Petronas “OGT 2025” 30-njy halkara sergisiniň we maslahatynyň brilliant hemaýatkäri boldy
13:58 15.10.2025 2780
«Türkmenistanyň nebiti we gazy – 2025» 30-njy halkara maslahatynyň we sergisiniň (OGT 2025) guramaçylyk komiteti Malaýziýanyň PETRONAS energetika kompaniýasynyň bu möhüm çäräniň brilliant hemaýatkäri bolandygyny resmi taýdan yglan etdi. Bu çäre 2025-nji ýylyň 22–24-nji oktýabry aralygynda Aşgabat şäherinde geçiriler.
Bu strategik hyzmatdaşlyk, PETRONAS-nyň Türkmenistany sebitiň esasy energetika merkezleriniň biri hökmünde ynamly görýändigini hem-de dünýä energetika howpsuzlygyny, durnukly ösüşi we innowasiýalary goldamakdaky ygrarlylygyny görkezýär.
PETRONAS 1974-nji ýylda döredilip, Malaýziýanyň nebit we gaz serişdelerini dolandyrmak ygtyýaryna eýe boldy. Häzirki wagtda kompaniýa dünýäniň 100-den gowrak ýurduny öz içine alýan giňişleýin halkara korporasiýasyna öwrüldi. Onuň iş ugurlaryna uglewodorodlaryň gözleg we çykarylyş işleri, nebit-gaýa senagaty, nebit-himiýa önümçiligi, söwda, marketing we innowasion energetika çözgütleriniň durmuşa geçirilmegi girýär.
Kompaniýa 2050-nji ýyla çenli uglerodyň zyňyndylarynyň 0-derejesine çykmagyny (NZCE 2050) gazanmak maksadyna laýyklykda, uglerody tutmak we saklamak (CCS), wodorzod energiýasy, täzelenýän energiýa çeşmeleri ýaly ugurlarda täze taslamalary durmuşa geçirýär.
“PETRONAS 1996-njy ýylda Türkmenistanda ilkinji maýa goýumyny geçirip, ýurduň nebitgaz pudagynyň ösüşine goşzbu hyzmatdaşlygy başlapdy. Bu kompaniýa Türkmenistanyň deňiz ýataklaryna ilkinji maýa goýum eden daşary ýurt operatory boldy. 2025-nji ýylyň maý aýynda kompaniýa taýýar önümi paýlaşmak hakynda täze 25 ýyllyk ylalaşyga gol çekip, öz hyzmatdaşlygyny 2050-nji ýyla çenli dowam etdirjekdigini tassyklady.
OGT 2025-niň brilliant derejeli Baş hemaýatkärli bolan PETRONAS Türkmenistanyň hem-de dünýäniň energetika jemgyýetçiliginiň arasyndaky strategik gatnaşyklary pugtalandyrmaga goşant berýär.
Maslahatyň esasy temasy — «Energiýa. Innowasiýa. Ösüş.» Bu şygar PETRONAS-nyň öňdebaryjy tehnologiýalaryň ornaşdyrylmagyna, energiýa pudagynyň durnukly ösüşine we serişdeleriň netijeli ulanylmagyna gönükdirilen maksatlaryny doly açyp görkezýär.
PETRONAS-nyň «OGT 2025» bilen hyzmatdaşlygy, ikitaraplaýyn gatnaşyklaryň ösdürilmegine, şeýle-de Türkmenistanda ygtybarly we durnukly energetika ulgamynyň kemala gelmegine ýardam berer.
Kompaniýa Brilliant hyzmatdaş hökmünde diňe maliýe we guramaçylyk taýdan däl, eýsem dünýä derejesindäki tejribesini, strategik garaýyşlaryny we pes uglerodly energetika ugrunda liderlik ukybyny hem paýlaşýar.
Häzirki wagtda 70-den gowrak ýurtdan 1400-den gowrak wekiller «OGT 2025» maslahatyna gatnaşmak üçin bellige alyndy. Mundan başga-da, 100-den gowrak kompaniýa «OGT EXPO» sergisinde öz tehnologiýalaryny we innowasion çözgütlerini hödürlär.
Giňişleýin maglumat we gatnaşmak baradaky maglumatlar resmi web sahypasynda elýeterlidir: www.ogt-turkmenistan.com
Türkmenbaşydaky nebiti gaýtadan işleýän zawodlar toplumynyň Seýdiniň nebiti gaýtadan işleýän zawodynyň direktory bellenildi
Türkmenistanyň Prezidentiniň Karary bilen, Azat Ýazmyradowiç Hydyrow Türkmenbaşydaky nebiti gaýtadan işleýän zawodlar toplumynyň Seýdiniň nebiti gaýtadan işleýän zawodynyň direktory wezipesine bellenildi.
Serdar Berdimuhamedow saýlawçylar bilen duşuşygynda saýlawlaryň öň ýanyndaky maksatnamasynyň esasy ugurlaryny tanyşdyrdy
Duşenbe güni Daşoguz welaýatynyň häkimliginiň mejlisler zalynda Demokratik partiýa tarapyndan Türkmenistanyň Prezidenti wezipesine dalaşgär görkezilen Ministrler Kabinetiniň Başlygynyň orunbasary Serdar Berdimuhamedow bilen saýlawçylaryň duşuşygy geçirildi diýip, Türkmenistanyň Döwlet habarlar agentligi habar berýär.
Türkmenistanyň Prezidenti wezipesine ýene-de üç dalaşgär hödürlenildi
Duşenbe güni Türkmenistanyň Senagatçylar we telekeçiler partiýasy, şeýle hem Aşgabat şäheriniň we Daşoguz welaýatynyň raýatlarynyň teklipçi topary ýurduň iň ýokary döwlet wezipesine öz dalaşgärlerini hödürlediler diýip, TDH agentligi habar berýär.
«Gubadagetrapgaz» hojalyk kärhanasy Daşoguz welaýatynyň sarp edijilerini gaz bilen bökdençsiz üpjün edýär
«Daşoguzgazüpjünçilik» müdirliginiň «Gubadagetrapgaz» gaz hojalyk kärhanasynyň gazçylary «Halkyň Arkadagly zamanasy» şygar astynda geçýän ýylda gaz paýlaýjy desgalaryna ýokary hilli ideg etmegi, Daşoguz welaýatynyň ilatly nokatlary, senagat, oba hojalyk we jemagat-hojalyk kärhanalaryny tebigy gaz bilen bökdençsiz üpjün etmegi dowam edýärler.
Köýtendag kän müdirligi Türkmenistanda iri taslamalary gurluşyk materiallary bilen üpjün edýär
Lebap welaýatynda sebitiň tebigy serişdelerini netijeli peýdalanmaga gönükdirilen köpugurly senagat merkezi döredilýär. Ýurtdaky iri taslamalary gurluşyk materiallary bilen üpjün edýän esasy kärhanalaryň biri hem Türkmenistanyň Türkmenistanyň Senagat we gurluşyk önümçiligi ministrliginiň Köýtendag etrabynyň çäginde ýerleşýän Köýtendag kän müdirligidir diýip, “Türkmenistan: Altyn asyr” saýty habar berýär.