“Çalık Enerji” kompaniýasy “Türkmenistanyň nebiti we gazy-2025” XXX halkara maslahatynyň we sergisiniň platina hemaýatkäri boldy
12:20 04.10.2025 2641
“Türkmenistanyň nebiti we gazy - 2025” (OGT 2025) atly XXX halkara maslahatynyň we sergisiniň Guramaçylyk topary bu möhüm çäräniň platina hemaýatkäri hökmünde “Çalık Enerji” kompaniýasyny yglan etdi. Bu çäre 2025-nji ýylyň 22–24-nji oktýabry aralygynda Aşgabatda geçiriler.
Bu hyzmatdaşlyk OGT-niň dünýä energetika platformasy hökmünde strategik ähmiýetini görkezýär we energiýa howpsuzlygyny hem-de durnukly ösüşi üpjün etmegiň halkara hyzmatdaşlygy arkaly gazanylýandygyny nygtaýar.
1998-nji ýylda döredilen we “Çalık Holding”-iň düzümine girýän “Çalık Enerji” kompaniýasy Ýewraziýanyň energetika pudagynda öňdebaryjy oýunçylaryň biridir. Kompaniýanyň işi taslama taýýarlamak, enjam satyn almak we gurluşyk (EPC), gaýtadan dikeldilýän energiýa çeşmeleri, elektrik stansiýalarynyň dolandyrylyşy, energiýanyň paýlanylyşy we satuwy ýaly ugurlary öz içine alýar.
“Çalık Enerji” birnäçe ýylyň dowamynda innowasiýalara, ekologiýa durnuklylygyna we döwrebap tehnologiýalaryň ornaşdyrylmagyna uly üns berip, iri energetika taslamalarynyň ygtybarly hyzmatdaşyna öwrüldi.
Türkmenistan kompaniýanyň işiniň möhüm ugurlarynyň biridir. “Çalık Enerji” ýurdumyzdaky energetika infrastrukturasynyň ösüşine möhüm goşant goşdy — häzirki zaman gaz turbinaly elektrik stansiýalaryny gurup, içerki bazary energiýa bilen üpjün etdi we eksport mümkinçiliklerini döretdi.
Kompaniýa energetika ulgamyny döwrebaplaşdyrmak boýunça maksatnamalara işjeň gatnaşýar, innowasion inženerçilik çözgütlerini ornaşdyrýar we ekologiýa howpsuzlygyna uly ähmiýet berýär. Bu taslamalar Türkmenistanyň energetika garaşsyzlygyny pugtalandyrmaga we halkara hyzmatdaşlygyny ösdürmäge ýardam edýär.
Platina hemaýatkär derejesiniň gazanylmagy OGT 2025 maslahatyna taýýarlygyň möhüm döwründe bolup geçýär. Bu forum däp boýunça dünýä energetika pudagynyň öňdebaryjy wekillerini — ministrleri, halkara kompaniýalaryň ýolbaşçylaryny, maýadarlary we hünärmenleri birleşdirýär.
“Energiýa. Innowasiýa. Ösüş.” diýen mowzuk “Çalık Enerji”-niň missiýasy bilen doly utgaşýar. Kompaniýa eýýäm 20 ýyldan gowrak wagt bäri innowasion çözgütleriň, durnukly ösüşiň we energiýa serişdeleriniň netijeli ulanylmagyny ilerledýär. Onuň platina hemaýatkäri hökmünde gatnaşmagy çäräniň ähmiýetini ýokarlandyrýar we Türkmenistanyň dünýä energetika ulgamyndaky strategik ornuny nygtaýar.
“Çalık Enerji”-niň esasy üstünliklerine häzirki zaman elektrik stansiýalarynyň we energiýa önümçilik desgalarynyň gurluşygy, öňdebaryjy inženerçilik we sanly çözgütleriň ornaşdyrylmagy, energiýa tygşytlylygynyň ýokarlandyrylmagy we daşky gurşawa ýetirýän täsiriň azaldylmagy girýär. Kompaniýa Türkiýede, Ýewropada, Merkezi Aziýada, Ýakyn Gündogarda we Afrikada üstünlikli taslamalary durmuşa geçirýär.
