Eni, SLB we ZOOMLION OGT-2025-iň bürünç hemaýatkärleri boldy
20:20 18.10.2025 3411
“Türkmenistanyň nebiti we gazy — 2025” (OGT-2025) XXX Halkara maslahatynyň we sergisiniň guramaçylyk komiteti “Eni Turkmenistan Limited”, “SLB” hem-de “ZOOMLION” kompaniýalarynyň şu ýylky foruma bürünç hemaýatkärleriniň hataryna goşulandygyny habar berdi. Forum 2025-nji ýylyň 22–24-nji oktýabry aralygynda Aşgabatda geçiriler.
Bu kompaniýalaryň gatnaşmagy, olaryň Türkmenistanda energetika pudagynyň ösüşine we innowasion hem-de durnukly tehnologiýalar boýunça halkara hyzmatdaşlygyny berkitmäge bolan uzak möhletli ygrarlylygyny görkezýär.
2008-nji ýyldan bäri Türkmenistanda işleýän “Eni Turkmenistan Limited” kompaniýasy Balkan welaýatyndaky iň iri daşary ýurt maýadarlarynyň we iş berijileriniň biridir. Kompaniýanyň işgärleriniň 95%-den gowragy — Türkmenistanyň raýatlarydyr. 2025-nji ýylyň iýul aýynda kompaniýa Aşgabatdaky “Arkaç” işewürlik merkezinde täze ofisini açdy, bu bolsa onuň türkmen bazaryndaky uzak möhletli meýilnamalarynyň subutnamasydyr.
Naýbaşy nebit hyzmat tehnologiýalary kompaniýasy bolan “SLB” (öňki “Schlumberger”) çykaryş netijeliligini ýokarlandyrmak we uglewodorod zyňyndylaryny azaltmak ugrunda çözgütleri ornaşdyrmagyny dowam etdirýär. Kompaniýanyň OGT-2025 forumyna gatnaşmagy onuň Türkmenistandaky hyzmatdaşlygyny pugtalandyrmak hem-de durnukly önümçilige goşant goşmak islegini görkezýär.
Dünýäniň iň iri gurluşyk we ýörite tehnikalary öndürijileriniň biri bolan “ZOOMLION” kompaniýasy Türkmenistanyň “Türkmengaz” döwlet konserni bilen işjeň hyzmatdaşlyk edýär. Kompaniýanyň tehnikalary ýurduň nebitgaz pudagynyň esasy desgalarynda ulanylýar. Mundan başga-da, kompaniýa Aşgabatda resmi wekilhanasyny açmak meýliniň bardygyny mälim etdi.
Guramaçylyk komitetiniň maglumatlaryna görä, häzirki wagta çenli 70-den gowrak ýurtdan 1400-den köp wekiller OGT-2025 maslahatyna gatnaşmak üçin hasaba alyndy, şeýle hem 100-den gowrak kompaniýa “OGT” sergisinde öz tehnologiýalaryny we çözgütlerini hödürlär. Bu çäre — Türkmenistanyň energetika pudagyndaky iň iri waka hasaplanýar.
Forumyň hemaýatkärleri we maslahat maksatnamasy barada giňişleýin maglumaty resmi saýtda tapyp bilersiňiz: www.ogt-turkmenistan.com
Türkmenbaşydaky nebiti gaýtadan işleýän zawodlar toplumynyň Seýdiniň nebiti gaýtadan işleýän zawodynyň direktory bellenildi
Türkmenistanyň Prezidentiniň Karary bilen, Azat Ýazmyradowiç Hydyrow Türkmenbaşydaky nebiti gaýtadan işleýän zawodlar toplumynyň Seýdiniň nebiti gaýtadan işleýän zawodynyň direktory wezipesine bellenildi.
Serdar Berdimuhamedow saýlawçylar bilen duşuşygynda saýlawlaryň öň ýanyndaky maksatnamasynyň esasy ugurlaryny tanyşdyrdy
Duşenbe güni Daşoguz welaýatynyň häkimliginiň mejlisler zalynda Demokratik partiýa tarapyndan Türkmenistanyň Prezidenti wezipesine dalaşgär görkezilen Ministrler Kabinetiniň Başlygynyň orunbasary Serdar Berdimuhamedow bilen saýlawçylaryň duşuşygy geçirildi diýip, Türkmenistanyň Döwlet habarlar agentligi habar berýär.
Türkmenistanyň Prezidenti wezipesine ýene-de üç dalaşgär hödürlenildi
Duşenbe güni Türkmenistanyň Senagatçylar we telekeçiler partiýasy, şeýle hem Aşgabat şäheriniň we Daşoguz welaýatynyň raýatlarynyň teklipçi topary ýurduň iň ýokary döwlet wezipesine öz dalaşgärlerini hödürlediler diýip, TDH agentligi habar berýär.
«Gubadagetrapgaz» hojalyk kärhanasy Daşoguz welaýatynyň sarp edijilerini gaz bilen bökdençsiz üpjün edýär
«Daşoguzgazüpjünçilik» müdirliginiň «Gubadagetrapgaz» gaz hojalyk kärhanasynyň gazçylary «Halkyň Arkadagly zamanasy» şygar astynda geçýän ýylda gaz paýlaýjy desgalaryna ýokary hilli ideg etmegi, Daşoguz welaýatynyň ilatly nokatlary, senagat, oba hojalyk we jemagat-hojalyk kärhanalaryny tebigy gaz bilen bökdençsiz üpjün etmegi dowam edýärler.
Köýtendag kän müdirligi Türkmenistanda iri taslamalary gurluşyk materiallary bilen üpjün edýär
Lebap welaýatynda sebitiň tebigy serişdelerini netijeli peýdalanmaga gönükdirilen köpugurly senagat merkezi döredilýär. Ýurtdaky iri taslamalary gurluşyk materiallary bilen üpjün edýän esasy kärhanalaryň biri hem Türkmenistanyň Türkmenistanyň Senagat we gurluşyk önümçiligi ministrliginiň Köýtendag etrabynyň çäginde ýerleşýän Köýtendag kän müdirligidir diýip, “Türkmenistan: Altyn asyr” saýty habar berýär.