Budapeşt Türkmenistany energetika ulgamynda ygtybarly hyzmatdaş hökmünde görýär
12:18 02.10.2025 1261
Wengriýanyň Gündogar bilen gatnaşyklary ösdürmek boýunça Döwlet sekretarynyň orunbasary Adam Ştifter Türkmenistanyň energetika pudagynda ygtybarly hyzmatdaş hökmünde görülýändigini aýtdy. Bu barada ol Aşgabatda geçirilen Ykdysady hyzmatdaşlyk boýunça Hökümetara türkmen-wenger toparynyň mejlisinden soň çykyşynda aýtdy.
«Energetika pudagynda biz ygtybarly hyzmatdaş hökmünde Türkmenistana bil baglaýarys» diýip, Ştifter Türkmenistan Halkara habarlar portalynda ýerleşdirilen wideoteswirinde belledi.
«Wengriýa dürli ýurtlardan tebigy gazy importyna bagly, şonuň üçin biz Türkmenistanyň mümkinçiliklerine uly umyt baglaýarys we ýakyn wagtda Türkmenistan Ýewropa, has dogrusy Wengriýa gaz üpjün ediji döwlete öwrüler diýip umyt edýäris» diýip, Ştifter nygtady.
Şeýle hem şol wideomaterialda Wengriýanyň ÝB bilen gatnaşyklar boýunça Döwlet sekretarynyň orunbasary Piter Holiça energetika hyzmatdaşlygynyň mümkinçilikleri barada çykyş etdi.
«Biz şu gün Türkmenistan bilen Wengriýanyň arasynda tebigy gaz söwdasy boýunça meseleleri, Hazar deňziniň kenarynda uglewodorodlary gözlemek we özleşdirmek boýunça taslamalaryň mümkinçiliklerini, şeýle hem geljekde gaýtadan dikeldilýän energiýa çeşmeleri boýunça bilelikdäki başlangyçlary ara alyp maslahatlaşdyk» diýip, Holiça aýtdy.
Ol şeýle-de «Bu duşuşyk oňyn netijeleri berdi, çünki biz bu ugurlaryň mundan beýläk nähili ösdürilip bilinjekdigini kesgitleýän esasy ýörelgeleri anyklap bildik» diýip belledi.
Holiça mundan beýläkki energetika hyzmatdaşlygyny giňeltmegiň ädimleriniň oktýabrda ara alnyp maslahatlaşyljakdygyny aýtdy.
«Biz şu ýylyň oktýabrynda guraljak Halkara energetika forumyna çakylyk üçin minnetdarlyk bildirýäris. Biz bu çärä gatnaşmaga hökman synanyşarys we şol ýerde energetika hyzmatdaşlygyny giňeltmegiň mundan beýläkki ädimlerini hem-de mümkinçiliklerini Türkmenistanyň hem-de tutuş sebitiň çäginde ara alyp maslahatlaşarys» diýip, Holiça belledi.
Hytaý we Türkmenistan ykdysady hyzmatdaşlygyny giňeltmegiň ýoly bilen barýar – Ýuý Szýanlun
Hytaý Türkmenistanyň iň iri söwda hyzmatdaşy bolup durýar diýip, Hytaýyň halkara söwdanyň ösmegine ýardam etmek boýunça komitetiniň başlygynyň orunbasary we Hytaýyň Halkara Söwda Palatasynyň başlygynyň orunbasary Ýuý Szýanlunyň 18-nji martda Aşgabatda geçirilen «Türkmenistanyň geljegine maýa goýumlar» (IFT 2025) halkara forumynda eden çykyşynda belledi.
Nebitgaz toplumynda hoşallyk maslahaty geçirildi
26-njy ýanwarda hormatly Prezidentimiz Gurbanguly Berdimuhamedow maliýe-ykdysadyýet we nebitgaz toplumynyň ýolbaşçylarynyň gatnaşmagynda iş maslahatyny geçirdi. Onda 2022-nji ýylda tutuş ýurdumyz boýunça Garaşsyz döwletimizi ykdysady taýdan mundan beýläk ösdürmek babatda öňde durýan wezipeler ara alnyp maslahatlaşyldy hem-de sebitleri döwrüň talaplaryna laýyk ösdürmek, halkymyzyň hal-ýagdaýyny has-da gowulandyrmak meselelerine garaldy.
ÝB — Merkezi Aziýa forumynda ulag, nebitgaz we beýleki pudaklarda hyzmatdaşlygy işjeňleşdirmek meseleleri maslahatlaşyldy
Türkmenistanyň Maliýe we ykdysadyýet ministri Serdar Joraýewiň ýolbaşçylygyndaky türkmen wekiliýeti 19-njy maýda Almatyda geçirilen ikinji ÝB — Merkezi Aziýa ykdysady forumyna gatnaşdy. Bu barada Türkmenistanyň Gazagystandaky ilçihanasy habar berýär.
Hökümet mejlisinde nebitgaz toplumynyň maddy-tehniki binýadyny berkitmek meseleleri maslahatlaşyldy
21-nji maýda, ýekşenbe güni Prezident Serdar Berdimuhamedow sanly ulgam arkaly Ministrler Kabinetiniň nobatdaky mejlisini geçirdi. Onda käbir resminamalaryň taslamalaryna garaldy we beýleki möhüm meseleler ara alnyp maslahatlaşyldy.
Türkmenistan 2024-nji ýylda ABŞ-nyň 11 milliard dollary möçberinde maýa goýumlary özleşdirdi
Türkmenistan 2024-nji ýylda daşary ýurt maýa goýumlaryny çekmek boýunça meýilnamasyny 110 % ýerine ýetirip, ähli maliýeleşdiriş çeşmeleriniň hasabyna ABŞ-nyň 11 milliard dollary möçberinde maýa goýumlaryny özleşdirdi. Bu barada 18-nji martda Aşgabatda geçirilen «Türkmenistanyň geljegine maýa goýumlar» (IFT 2025) halkara forumynda Türkmenistanyň maliýe we ykdysadyýet ministriniň orunbasary Perhat Ýagşyýew aýtdy.