“Çalık Enerji” Türkmenistanyň energetika ulgamynyň ösüşinde möhüm orny eýeleýär. Kompaniýa ýokary hil standartlaryny we innowasiýalara ygrarlylygyny saklap, ýurduň Gündogar bilen Günbataryň arasynda möhüm energetika köprüsi hökmünde ornuny pugtalandyrmaga saldamly goşant goşýar.
Ýakynlaşyp gelýän OGT 2025 maslahatyna taýýarlyk doly depginde dowam edýär. Häzirki wagta çenli dünýäniň 70-den gowrak ýurdunyň 1000-den hem köp wekili, şol sanda 50-den gowrak täze kompaniýa we 100 töweregi ilkinji gezek gatnaşýan wekiller hasaba alyndy. Bu bolsa milli we hususy türkmen kompaniýalary üçin täze hyzmatdaşlyk gatnaşyklaryny ýola goýmak, hyzmatdaşlary giňeltmek we halkara hyzmatdaşlygyny pugtalandyrmak üçin ajaýyp mümkinçilikdir.
Guramaçylar ähli gatnaşyjylara bu möhüm çärä doly gatnaşmak üçin onlaýn hasaba alnyşy 10-njy oktýabra çenli tamamlamagy maslahat berýärler.
OGT 2025 barada giňişleýin maglumatlary çäreniň resmi saýtyndan alyp bilersiňiz: www.ogt-turkmenistan.com
(Maglumatlar OGT 2025 Guramaçylary tarapyndan berildi.)
Ýewropada gazyň bahalary ýylyň başyndan bäri iň ýokary derejesine çykdy
Çarşenbe güni gündiz Ýewropada gazyň spotlaýyn bajalary sişenbe güni söwdalaryň ýapylýan wagty bilen deňeşdirilende, 29% ýokarlandy diýip, Interfaks habar berýär.
Türkmenistanyň Prezidenti alymlary we Halkara ylmy maslahata gatnaşyjylary gutlady
12-nji iýunda Türkmenistanda Ylymlar güni bellenilip geçilýär. Şunuň bilen baglylykda, Prezident Serdar Berdimuhamedow Türkmenistanyň ylmy jemgyýetçiligine hem-de «Berkarar döwletiň täze eýýamynyň Galkynyşy döwründe ylym, tehnika we innowasion tehnologiýalar» halkara ylmy maslahata gatnaşyjylara gutlag iberdi.
Türkmenistanyň ýangyç-energetika toplumynda Gahryman Arkadagymyzyň täze kitabynyň tanyşdyryş dabarasy boldy
“Halkyň Arkadagly zamanasy” şygary astynda geçýän ýylyň bahar paslynyň ilkinji gününde nebitgaz toplumynyň merkezi binasynda hormatly Prezidentimiz Gurbanguly Berdimuhamedowyň türkmen halkyna sowgat eden «Abadançylygyň röwşen gadamlary» atly täze kitabynyň tanyşdyryş dabarasy geçirildi.
Türkmenistanyň Prezidenti Russiýa Federasiýasynyň ýolbaşçylaryny gutlady
Prezident Serdar Berdimuhamedow Türkmenistanyň halkynyň we Hökümetiniň adyndan, şeýle hem hut öz adyndan Russiýa Federasiýasynyň Prezidenti Wladimir Putine we Hökümetiniň Başlygy Mihail Mişustine hem-de ýurduň ähli halkyna Russiýanyň güni mynasybetli tüýs ýürekden gutlaglaryny, iň gowy arzuwlaryny iberdi diýip, TDH habar berýär.
Russiýa Türkmenistanyň esasy söwda hyzmatdaşlarynyň biri bolup durýar
Russiýa Türkmenistanyň esasy söwda hyzmatdaşlarynyň biri bolmagynda galýar – ýurtlaryň arasyndaky ýyllyk haryt dolanyşygy 1,6 milliard dollardan geçýär. Bu barada Türkmenistanyň Ministrler Kabinetiniň Başlygynyň orunbasary Hojamyrat Geldimyradow 11-nji iýunda Russiýa Federasiýasynyň ilçihanasy tarapyndan “Ýyldyz” myhmanhanasynda guralan Russiýa gününiň hormatyna geçirilen resmi kabul edilişlikde aýtdy. Bu barada Türkmenistanyň Telewideniýe, radiogepleşikler we kinematografiýa baradaky döwlet komitetiniň Habarlar portaly habar berýär.