Türkmenistan 2027-nji ýylyň başynda TOPH boýunça Owganystana gaz iberip başlamagy meýilleşdirýär
10:39 25.10.2025 4160
Türkmenistan «Türkmenistan – Owganystan – Pakistan – Hindistan» (TOPH) gaz geçirijisi arkaly tebigy gazyň Owganystana iberilmegini 2027-nji ýylyň başynda ýola goýmagy meýilleşdirýär. Bu barada «TAPI Pipeline Company Limited» kompaniýasynyň baş direktory Muhammetmyrat Amanow Aşgabatda geçirilen «Türkmenistanyň nebiti we gazy – 2025» halkara maslahatynyň çäklerinde beýan etdi.
«Owganystan bölegine degişli işler boýunça maksadymyz – gurluşyk işlerini geljek ýylyň ahyryna çenli tamamlap, şol ýylyň ahyrynda ýa-da 2027-nji ýylyň başlarynda gazyň akdyrylyşyny başlamagy üpjün etmek» diýip, Amanow aýtdy.
Ol şeýle hem Pakistan bilen taslamany durmuşa geçirmek üçin zerur bolan esasy ylalaşyklaryň baglaşylmagy boýunça alnyp barylýan gepleşikler barada aýtdy. «Biz Pakistanyň geljekdäki maýa goýumlaryny gorap biljek we maýadarlar hem-de maliýe guramalary üçin ygtybarlylygy artdyrjak esasy resminamalara goşulmagy ugrunda işleýäris. Bu resminamalar hökümet düzümlerini, gaz ulaga gentliklerini hem-de beýleki degişli ylalaşyklary öz içine alýar» diýip, taslamanyň ýolbaşçysy belledi.
M.Amanowyň sözlerine görä, gepleşikler 90% tamamlandy we bu tapgyry 2026-njy ýylyň birinji ýarymynda doly tamamlap bolar.
TOPH gaz geçirijisi her ýyl «Galkynyş» gaz käninden 33 milliard kub metre çenli tebigy gazyň daşalmagyny göz öňünde tutýar. Türkmenistan öz çägindäki bölegi 2024-nji ýylda doly gurup, ulanyşa taýýar etdi.
2024-nji ýylyň sentýabrynda Serhetabat – Hyrat ugry boýunça Owganystan tarapyndan gurluşyk işlerine başlanyldy. Bu bölege «Arkadagyň Ak ýoly» diýlip at berildi, onuň uzynlygy 153 kilometrdir.
21-nji oktýabrda türkmen halkynyň Milli Lideri Gurbanguly Berdimuhamedow TOPH gaz geçirijisiniň Owganystandaky täze gurluşyk tapgyryna dabaraly ýagdaýda badalga berdi.
Türkmenbaşydaky nebiti gaýtadan işleýän zawodlar toplumynyň Seýdiniň nebiti gaýtadan işleýän zawodynyň direktory bellenildi
Türkmenistanyň Prezidentiniň Karary bilen, Azat Ýazmyradowiç Hydyrow Türkmenbaşydaky nebiti gaýtadan işleýän zawodlar toplumynyň Seýdiniň nebiti gaýtadan işleýän zawodynyň direktory wezipesine bellenildi.
Serdar Berdimuhamedow saýlawçylar bilen duşuşygynda saýlawlaryň öň ýanyndaky maksatnamasynyň esasy ugurlaryny tanyşdyrdy
Duşenbe güni Daşoguz welaýatynyň häkimliginiň mejlisler zalynda Demokratik partiýa tarapyndan Türkmenistanyň Prezidenti wezipesine dalaşgär görkezilen Ministrler Kabinetiniň Başlygynyň orunbasary Serdar Berdimuhamedow bilen saýlawçylaryň duşuşygy geçirildi diýip, Türkmenistanyň Döwlet habarlar agentligi habar berýär.
Türkmenistanyň Prezidenti wezipesine ýene-de üç dalaşgär hödürlenildi
Duşenbe güni Türkmenistanyň Senagatçylar we telekeçiler partiýasy, şeýle hem Aşgabat şäheriniň we Daşoguz welaýatynyň raýatlarynyň teklipçi topary ýurduň iň ýokary döwlet wezipesine öz dalaşgärlerini hödürlediler diýip, TDH agentligi habar berýär.
«Gubadagetrapgaz» hojalyk kärhanasy Daşoguz welaýatynyň sarp edijilerini gaz bilen bökdençsiz üpjün edýär
«Daşoguzgazüpjünçilik» müdirliginiň «Gubadagetrapgaz» gaz hojalyk kärhanasynyň gazçylary «Halkyň Arkadagly zamanasy» şygar astynda geçýän ýylda gaz paýlaýjy desgalaryna ýokary hilli ideg etmegi, Daşoguz welaýatynyň ilatly nokatlary, senagat, oba hojalyk we jemagat-hojalyk kärhanalaryny tebigy gaz bilen bökdençsiz üpjün etmegi dowam edýärler.
Köýtendag kän müdirligi Türkmenistanda iri taslamalary gurluşyk materiallary bilen üpjün edýär
Lebap welaýatynda sebitiň tebigy serişdelerini netijeli peýdalanmaga gönükdirilen köpugurly senagat merkezi döredilýär. Ýurtdaky iri taslamalary gurluşyk materiallary bilen üpjün edýän esasy kärhanalaryň biri hem Türkmenistanyň Türkmenistanyň Senagat we gurluşyk önümçiligi ministrliginiň Köýtendag etrabynyň çäginde ýerleşýän Köýtendag kän müdirligidir diýip, “Türkmenistan: Altyn asyr” saýty habar berýär.