuş ýurdumyz boýunça Garaşsyz döwletimizi ykdysady taýdan mundan beýläk ösdürmek babatda öňde durýan wezipeler ara alnyp maslahatlaşyldy hem-de sebitleri döwrüň talaplaryna laýyk ösdürmek, halkymyzyň hal-ýagdaýyny has-da gowulandyrmak meselelerine garaldy.
ÝB — Merkezi Aziýa forumynda ulag, nebitgaz we beýleki pudaklarda hyzmatdaşlygy işjeňleşdirmek meseleleri maslahatlaşyldy
Türkmenistanyň Maliýe we ykdysadyýet ministri Serdar Joraýewiň ýolbaşçylygyndaky türkmen wekiliýeti 19-njy maýda Almatyda geçirilen ikinji ÝB — Merkezi Aziýa ykdysady forumyna gatnaşdy. Bu barada Türkmenistanyň Gazagystandaky ilçihanasy habar berýär.
Hökümet mejlisinde nebitgaz toplumynyň maddy-tehniki binýadyny berkitmek meseleleri maslahatlaşyldy
21-nji maýda, ýekşenbe güni Prezident Serdar Berdimuhamedow sanly ulgam arkaly Ministrler Kabinetiniň nobatdaky mejlisini geçirdi. Onda käbir resminamalaryň taslamalaryna garaldy we beýleki möhüm meseleler ara alnyp maslahatlaşyldy.
Türkmenistan 2024-nji ýylda ABŞ-nyň 11 milliard dollary möçberinde maýa goýumlary özleşdirdi
Türkmenistan 2024-nji ýylda daşary ýurt maýa goýumlaryny çekmek boýunça meýilnamasyny 110 % ýerine ýetirip, ähli maliýeleşdiriş çeşmeleriniň hasabyna ABŞ-nyň 11 milliard dollary möçberinde maýa goýumlaryny özleşdirdi. Bu barada 18-nji martda Aşgabatda geçirilen «Türkmenistanyň geljegine maýa goýumlar» (IFT 2025) halkara forumynda Türkmenistanyň maliýe we ykdysadyýet ministriniň orunbasary Perhat Ýagşyýew aýtdy.