Ylmy-amaly maslahat
09:05 07.10.2025 1379
«Türkmengaz» döwlet konserniniň Ylmy-barlag tebigy gaz institutynda (YBTGI) «Garaşsyzlyk ýyllarynda nebitgaz pudagynda ylmy-barlag işleriniň orny» atly ylmy-amaly maslahat geçirildi. YBTGI-niň kärdeşler arkalaşygynyň ilkinji guramasy tarapyndan geçirilen maslahata pudagyň ylmy işgärleri, ýaş hünärmenler gatnaşdylar.
Maslahatda, ilki bilen, YBTGI-niň direktorynyň geologiýa işleri boýunça orunbasary Rahmetnur Aýmämmedow, kärdeşler arkalaşygynyň ilkinji guramasynyň başlygy Myrat Baýramgylyjow giriş sözi bilen çykyş edip, ýurdumyzda türkmen halkynyň Milli Lideriniň we hormatly Prezidentimiziň tagallalary netijesinde nebitgaz toplumynyň ösdürilişi, milli ykdysadyýetimiziň binýatlyk pudagy bolan nebitgaz senagatynyň önümçiliginde ylmyň wajyp orny, ýakynda bolan Türkmenistanyň Halk Maslahatynyň mejlisinde kabul edilen taryhy çözgütler barada durup geçdiler.
Soňra YBTGI-niň bölüm başlyklary, laboratoriýa we sektor müdirleri, ylmy işgärleri çykyş etdiler. Ylmy-barlag tebigy gaz institutynyň ylmy işgärleri Jennet Jumahanowa, Gurbangül Nyýazowa, Güljemal Mämmedowa, Hatyja Çopanowa, Adyl Hamedow, Läle Ataýewa dagynyň, hususan-da, üňüz gazly sebitiň çäklerinde uglewodorod toplanmalaryny gözlemegiň geologiýa-geofiziki esaslandyrmasy, Gögerendag — Ekerem zolagynda ýerleşýän Günorta Gamyşlyja we Nebitlije känleriniň gurluşara eňňidinde gazylmagy teklip edilen 01-nji nebit guýusyny esaslandyrmak, ugurdaş gatlak suwlaryny gaýtadan işlemegiň we arassalamagyň usullary, Hazarly meýdançasynyň geologik gurluşyny öwrenmek, ýura çökündilerinde gazkondensat ýataklaryny gözlemek, nebit galyndylary, olary ulanmagyň ýa-da ýerlemegiň mümkinçilikleri, guýulary özleşdirmekde ulanylýan üst-işjeň maddalaryň netijeliligini ýokarlandyrmak, suwlanan guýulary ulanmagyň usullary barada alyp barýan barlag, seljeriş işlerinden çykyşlar diňlenildi we pikir alşyldy.
Ylmy-amaly maslahatyň ahyrynda guramaçylar tarapyndan üstünlikli zähmet çekýän işgärlere ýadygärlik sowgatlary gowşuryldy.
Hytaý we Türkmenistan ykdysady hyzmatdaşlygyny giňeltmegiň ýoly bilen barýar – Ýuý Szýanlun
Hytaý Türkmenistanyň iň iri söwda hyzmatdaşy bolup durýar diýip, Hytaýyň halkara söwdanyň ösmegine ýardam etmek boýunça komitetiniň başlygynyň orunbasary we Hytaýyň Halkara Söwda Palatasynyň başlygynyň orunbasary Ýuý Szýanlunyň 18-nji martda Aşgabatda geçirilen «Türkmenistanyň geljegine maýa goýumlar» (IFT 2025) halkara forumynda eden çykyşynda belledi.
Nebitgaz toplumynda hoşallyk maslahaty geçirildi
26-njy ýanwarda hormatly Prezidentimiz Gurbanguly Berdimuhamedow maliýe-ykdysadyýet we nebitgaz toplumynyň ýolbaşçylarynyň gatnaşmagynda iş maslahatyny geçirdi. Onda 2022-nji ýylda tutuş ýurdumyz boýunça Garaşsyz döwletimizi ykdysady taýdan mundan beýläk ösdürmek babatda öňde durýan wezipeler ara alnyp maslahatlaşyldy hem-de sebitleri döwrüň talaplaryna laýyk ösdürmek, halkymyzyň hal-ýagdaýyny has-da gowulandyrmak meselelerine garaldy.
ÝB — Merkezi Aziýa forumynda ulag, nebitgaz we beýleki pudaklarda hyzmatdaşlygy işjeňleşdirmek meseleleri maslahatlaşyldy
Türkmenistanyň Maliýe we ykdysadyýet ministri Serdar Joraýewiň ýolbaşçylygyndaky türkmen wekiliýeti 19-njy maýda Almatyda geçirilen ikinji ÝB — Merkezi Aziýa ykdysady forumyna gatnaşdy. Bu barada Türkmenistanyň Gazagystandaky ilçihanasy habar berýär.
Hökümet mejlisinde nebitgaz toplumynyň maddy-tehniki binýadyny berkitmek meseleleri maslahatlaşyldy
21-nji maýda, ýekşenbe güni Prezident Serdar Berdimuhamedow sanly ulgam arkaly Ministrler Kabinetiniň nobatdaky mejlisini geçirdi. Onda käbir resminamalaryň taslamalaryna garaldy we beýleki möhüm meseleler ara alnyp maslahatlaşyldy.
Türkmenistan 2024-nji ýylda ABŞ-nyň 11 milliard dollary möçberinde maýa goýumlary özleşdirdi
Türkmenistan 2024-nji ýylda daşary ýurt maýa goýumlaryny çekmek boýunça meýilnamasyny 110 % ýerine ýetirip, ähli maliýeleşdiriş çeşmeleriniň hasabyna ABŞ-nyň 11 milliard dollary möçberinde maýa goýumlaryny özleşdirdi. Bu barada 18-nji martda Aşgabatda geçirilen «Türkmenistanyň geljegine maýa goýumlar» (IFT 2025) halkara forumynda Türkmenistanyň maliýe we ykdysadyýet ministriniň orunbasary Perhat Ýagşyýew aýtdy.